خمسة اغسطس

البارت التاسع عشر

خمسة اغسطس
البارت التاسع عشر

ليلى بصدمة:مازن!!
مازن ابتسم:ازيك يا ليلى
ليلى باستغراب:انت بتعمل اية هنا
مازن:انا بقول عليكِ ذكية يا ليلى معقول متعرفيش انا هنا لية
ليلى كشرت بعدم فهم:لية انت هنا؟
مازن:انا هنا علشان اقابلك
ليلى باستغراب:تقابلني!!!
مازن:اه
ليلى بصيت لمازن كتير وبعدين فهمت:هو انت اللي
مازن قاطعها:أيوة انا اللي ببعت صور لياسمين
ليلى سكتت وافتكرت أن اسم ام مازن هدى يعني دا يبقى مازن
ليلى:بس ازاي...الصبح في بنت كلمتني
مازن ابتسم:البنت دي تبقى صحبتي وانا اللي طلبت منها تعمل كدا
ليلى بغضب:انت عملت كدا لية وجيبت الصور دي منين؟
مازن ابتسم ببرود:أنتِ نسيتي أن المحروسة اختك كانت بتكلمني فيديو وطبعا انا كنت بعمل اسكرين شوت واخدت الصور وركبتها على صور عريانة بس طبعا دا وش اختك ودا شعر اختك ولا اية
ليلى بعصبية:انت بني ادم مش محترم انت بتعمل لية كدا في بنات الناس؟؟انت اه مش عندك اخوات بنات بس مسيرك تتجوز وتخلف ممكن تجيب بنت وحد يعمل فيها كدا أو ممكن حد يعمل كدا في مراتك
مازن ببرود:انا مش محترم!!طب اختك تبقى اية لو انا مش محترم على الأقل انا راجل محدش هيقول عليا حاجة إنما هي بنت وليها سُمعة وبعدين في بنت محترمة تكلم واحد متعرفهوش فيديو
ليلى بأسف:للاسف هي كانت فاكرة أن هي تعرفك بس هي طلعت غلطانة أو بمعني اصح انت طلعت ذكي ووريتها الجزء المزيف منك بص كدا على نفسك هتلاقي من برا شكل واحد محترم وابن ناس إنما من جوا بني ادم صايع ميعرفش يعني اية لعب ببنات الناس ياسمين عملت كدا علشان كانت بتحبك عملت دا تحت مسمى الحب انا مش هنكر أن هي غلطانة بس دا كان سببها انت بقا عملت كدا لية اية أسبابك
مازن:انا مكنتش ناوي اعمل كدا بس أنتِ اللي خلتيني اعمل كدا
ليلى:انا!!
مازن:أيوة انتِ...أنتِ عارفة اني بحبك يا ليلى وعايز اتجوزك فانا عملت كدا علشان تتجوزيني
ليلى بتريقة:وانت فاكر كدا اني ممكن اتجوزك!!انت لو اخر راجل في الكون مش هتجوزك يا مازن
مازن ببرود:براحتك بس خليكِ عارفة أن صور اختك الجميلة دي هبعتها لعلي خطيب اختك يا ترى علي هيعمل اية لما يشوف خطيبته الحلوة عريانة...ممكن يسيب اختك صح وساعتها اختك هتّدمر مرة انا سيبتها ومرة تانية علي سابها
ليلى فضلت تفكر في كلام مازن فعلا ياسمين هتدمر!!بس دا نتيجة أخطائها!!بس ياسمين هبلة وبتعمل أي حاجة من غير ما تفكر!!طب هي هتتصرف ازاي دلوقتي!!
مازن:وصلتي لأية
ليلى بجمود:مش هتجوزك يا مازن وانا هعرف اتصرف مع الصور دي
مازن بصلها:هتتجوزيني بمزاجك أو غصب عنك يا ليلى
ليلى ببرود:اه ان شاء الله
ليلى جت تمشي بس مازن مسك أيدها وكان بيشدها حاولت تبعد بس هو ماسكها جامد وفجاه حد مسك ايد مازن بقوة وبعدها عن ليلى وضرب مازن بالبوكس بقوة لدرجة أن هو وقع في الأرض...ليلى بصيت ودا كان مالك!
ليلى:مالك
مالك بغضب:أنتِ كويسة
ليلى هزيت راسها بمعنى اه وهو راح ناحية مازن وفضل يضربه لحد ما جاب دم
مازن بتعب:انا هوريك انا هعلمك الادب
مالك مسك هدوم مازن وبصله بغضب:طب قوم ووريني دا انت مش قادر تقوم على رجلك
مازن:شكلك متعرفش مين مازن الشرقاوي
مالك:لا معرفش عرفني وبلاش شغل التهديد دا مالك العزيزي ميتهددش وليلى خط احمر فاهم لو فكرت تبص مجرد باصة ليها هزعلك فاهم ولالا واه صح (مالك طلع موبايل مازن من جيبه ورمى الموبايل في الأرض وداس عليه برجله لحد ما اتكسر)اهو موبايلك الحلو وريني هتعمل اية
مالك ساب مازن ومازن جري من قدامه ومالك بص لليلى بغضب وراح ناحيتها
ليلى:وااو يا مالك انت ضربته جامد وكسرت موبايله شاطر
مالك زعق:قولتلك اروح معاكِ وأنتِ قولتي لا شوفتي حصل اية كان عايز ياخدك غصب عنك
ليلى اتخضيت من زعيق مالك:وانا اية اللي عرفني أن هو هيطلع مازن انا افتكرت أن دي بنت
مالك بغضب:حتى لو بنت مينفعش تروحي بليل في وقت زي دا لوحدك
ليلى:يا سلام اومال اخليك تروح انت ويبقى معايا بنت
مالك باستغراب:واية اللي فيها لما يبقى معاكِ بنت وانا اروح؟؟
ليلى بضيق:لا مفيش عن اذنك
ليلى جت تمشي بس مالك شدها من دراعها ووقفها قصاده
مالك:استني انا هوصلك
ليلى:شكرا معايا عربيتي
مالك:هبقى اخلي حد يجيب عربيتك وانا هوصلك
ليلى:لا
مالك زعق:مفيش حاجة اسمها لا الساعة ١٢ هتمشي لوحدك ازاي في وقت زي دا وفي شباب مش كويسة في كل مكان ممكن حد يضايقك
ليلى ببرود:هبقى اتصرف لو حد ضايقني
مالك بيحاول يسيطر على أعصابه:ليلى متعصبنيش يلا بينا
ليلى:مش عايزة امشي معاك
مالك بصلها وبعدين شدها من أيدها وهي حاولت تبعد أيدها بس هو ماسكها جامد ودخلها في العربية وهو دخل العربية ومشي
ليلى زعقت:اية البرود دا انا مبحبش حد يجبرني على حاجة
مالك مردش عليها وهي اتنرفزت من بروده
ليلى ببرود:مش هتعرف توصلني لانك مش عارف الطريق وانا مش هقولك
مالك ابتسم:عارف الطريق
ليلى باستغراب:عرفت منين؟
مالك بصلها:لما قولتلك اروح معاكِ لما تقابلي البنت وأنتِ قولتي لا ساعتها أنتِ مشيتي وانا مشيت وراكي بالعربية وأنتِ فضلتي تلفي بالعربية وبعدين روحتي البيت وانا كنت وراكي وفضلت واقف تحت البيت لحد ما نزلتي بليل وانا مشيت وراكي بس
ليلى مردتش وبصيت الناحية تانية وفرحت أن مالك مهتم بيها وبعدين كشرت وفكرت أن ممكن يكون مالك مشي وراها علشان يشوف البنت اللي معاها مش علشانها
مالك متابعها من المرايا وملاحظ تغيير تعبيرات وشها
مالك:وصلنا انزلي
ليلى بصيت حواليها واستغربت أن هما وصله بالسرعة دي...ليلى نزلت بسرعة من غير ما تبص لمالك ومالك اتنهد ومشي...ليلى طلعت فوق وقالت لياسمين على كل اللي حصل وياسمين فرحت أن الكابوس خلص

تاني يوم رحيل راحت الشغل وكانت قاعدة مضايقة إن شادي مش بيرد عليها
:_جبيبتي مضايقة لية
رحيل بصيت وراها بسرعة وطلع شادي
رحيل بفرحة:شادي انت كويس (كشرت)انت مش بترد عليا لية
شادي اتنهد:اسف اني مردتش عليكِ بس ابوكي صدمني انا مش فاهم هو رافض لية
رحيل بزعل:كدا خلاص يا شادي مش هنبقى لبعض؟
شادي بنرفزة:اية اللي مش هنبقى لبعض دي...أنتِ مش هتبقي لحد غيري يا رحيل وغصب عن ابوكي هنتجوز
رحيل فرحت من تمسك شادي ليها:هنعمل ايه طيب
شادي:متشغليش بالك أنتِ وانا هتصرف
شادي فضل يكلم مع رحيل وبعدين رحيل روحت وهو مشي
صالح كان ماشي وراجع من الشغل وكان تعبان من الشغل  وفجأة لقى حد جمبه
شادي:اتفضل يا عمي العصير دا شكلك تعبان
صالح بص لشادي وبعدين مشي من غير ما يرد راح شادي مشي جمبه
شادي:كدا يا عمي تكسفني ومتاخدش مني العصير دا حتى انت هتبقى حماية
صالح بغضب:مش هبقى حماك وامشي بقا
شادي:لا يا عمي لازم اوصلك واطمئن عليك انك وصلت وبعدين امشي
صالح مردش عليه وهو كمل مشي جمب صالح لحد ما وصل تحت عمارة صالح
صالح:مش هتاخد بنتي بردو
شادي ابتسم:لا هاخدها وانا مش هتجوز غيرها
صالح:يبقى هتفضل طول عمرك من غير جواز
شادي:لا هنتجوز انا ورحيل وانت كمان هتوافق
صالح بتريقة:اه ان شاء الله
صالح طلع وساب شادي وبعدين شادي مشي

ياسمين كانت قاعدة في الكافية اللي دايما بتروحوا هي وعلي وكانت سرحانة
_:الجميل سرحان في اية
ياسمين بصيت ولقيت علي واقف مبتسم وهي وقفت
ياسمين بفرحة:على جيت امتى!!
علي قعد وهي كمان قعدت
على بابتسامة:جيت النهاردة واول لما وصلت روحت البيت وليلى قالتلي انك مش في البيت وعرفت انك هنا
ياسمين ابتسمت:وحشتني اوووي
علي: وانتِ كمان....انا عايز اقولك أن كل مرة بسافر اي بلد برا مصر ببقى فرحان إنما المرة دي كنت زعلان علشان أنتِ مش معايا.. اي مكان أنتِ فيه حتى لو المكان دا وحش انا ببقى فرحان
ياسمين:انا بحبك اوووي يا علي
علي ابتسم:وانا بموت فيكِ يا قلب علي
ياسمين ابتسمت بس افتكرت صورها مع مازن وافتكرت أن هي كانت بتكلم مازن فيديو بشعرها اضايقت من نفسها بس هي عايزة تقول لعلي ومن حق علي يعرف كل حاجة عنها فضلت تفكر تقول ولالا
علي:سرحانة في أية
ياسمين بجدية:علي عايزة اقولك حاجة

ليلى لبست وراحت الاستوديو وبعدين مشيت وراحت عند النيل
_:نفسي اعرف سر حبك لمكان دا
ليلى مبصتش وراها لأن هي عارفة أن دا مالك ومالك وقف جنبها
مالك: مبترديش لية
ليلى:مزاجي
مالك حط أيده على شعره بحيرة:زعلانة مني لية
ليلى:مش زعلانة
مالك:لا زعلانة
ليلى مردتش ومالك سألها تاني
مالك:زعلانة لية يا ليلى
ليلى بصيتله:انت واقف معايا لية روح للست هانم
مالك باستغراب:الست هانم مين
ليلى:الست هانم اللي كلمتني امبارح وكانت عايزة تقابلني
وحضرتك كنت عايز تروح معايا
مالك:وأية اللي فيها لما اروح معاكِ؟
ليلى بتريقة:مفهاش حاجة
مالك:حتى لو كنت عايز اروح اقابل البنت اية اللي مضايقكك في الموضوع؟
ليلى بصيتله وسالت نفسها هي مضايقة لية كدا!
ليلى بصيت لمالك:مفيش حاجة ضايقتني سلام
ليلى مشيت خطوتين ووقفها صوت مالك
مالك:ليلى
ليلى وقفت وبصيت لمالك
مالك:انا بحبك
رائيكم
نروين عبدالمنصف