إعاقة لم تمنع الحب

البارت ٢

واقفنا المرة اللى فاتت لما :
فتحت الباب لتجد المدير يجلس أمامه شخص وسيم فارع الطول بنظرات ثاقبة نكمل باقى..............................................
- المدير : اقعدى يا نور واقفه ليه.
جلست نور
ليقول : أحب أعرفك على الأستاذ سيف الرفاعى صاحب أكبر شركة مقاولات فى الشرق الأوسط وديه المهندسة نور من  أكفئ المهندسين اللى عندى رغم أن سنها صغير.
سيف: اتشرفت بمعرفتك.
نور: الشرف ليا.
✋استوووووووووب
سيف الرفاعى : فى أوائل الثلاثينات من عمره بشرته سمره قليلا وسيم جدا شعره أسود عينه سوداء بتلمع، طويل القامة جسمه رياضى وعنده عضلات 💪، والدته متوفية ويسكن مع والده يحبه جدا ليس له سوى شقيقة متزوجة وتعيش فى خارج مع زوجها،مهندس معماري وصاحب أكبر شركة مقاولات فى الشرق الأوسط.
شخصيته مرحه وبيحب يعمل مقالب فى صحابه بس وقت الجد بيبقى جدع وإنسان يعتمد عليه.
تمام نرجع باقى
مدير: أستاذ سيف عايزك فى شغل.
نور : تمام هنبدأ من أمتى.
سيف وهو يقف : إن شاء الله بكره تيجي شركتى وهو ده كارتى فيه العنوان ورقمى.
نور: خلاص ماشى إن شاء الله بكره ابقى عند حضرتك الصبح.
سيف : تمام مستنيكى.
وخرج سيف وأستأذنت نور وذهبت لمكتبها لتنهى أعمالها لتتفرغ لشغلها القادم.
انتهى اليوم وعادت نور إلى منزلها وسلمت على والدتها ودخلت غرفتها أبدلت ملابسها بملابس مريحة ثم خرجت لتتناول الغدا مع والدتها.
على الطاولة
نور : ماما إن شاء الله بكرة عندى شغل برا الشركة
والدتها : ربنا يوفقك يا بنتى ويواقفلك ولاد الحلال.
نوقف شوية
زينب : زوجها متوفى سيدة طيبة وحنونة للغاية تحب أولادها وتتمنى أن تراهم سعداء فى حياتهم، تبلغ من العمر ٥٧ سنة.
نرجع بقى
انهت طعامها وساعدت والدتها فى التنظيف ثم اتجهت لسريرها واحضرت إحدى روايتها المفضلة لأنها من عشاق الروايات خاصة الرومانسية،قرأت قليلا ثم تصفحت الإنترنت ونامت.
أما عند سيف
عاد سيف لشركته مجددا للإنتهاء من بعض الأعمال وبعد انتهاءه أخذ مفاتيح سيارته وانطلق بها إلى منزله ليجد والده فيتصافحوا
ثانية واحدة
على الرفاعى : يبلغ من العمر ٦٠ سنة زوجته متوفية من ١٠ سنين رفض الزواج من بعدها لأنه يحبها جدا ويحب أولاده ويرغب فى رؤية أحفاده قبل موته.
خلاص نكمل
ويجلس معه قليلا لتنتهى الخادمة من الطعام ويجلس سيف مع والده يتناول الغدا وبعد انتهاءه استأذن ليخرج ليقابل أصدقائه وبعد سهره عاد مساء، صعد إلى غرفته أبدل ملابسه بعد أن أخذ حمام دافئ ليجلس على الفراش ويلتقط هاتفه ويتحدث فيه ليغلق الخط ثم يخلد إلى النوم.
فى الصباح استيقظت بطلتنا من نومها لتجد خلاصتها البنية التصقت بجبينها الأبيض فأزحتها ثم قامت واتجهت للمرحاض توضأت وأقامت صلاتها ثم ارتدرت ملابسها التى عبارة عن فستان سماوى اللون وحجاب بدرجة أغمق ولم تضع أى شئ على وجها وخرجت لتفطر مع والدتها وما أن أنهت حتى قادت سيارتها لشركة الرفاعى سألت الإستقبال عن رقم الطابق فدلتها ركبت المصعد وصعدت ثم رأت مكتب المساعدة فاتجهت إليه.
نور : صباح الخير باشمهندس سيف موجود.
المساعده : صباح النور اه موجود أنتى نور.
نور : ايوة أنا.
المساعده : لحظة أبلغه بوجودك.
نور : اتفضلى.
طرقت المساعدة الباب ودخلت
= المهندسة نور وصلت تدخل.
_ اه خليها تدخل.
رجعت لها
= اتفضلى هو مستنيكى.
طرقت الباب فأذن لها
_ أهلا باشمهندسة نور اتفضلى اقعدى.
= أهلا بيك ميرسى.
_ عجبتك الشركة.
= اه ما شاء الله جميلة أوى.
_ طيب تشربى ايه.
= قهوة مظبوطة.
_رفع سماعة الهاتف وتكلم مع مساعدته : لوسمحتى اتنين قهوة مظبوطة على مكتبى.
وشوية وجت القهوة
نور: ممكن أعرف مطلوب منى ايه بالظبط.
سيف : إن شاء الله أستاذ رياض هيفهمك المطلوب منك.
نور : تمام.
تسريع فى الأحداث
مازالت نور تعمل فى شركة سيف وتعرفت على مساعدته لينا وأصبحت صديقتها وعلمت إنها مخطوبة لسيف وإنهما يحبان بعضهما وزفافهم قريب.
وفى يوم من الايام كانت نور فى مكتب سيف تطالعه على بعض الأوراق.
سيف: ممكن أسألك سؤال.
رفعت نور عينيها من على الأوراق: اه اتفضل.
سيف : اسمك نور ايه.
نور ; اسمى نور محمد الشرقاوى.
*******************************
أتمنى يكون عجبكم وياريت تقولوا رأيكم فى التعليقات وأنا طولته اهو علشانكم شوية بس ما أقدريتش أكتب أكتر من كده وإن شاء الله البارات اللى جاية تكون طويلة.
ياترى ايه اللى هيحصل وليه سيف سألها اسمها وهل يعرفوا بعض..
كل ده هنعرفه فى البارت القادم.