Shadow Of You ( Completed )

ep(4)

Unicode#

တစ်စုံတစ်ယောက်ကို မျှော်နေတာ ၊ စောင့်နေတာ ကျွန်တော့်စတိုင်မဟုတ်ဘူး။ ဒါပေမဲ့ သူဆက်မဲ့ဖုန်းကိုတော့ အရူးလို မျှော်နေမိခဲ့တာ ။ သူကတော့တချက်ကလေးတောင် မဆက်ခဲ့ဘူး။

စဉ်းစားကြည့်ရင် သူ့နာမည်ကိုတောင်မှ မိတ်ဆက်ပေးခဲ့တာမဟုတ်ဘူး။ ကျွန်တော့်ဘာသာ စုံစမ်းပြီးသိလာခဲ့တာ။ အရမ်းကြီးခံစားနေရအောင် ဒါကfirst loveလည်း မဟုတ်ပြန်ဘဲနဲ့။

ကျွန်တော်လည်းရှုပ်ပွေခဲ့တာပဲ
ဒီတစ်ယောက်နဲ့မှ အရာအားလုံးက ကမောက်ကမတွေဖြစ်ကုန်တာ။လျှို့ဝှက်လွန်းတဲ့သူ့ကို
တကယ်နားမလည်နိုင်တော့ပါ ။

ခပ်ယဲ့ယဲ့ သက်ပြင်းချသံနှင့်အတူ
ခုံကို လေးတွဲ့စွာ မှီနေမိသည်။

မုန်းလိုက်တာမင်းကို..

မီးပွိုင့်ကိုစောင့်နေတုန်း ဘေးမှမှန်ကိုခေါက်သံကြောင့် ကြည့်မိသည့်အခါ ဟိုသကောင့်သား။ တံခါးကိုဖွင့်ပေးဖို့မျက်နှာရိပ်မျက်နှာကဲနှင့် ပြသည့်အခါအမြင်ကပ်ကပ်နှင့်ဖွင့်မပေးမိ။ မီးစိမ်းပြတာနှင့် ရှေ့သို့သာအရှိန်နှင့် မောင်းသွားမိသည်။

မင်းကိုလည်း လျစ်လျူရှုကြည့်ဦးမယ်။

နောက်တစ်နေ့ရုံးဆင်းသည့်အခါရုတ်တရက်ဝင်လာသောဖုန်းကြောင့်..

"ဟယ်လို''

"ကိုယ်လာနေပြီ စောင့်နေ''

"ဘာကိစ္စနဲ့စောင့်ရမှာလည်း မင်းကို''

ထပ်လာမည့်စကားကိုနားမထောင်ပဲဖုန်းကိုချပစ်မိသည်။ ထပ်မံပြီးဝင်လာသည့်ဖုန်းကိုလည်းမကိုင်။ ကားပေါ်သို့တက်ကာမောင်းလာမိသည် ။ မနေ့ကလို မီးပ္ပိုင့်တွင် တွေ့မည်ထင်သော်လည်းရှိမနေပြန်။

ပိုကောင်းတာပေါ့လို့ ခပ်အေးအေးတွေးမိသည့်အချိန် ကားအရှေ့သို့ အရှိန်ဖြင့်ရပ်လိုက်သော ဆိုင်ကယ်တစ်စီးကြောင့် ဘရိတ်ကိုသာအလျင်အမြန်အုပ်လိုက်ရသည်။

ဆိုင်ကယ်ဦးထုပ်ကို ချွတ်လိုက်သည့်အခါ လူကမှင်သက်သွားရသည်။ ဆုံနေသည့်အကြည့်ကို တချက်မှမရွေ့ပဲ ခပ်ဖြည်းဖြည်းလျှောက်လာပုံက အမြင်ကပ်စရာ။ ဘေးမှန်ကိုပုတ်သော်လည်း မှန်လှပ်ပေးခြင်းမရှိသော ကျွန်တော်ကြောင့် တွန့်ချိုးသွားသော သူ့မျက်ခုံးများ။ ဆိုင်ကယ်ဆီ တချက်လျှောက်သွားပြီး ဖုန်းခေါ်သည့်သူ့ကြောင့်..