Unicode#
နောက်ကျိကျိဖြစ်နေသော ခေါင်းကြောင့် မျက်လုံးကတော်တော်နှင့် မဖွင့်နိုင်။ ဖွင့်ဖွင့်ချင်း မြင်လိုက်ရသော မျက်နှာကျက်ကြောင့် တန်းသိလိုက်သည်က ဟိုလူ့အိမ် ။
စောင်ကိုလှပ်ကြည့်သည့်အခါ ခန္ဓာနှင့်အဝတ်တွဲနေသည့်အတွက် ညကဘာမှဖြစ်မသွားဘူးဆိုတာကြောင့်
သက်ပြင်းယဲ့ယဲ့ချမိသည် ။
ထိုအခိုက် ဒုန်းခနဲပွင့်လာသော တံခါးကြောင့် ခြုံထားသောစောင်ကိုလည်ပင်းအထိဆွဲလိုက်မိသည်။
ဝင်လာသည်က ပန်းကန်လုံးကြီးကိုပြီး သူနာပြုလိုလို ဘာလိုလိုနှင့် ။
"ငါ့အခုအိမ်ပြန်တော့မှာ
ဘာမှမစားဘူး''
"ဒီနေ့အလုပ်မဆင်းနဲ့တော့
ကိုယ်ခွင့်တိုင်လိုက်ပြီ''
"ဘာ!!''
Kim Taehyungလက်ထက်မှာ
အလုပ်ပျက်တယ်ဆိုတာ တစ်ရက်မှရှိခဲ့တာမဟုတ်ဘူးလေ ။
"မရဘူး ။ ငါအခုချက်ချင်းပြန်မယ်''
"အဲ့ဒါဆို ဒါလေးတော့သောက်သွား''
"မသောက်ဘူး ပြန်မယ်''
ကျစ်ခနဲ စုပ်သပ်သည့်အသံနှင့် တွန့်ခနဲကွေးသွားသော သူ့မျက်ခုံးနှစ်ဖက် ။
"ဘေဘီမဆိုးစမ်းနဲ့''
"မရဘူး။ အခုပြန်မယ်''
သူ့ဆံပင်ကိုတချက်ဖွပြီး ကြည့်လာသောမျက်ဝန်းများတွင် သူစိတ်ရှုပ်နေသည်ဆိုကြောင်း သိသာလှသည်။
"ဘေဘီကို ကိုယ်ဘယ်လို
ဆုံးမရမလည်း''
ဒီတစ်ခါတော့ သူ့စကားကြောင့် မျက်လုံးပြူးသွားသည်က ကျွန်တော်။
အခုအချိန်တော့ အပြစ်ပေးမခံချင်ပါ။
"အဲ့ပန်းကန်ထဲက ဘာတွေလည်း ။
ငါကြည့်ဦးမယ် မကြိုက်ရင်တော့
လုံးဝမသောက်ဘူး''
"တကယ်ကွာဘာလေးလည်း''
ဟက်ခနဲတစ်ချက် ရယ်သံနှင့်အတူ နွေးသွားသော ကျွန်တော့်ရဲ့နှုတ်ခမ်း။
ကျွမ်းကျင်စွာစုပ်ယူနေသည့် သူ့နှုတ်ခမ်းပါးများက မူးမေ့မတတ်။ကိုက်ခဲခံလိုက်ရသော နှာခေါင်းနှင့်အတူ ပြီးဆုံးသွားသောသူ့အနမ်း။
YOU ARE READING
Shadow Of You ( Completed )
Fanfiction"သူ့ရဲ့ ခပ်ထေ့ထေ့လှောင်ပြုံးနဲ့ စီးကရက်အနံ့စွဲနေတဲ့ နှုတ်ခမ်းပါးတွေကို အမြင်ကပ်စရာကောင်းလောက်အောင် ကျွန်တော် စွဲလမ်းမိသွားခဲ့တယ်...'' "သူ႔ရဲ႕ ခပ္ေထ့ေထ့ေလွာင္ျပံဳးနဲ႔ စီးကရက္နံ႔ဆြဲေနတဲ့ ႏႈတ္ခမ္းပါးေတြကို အျမင္ကပ္စရာေကာင္းေလာက္ေအာင္ ကြၽန္ေတာ္ စြဲလမ္းမ...
