hold me close to you(complete)

အပိုင်း၆

Hold me close to you(U+Z)
မိုးရေထဲမှာပြေးနေတဲ့တစ်ယောက်သောလူ...။နာကျင်မှုအပြည့်ဖြင့်ကျလာသည့်မျက်ရည်များကိုမိုးစက်များဖြင့်ရောထွေးအောင်လုပ်နေလေသလား အကြင်လူသား..။
တသွင်သွင်ကျဆင်းနေသောမိုးရေများကအေးစက်လွန်းလှသည် သို့သော် ထိုလူသား၏ရင်ထဲမှအပူကိုငြိမ်းစေနိုင်လောက်သည်အထိမအေးစက်ခဲ့....။
ရင်ထဲမှမွန်းကြပ်မှုများကိုဖြေဖျောက်ရန်သာပြေးလာခဲ့သောဟိဏ်းထက်ယံအတွက်သွားစရာနေရာမရှိ...ယခုချိန်တွင်သူအသွားချင်ဆုံးနေရာကိုပြောပါဆိုလျှင်....။
ခမ်းမထဲတွင်ကနေကြသောစုံတွဲများဖြင့်စည်ကားနေသည် ဆရာခန့်က တိမ်ယံလွှာ့မျက်နှာလေးကိုကြည့်ကာ

'ကိုယ်တို့ရော အတူကကြမလား...'

'ဟာ ကချင်ပါဘူး ကျွန်တော် ဘယ်လိုကရမလဲမသိဘူးဗျ ပြီးတော့လဲ လူကြားထဲမှာ ရှက်စရာကြီး...ဆရာနဲ့ကျောင်းသားလေဗျ...'

'ဟား ဟား ဟုတ်ပါပြီကွာ....ဒါဆို ခဏလိုက်ခဲ့...'

ဆရာခန့်မှာပြောရင်းတိမ်ယံလွှာ့လက်ကိုဆွဲကိုင်ကာခမ်းမအပြင်သို့ထွက်လာခဲ့သည် ခမ်းမအပြင်ဘက်တွင်မိုးများကသဲသဲမဲမဲရွာချနေသည် ဆရာခန့်ကမိုးရေထဲသို့ထွက်ရပ်လိုက်ရင်း တိမ်ယံလွှာ့ဘက်ကိုလက်ကမ်းပေးကာ

'ကိုယ်နဲ့အတူမိုးရေထဲမှာကပေးနိုင်ပါမလားဟင်...'

တိမ်ယံလွှာပျော်ရွှင်မှာအပြည့်ဖြင့်ဆရာခန့်လက်ကိုဆွဲကာမိုးရေထဲတွင်ပျော်ရွှင်စွာကခုန်ခဲ့မိသည် မျက်လုံးချင်းအကြည့်တွေဖလှယ်ရင်း လက်နှစ်စုံတွဲထားရင်းနှင့်ပင်....။
ခဏကြာတော့ ဆရာခန့်က တိမ်ယံလွှာ့ကိုအိမ်ပြန်လိုက်ပို့မည်ဟုပြောလေ၍သူတို့အတူလက်ချင်းတွဲကာအိမ်သို့လမ်းလျှောက်ပြန်ခဲ့တော့သည်....။
တိမ်ယံလွှာခြံရှေ့ရောက်တော့.....

'ဟင် ဟိဏ်းထက်....'

မိုးရေထဲတွင် တိမ်ယံလွှာ့ခြံရှေ့တွင် မတ်တပ်လေးရပ်ကာစောင့်နေသောဟိဏ်းထက်ယံ....။နာမည်ခေါ်သံကြားလိုက်ရ၍ဟိဏ်းထက်ယံခေါင်းမော့လာသည် တိမ်ယံလွှာကိုမြင်တော့နှုတ်ခမ်းတစ်စုံတွင်ပြုံးရိပ်သမ်းသွားသော်လဲ လက်တွဲတစ်စုံကိုမြင်တော့ အပြုံးတို့ဆုတ်သုန်းသွားခဲ့ရပြန်သည် ဟိဏ်းထက်ယံမှာ တိမ်ယံလွှာ့ရှေ့သို့လျှောက်လာပြီး