hold me close to you(complete)

အပိုင်း၁၆

Hold me close to you(U+Z)
ငါအိမ်ပြန်ချိန်တွေစောနေခဲ့တယ်
အိမ်မှာ
ငါ့ကိုစောင့်မျှော်နေသူ
ရှိနေတယ်ဆိုတဲ့ အသိနဲ့....
*************************
ဟိဏ်းထက်ယံတစ်ယောက်Barမှအိမ်သို့ပြန်လာခဲ့မိသည်။အိမ်ပြန်ရောက်တော့ကားပေါ်မှဆင်းကာအိမ်ထဲသို့၀င်လိုက်သည်နှင့်ဧည့်ခန်းတွင်စောင့်နေသော တိမ်ယံလွှာက

'သြော် မင်းပြန်လာပြီလား...ညစာ ငါအသင့်ပြင်ထား..အာ...ညစာကိုအိမ်ဖော်အဒေါ်ကြီးကိုအသင့်ပြင်ခိုင်းထားတယ်...မင်းစားမယ်ဆိုငါပြင်လိုက်မယ်လေ...'

'အင်း ပြင်လိုက်...'

ပြောပြီးသည်နှင့်အပေါ်ထပ်တက်သွားသည်မို့ တိမ်ယံလွှာလဲ ​​ထော့နဲ့ထော့နဲ့ဖြင့်မီးဖိုခန်းထဲ၀င်ကာထမင်းးရန်ပြင်ပေးမိသည်။မနက်ကဖန်ကွဲစရှ၍ရသောဒဏ်ရါကိုဆေးမထည့်ပဲပစ်ထားမိ၍ခြေထောက်ကယောင်ကိုင်းလို့နေသည်။ဖိချ၍လမ်းလျှောက်လိုက်တိုင်းခံစားရသည့်နာကျင်မှုကအသည်းထဲထိစိမ့်၍သာ...။
ဟိဏ်းထက်ယံ အပေါ်ထပ်အခန်းတွင်း၌ရေမိုးချိုးပြီးနောက်အ၀တ်အးလဲရန်အပြင်သို့ထွက်ခဲ့မိသည်။

'ဟင်း...ငါ့အတွက်အင်္ကျီလေးဘာလေးတော့အဆင်သင့်ပြင်ပေးမထားဘူး ...'

တီးတိုးရေရွတ်ကာ သူ့ဘာသာသူဗီဒိုကိုဖွင့်၍ အ၀တ်အစားများထုတ်၀တ်လိုက်လေသည်။ပြီးသည်နှင့်အပေါ်ထပ်မှအောက်ထပ်ထမင်းစားခန်းသို့ဆင်းလာခဲ့မိသည်။ထမင်းစားပွဲပေါ်တွင်အငွေ့တထောင်းထောင်းထနေသောဟင်းပွဲများနှင့်စားပွဲဘေးတွင်ရပ်ကာယပ်ခတ်ပေးနေသောတိမ်ယံလွှာ...။
ဟိဏ်းထက်ယံလဲစားပွဲတွင်၀င်ထိုင်ကာဟင်းတွေကိုကြည့်ရင်းတစ်ချက်ပြုံးမိသည်။ပြီးနောက် ဟင်းတစ်ဇွန်းကိုခတ်စားရင်း

'အဟက်...အိမ်ဖော်အဒေါ်ကြီးက ငါ့ရဲ့ကဂျိုးကဂျောင်အကြိုက်ကိုသိသားပဲနော်...၀က်နံရိုးအချိုချက်ကို သခွါးသီး အုပ်ထားပေးတယ်...သြော်...ပြီးတော့လဲ...ကြက်သားစွပ်ပြုတ်ကို ငရုတ်သီးခြောက်လေးပါခတ်ထားပေးသေးသား...လက်ရာကလဲ ငါငယ်ငယ်ကအရမ်းကြိုက်ခဲ့ဖူးတဲ့လက်ရာအတိုင်းပဲ...'

ဒီလက်ရာလေးကိုသူမှတ်မိပါသည်။ဒီလက်ရာလေးကယောကျာ်းလေးတန်မဲ့ဟင်းချက်ကျွမ်းကျင်တဲ့ တိမ်ယံလွှာ့ လက်ရာပါလေ...။တိမ်ယံလွှာကလွဲ၍သူ၏ထူးခြားသောအကြိုက်ကိုဘယ်သူမှမသိခဲ့ပါ။၀က်နံရိုးအချိုချက်ကအီ၍ သခွါးသီးချပ်လေးနှင့်တွဲစားမှအအီပြေတယ်ထင်သော ဟိဏ်းထက်ယံ၊ကြက်သားစွပ်ပြုတ်ကလူမမာစာနှင့်တူ၍အစပ်လေးပါမှစားသည့်ဟိဏ်းထက်ယံ၊ ဟိဏ်းထက်ယံ၏အကြိုက်ကိုသိသောသူကလဲ တိမ်ယံလွှာ တစ်ယောက်တည်းသာ...။
ထမင်းကိုငုံ့စာစရင်းမှအကြည့်တို့ကတိမ်ယံလွှာ၏ခြေထောက်ဆီ...