Purple Tulips 💜💐 (Vhope Love Story)

Special Episode

Unicode

ဒီနေ့ကကိုယ့်မွေးနေ့မို့စာအုပ်ထဲမှာပဲပါခဲ့တဲ့ Special Episode လေးကိုတင်ပေးထားပါတယ်ရှင့် သဘောကျမယ်ထင်ပါတယ်နော်💜

Taehyung~

"ကိုယ်အိမ်ပြန်လာမယ် ~ စောင့်နေ Tae~"

မိုင်ပေါင်းများစွာ​အဝေးကနေ လေလှိုင်းကိုဖြတ်လာတဲ့သူ့အသံဟာမပြောင်းမလဲကြည်လင်မြဲ... တဖက်ကသူမမြင်ရသည်ကိုသတိမမူမိပဲ ခေါင်းညိတ်ပြမိလား ပြန်ဖြေမိလားဆိုတာလည်းမသဲကွဲ... ဖုန်းခေါ်ဆိုခြင်းပြီးဆုံးတော့ပေါ်လာတဲ့ Wallpaper ကိုငေးကြည့်နေမိသည်။

ကျွန်တော့်ရဲ့ Hyungie~

သူ့ပခုံးပေါ်လှန်မှီရင်းရယ်နေတဲ့ကျွန်တော့်ကိုနောက်ကသိုင်းဖက်ကာ ရီဝေစွာပြန်စိုက်ကြည့်နေပုံက ထိုပုံရိုက်စဉ်ကအခြေအနေကိုသိနေသောမိမိအဖို့ ပိုပြီးရစ်မူးဖွယ်ရာကောင်းနေသည်။

Hyungie မျက်နှာချောချောကိုလက်ချောင်းနဲ့အသာထ်တွေ့ရင်းပြုံးလိုက်မိသည်... ကျွန်တော့်ထက်လေ့ကျင့်ခန်းလုပ်တဲ့သူဖြစ်တဲ့တိုင် Hyungie မျက်နှာဟာ Gym ဆော့တာများတဲ့သူတွေလို ကြွက်သားတွေနဲ့ရင့်မနေ... ထင်းနေတဲ့မေးရိုး , ပြေပြစ်နေတဲ့မျက်နှာနဲ့ မြင်ဖူးသမျှအားလုံးထက်ပိုလှတဲ့နှာတံ... Hyungie ရဲ့ဘေးတိုက်မျက်နှာထားကတကယ်ကိုလှပလွန်းသည်။ ပြီးတော့နှစ်ခြိုက်စွာပြုံးလိုက်တိုင်းမြင်ရတဲ့နှုတ်ခမ်းထောင့်အပေါ်က ပါးချိုင့်လေးတွေ...

အား~ Hyungie ကိုတစ်ကယ်လွမ်းလှပြီ...
တစ်ညထက်ပိုမခွဲဖူးသူက အခုအလုပ်ကိစ္စနဲ့ခရီးထွက်သွားတာ ငါးရက်ရှိပြီ... လိုက်ခဲ့ဖို့ခေါ်ပေမယ့် ကိုယ်တိုင်လည်းရွှေ့မရသောအလုပ်တို့ကြောင့်လိုက်မသွားနိုင်ခဲ့... အားလပ်တဲ့အချိန်တွေ video call နဲ့ဖုန်းပြောတိုင်းမှာ လွမ်းလိုက်တာလို့ပြောချင်သည့်တိုင် နောက်ဆံတင်းကာချက်ချင်းပြန်လာမယ့်သူ့အကြောင်းသိတာမို့မပြောနိုင်ခဲ့... တကယ်ဆို-

"Papa ... Daisy က ချောကလက်တဲ့"

အလျှင်လိုနေဟန်ခြေထောက်ကိုခုန်ဆွခုန်ဆွလုပ်နေတဲ့သားငယ်ကြောင့် သတိပြန်ဝင်လာကာဖုန်းကိုချထားလိုက်ပြီး ရေခဲသေတ္တာဆီက ချောကလက်တောင့်တချို့ထုတ်ပေးလိုက်သည်​။