رواية ضحايا الماضي ( شهد الشورى )

اقتباس

نظرت له بسخرية و هي تراه يتراجع للخلف يجلس المقعد بصدمة و هو يسترجع كل ما استمع له و شاهده قبل قليل

لم يشعر اي من أبنائه لا بشفقة و لا بأي شعور فقد نظرات خاوية من المشاعر صوها الخمسة تجاهه لكنها لم تستطيع أن تصمت دون أن تقول
تلك الكلمات :
عاشت معاك اكتر ما عاشت معانا كنت المفروض تصدقها اكتر واحد فينا بس انت محبتهاش كأنك ماصدقت تخلص منا و منها

نظر لها بألم و حزن مرددًا بخفوت :
هما السبب

ضحكت ساحرة قبل أن تتابع حديثها :
محسن و ثريا و (.....) مش السبب لوحدهم انت كنت سبب اساسي ان عيلتنا كلها تتدمر لو كنت قعدت دقايق بس و فكرت بعقلك كنت هتلاقي انها مظلومة واحدة عاشت معاك سنين اكيد كنت عارفها و عارف أخلاقها لو كنت فكرت كنت هتلاقي ان مفيش واحدة بتخون جوزها و في بيته و على سريره و هي عارفة كويس انه ممكن يجي في اي وقت

أمير بسخرية مريرة :
انت عجبك دور المظلوم اللي عيشت نفسك فيه و حتى لو كانت خاينة احنا كان ذنبنا ايه ترمينا و احنا في اكتر وقت محتاجينك فيه خليتنا أيتام ام و اب في نفس اليوم....روحت ربيت بنت مش بنتك و رميت ولادك في الشارع

تنهد أمير متابعًا بسخرية :
اوعى تفتكر ان اللي بقوله ليك دلوقتي ده لوم لا انت اللوم حتى ماتستاهلهوش انت متستاهلش لا كره و لا حب و لا لوم انا بس بقولك اللي يخليك تشوف نفسك انت ظالم ظلمت نفسك زمان و ظلمت امي و ظلمتنا و متحطش اللوم عليهم لأنك أنت السبب مش حد تاني

وقف بصعوبة ثم نظر لهم بألم و أعين تلمع للدموع لحظات و وضع يده على صدره يشعر بألم حاد لم يستطيع تحمله ليسقط ارضًا فاقدًا للوعي بعدما حاول أن يتنفس لكن دون جدوى انتفض الجميع نحوه بقلق و فزع بينما هم لم يتحركوا خطوة واحدة
لم يشفقوا عليه لا يجب أن يلومهم احد على تلك القسوة التي بقلوبهم تجاهه فهو من علمهم اياها بهجره لهم سنوات....بكلماته القاسية و أفعاله هو من جعلهم هكذا و هو من اختار ان يكونوا اموات بالنسبه له فلا لوم عليهم
.........
اقتباس صغنون ♥️

مستنية رأيكم يا عسولات 😘♥️

لكل اللي كان متابع الرواية قبل كده احب اقولكم ان تغير جامد حصل في الأحداث و هتتفاجئوا في الأخر باللي هيحصل 😉😘

عشان انا ما بقتش بفتح كتير نت بسبب امتحاناتي فمعلش بعتذر عن ان قولت في الأول التنزيل هيكون يومي بس مكنتش اعرف ان الدكاترة و المعيدين هيطلبوا حاجات مفاجأة كده و امتحانات فمعلش هنخلي تنزيل الروايه يوم اه و يوم لأ

بس عندي سؤال صغنن ايه رأيكم في السرد و تسلسل الأحداث.....؟؟

ياريت تناقشوني في الكومنتات باللي مش
عاجبكم و اللي مش مقتنعين بيه 😘

دمتم سالمين يا قمراااتي ♥️