SwEEt PsyCho ChocoLate 🐻😋

အပိုင်း၁၂ (U+Z)

Unicode
ဒီကောင်လေး ဘယ်လိုလုပ်ထားတာပါလိမ့်

ကုတင်ပေါ်ကို လုံးထွေးပြီး ပစ်တင်ထားပါလား

သူဘာဖြစ်နေမှန်းကို မသိတာ အမှန်ပဲ

ခုလဲ သူ့အိပ်ယာ အစောကြီးဝင်လို့ပါလား

အရင်ကဆို မမောမပန်းနဲ့ သူ့ချစ်ချစ်(game)ကို ဆော့နေခဲ့တာလေ

ခုများတော့ အစောကြီး အိပ်ယာဝင်တယ်တဲ့လား

Becky ပြောတဲ့ အချစ်ရေးတွေကရော ဘာလဲ

Becky က ကနာ့အချစ်ရေးကို ဘာတွေသိထားလို့လဲ

ကနာ့ကို နှလုံးသားရဲ့ အသံနားထောင်ခိုင်းရအောင် ကနာကရော ဘယ်သူ့ကို ချစ်နေလို့လဲ

Becky နဲ့ အဲ့လောက် တရင်းတနှီးပြောနေရအောင် ကနာကြိုက်နေတာက becky တို့ မိတ်ကပ်ကုမ္ပဏီကများလား

ဒီကလေးကွာ

မင်း ငါ့ကို စကားမပြောဘဲ အိပ်ယာထဲ တန်းဝင်တာ ဘာသဘောလဲ ငါမေးတော့လဲ အင်းအိပ်တော့မလို့ကလွဲပြီး မင်းမပြောဘူး

ငါ့သူငယ်ချင်း San ကြောင့်လားကွာ

ငါသူ့ကို ဒီမှာအိပ်ခိုင်းလိုက်လို့လား

ငါက ခါတိုင်းလိုပဲ သူ့ကို ငါ့အခန်းမှာ အိပ်ခိုင်းလိုက်တာပါ

မဟုတ်မှလွဲရော ဒီနေ့ အရမ်းပင်ပန်းသွားလို့များလား

"ဟေ့ကောင် ဆူဖစစ် မင်းမွေ့ယာကြီးကို ကြည့်ပီး ဘာတွေ ဒီလောက်တွေးနေတာလဲကွာ
မင်းအဝတ်တွေ ဖယ်လိုက်
ငါလဲ ခရီးပန်းလာပီကွ နားချင်တယ်"

San ရဲ့ စကားလုံးတို့ကြောင့် ကျွန်တော့်အတွေး လက်စသတ်လိုက်ရသည်

အင်းပေါ့လေ ပင်ပန်းနေလို့ နေမှာပါ

ကျွန်တော်နဲ့ San တို့ အဝတ်ကိုယ်စီလဲ ခြေလက်ဆေးပြီး အနားယူဖို့ မွေ့ယာပေါ်သို့ တက်ခဲ့ကြသည်

San က ထုံးစံအတိုင်း
"Ai ဆစ် မင်းရေမွှေး ခါတိုင်းနေရာမှာပဲ ထားတာလား နေရာရွှေ့ထားသေးလား"

"ဟင့်အင်း အရင်နေရာမှာပဲ"

San ကတော့ သူ့ပုံစံအတိုင်း သူဆူဖစစ်အကြောင်းသိနေတဲ့ပုံစံနဲ့ ရေမွှေးရှိရာဆီသို့ ခြေလှမ်းတွေ ဦးတည်လိုက်တယ်