لعبة القدر ❤️

1

(الفصل الاول)
الشخصيات الرئيسية بدون وصف عشان وصفهم هيتغير مع الوقت
دارين ودي بطلتنا ، ادم بطلنا ، والدة البطلة عائشة ، والد البطلة سامر المحمدي ، والدة البطل كاميليا ، والد البطل سليم الهواري ، اخت البطلة : ميريام وبنتها لميس وجوزها كريم
نبدا قصتنا
سامر المحمدي وسليم الهواري دفعة واحدة وصحاب جدا طبعا اتجوزوا وعملوا عائلات و صداقتهم ف تزايد عملوا شركة سوا وكبروها و بقت 150 فرع حول العالم ادم الابن الوحيد لسليم وكاميليا لان كاميليا حصلها مشكلة وهي بتولد ادم و حصل نزيف واضطروا بعدها يشيلوا الرحم يعني ادم ده شىء مقدس بالنسبالهم وخاصة كاميليا . سليم مع انه كبر دلوقتي وعنده ابنه 20 سنة الا انه لسه ف صحته وجسمه رياضي وطبعا كاميليا مهتمة دايما بجمالها وبانوثتها وده بيخليها تبان لسه ف التلاتينات او الاربعينات.
سامر عنده بنته الكبيرة ميريام متخرجة من كلية السن واتجوزت المعيد بتاعها اللي اكبر منها بحوالي 3 سنين بس واسمه كريم ميريام بنوتة جميلة شعرها احمر و عيونها زرقة و بشرتها بيضاء وجسمها مشدود ومظبوط كريم شعره بني وعيونه بني وجسمه رياضي بنتهم لميس اكيد ميكس من الجمال ده كله وعندها 6 شهور لسه
سامر برده رياضي و مهتم بصحته وبيحب بناته جدا وبيتمنى يجيبلهم الدنيا بحالها تحت رجليهم عائشة جميلة وكل ماتكبر تزيد جمال طبعا بتهتم بنفسها بس مش الاوفر وان كل حياتها موضة وميكاب والكلام ده لا هي متوازنة وكل همها سعادة جوزها وبناتها .
نيجي لابطالنا الحلوين ادم عنده 20 سنة شعره خليط من الذهبي الغامق والبني وعيونه عسلي طبعا شايف نفسه والبنات كلها بتاعت الجامعة بتحبه هو ف كلية الهندسة .
دارين عندها 16 سنة شعرها بني وعيونها بني لون القهوة دارين مش حلوة بشرتها متصبغة يعني اجزاء من وشها سمرة اوي واجزاء تانية قمحية و طبعا عانت كتير ف مدرستها وحياتها بسبب شكلها ده بس عيلتها وسليم وكاميليا كانوا بيعاملوها بكل حب الا ادم طبعا اللي كان بيشمئز منها .
دارين باباها عاملها دور كامل ف الفيلا خاص بيها جناح كامل ليها ديكوره ع مزاجها وكل حاجة فيه ع مزاجها وجوا الجناح ده اوضة خاصة بالسهر فيها جميع افلام السينما وطبعا بلكونتها كبيرة بتطل ع حمام السباحة وجنينة جميلة مليانة ورد دارين اللي بتهتم بيها وبتزرعها دارين بتحب الرسم وبتعرف ترسم حلو جدا و بتعرف تعزف جيتار ودرامز وصوتها حلو ف الغنا بس محدش يعرف ده غير اختها وصاحبتها الانتيم اللي مع بعض من الحضانة وبيحبوا بعض جدا و اسمها خديجة .
دارين قاعدة عالمرجيحة اللي ف بلكونتها ولابسة هوت شورت اسود وتيشيرت كط ابيض وبتلعب ف فونها وبتتفرج ع صور ادم مع البنات فجاة فونها رن كانت خديجة دارين ردت
ديجا : برده سهرانة بتشوفي صوره كالعادة صح !
دارين : ايوه ياديجا
ديجا : يابنتي حرام عليكي بقى فكري ف نفسك شوية انتي مش شايفة انكم متنفعوش لبعض هو مش شايفك اصلا ركزي ف حياتك بقى
دارين وصوتها بدا يتخنق من العياط : اعمل ايه بس ياديجا كل يوم بحبه اكتر ورغم معاملته وقسوته معايا الا اني مش عارفة اكرهه ده عشقي وحبي الاول والوحيد والاخير مش عايزة غيره
ديجا سمعت صوت صاحبتها الانتيم المخنوق وعايز يعيط ولانت بنبرتها : خلاص يادودي اهدي بس وقومي نامي دلوقتي وبكرا هجيلك نخرج سوا اتفقنا ؟
دارين : بس ياديجا....
ديجا: دوووودييي قولت هنخرج يلا بااااي باااااي ..وقفلت
دارين بصت للفون وضحكت وقامت دخلت الاوضة نامت عالسرير وبصت لصورته عالفون واخدت نفس عميق وطفت النور ونامت .
تاني يوم دارين صحيت ع عائشة مامتها وهي بتفتح ستارة البلكونة
عائشة بصوتها الناعم : وردة مامي اصحي ياحبيبتي عشان معاد الفطار . وقربت منها باستها من جبينها
عائشة كملت: صباح الخير ع اجمل بنوتة ف الدنيا
دارين بصتلها وابتسمت بحزن
دارين : صباح النور يا احلى مامي ف الدنيا انتي فعلا احلى مامي بس انا مش اجمل بنت
عائشة ابتسمت
عائشة : ميهمنيش انتي شايفة نفسك ايه او الناس شايفاكي ايه كفاية انا شايفاكي ايه وازاي وانا شايفاكي اجمل بنوتة خلقها ربنا
دارين ابتسمت وحست بالثقة حضنت مامتها ومامتها ضمتها بحنان
عائشة : يلا بقى هنتاخر . وباستها ونزلت وسابتها دارين قامت خدت شاور ونشفت شعرها وجسمها ولبست بنطلون جينز ازرق لا ضيق ولا واسع وعليه سويت شيرت كشميري ولمت شعرها كعكة ونزلت باست باباها وقعدوا يفطروا هي وباباها ومامتها ساعتها دخلت ميريام وكريم ولي لي الصغنونة ودارين اول ماشافت لي لي نطت بسرعة من عالكرسي وخدتها من كريم وسلمت عليه وباسها من خدها لانه بيعتبرها زي اخته خاصة انه اكبر منها بكتير وميريام باست اختها وحضنتها وسلمت ع باباها ومامتها وكريم سلم عليهم
كريم : بعد اذنكم هستاذن انا عشان ورايا محاضرة مهمة هتاخر عليها
عائشة : يابني خليك افطر بس معانا وروح شغلك
كريم قرب باس ايديها
كريم : هاجي اتغدى من ايدك النهاردة ياست الكل بس بجد هتاخر .
وباس جبينها و سلم ع حماه وباس مراته من جبينها وباس بنته من خدها وضرب دارين ع قفاها وضحك وجري ع برا ومشى الكل ضحك وكملوا فطار شوية سمعوا دوشة وطبيعي الدوشة دي متجيش غير من ديجا دخلت ديجا
ديجا: صباح الخير ياعرب كيفكم ؟
ومستنش الرد ونطت ع كرسي السفرة وخدت توست وقعدت تاكل ودارين بصالها بغيظ والباقي بيتفرجوا ع دارين وهي باصة لديجا وكاتمين ضحكهم ديجا بصت لدارين لقيتها بصالها
ديجا: دودي والنبي ناوليني المربى اللي جنبك دي .
دارين بنفاذ صبر اديتها المربى
دارين : عمرك ماهتتغيري همك ع بطنك دايما حتى مسلمتيش عليا
ديجا بعد ماخدودها بقوا كورتين من الاكل اللي ف بوقها.
ديجا : يابنتي انتي موجودة اهوه مش هتطيري لكن الاكل هيطير
فالكل ضحك وكملوا فطارهم شوية
ديجا: يلا بينا نخرج بقى
سامر : دارين حبيبتي خلي بالك من نفسك هاه
دارين : حاضر
وجاية تدي لميس لميريام لميس شبطت فيها
دارين : خلاص هاخدها وهاخد حاجتها وانا بعرف اتعامل .
ميريام : طيب ياحبيبتي
المهم دارين وديجا خرجوا مع السواق طبعا وراحوا المنتزة ونزلوا وبيتمشوا ومعاهم بودي جارد واحد فقط ماشي وراهم وهم ماشيين بيضحكوا ويهزروا فجاة دارين اتسمرت مكانها ديجا بتبصلها لقيتها باصة ع مكان بعيد ومصدومة بتبص ناحية المكان ده لقت ادم قاعد عالزرع وف بنت لابسة فستان توب وفوق الركبة بكتير لونه احمر ناري وقاعدة ع حجره وهو ايديه ع ظهرها وبيضحك وبيهمسلها وبيلعب ف شعرها ديجا قربت من دارين اللي عنيها رغرغت من الدموع
ديجا : دارين ارجوكي اهدي انتي اصلا مكانش ف حاجة بينكم ارجوكي اهدي .
دارين محستش بنفسها الا وهي بتدي لميس لديجا وقربت من ادم ادم بص لقى دارين نفخ وبعد البنت وقام وقف .
ادم : اه خير يادراين ف حاجة ولا ايه !
هي وقفت قدامه وبصيتله ورفعت ايديها ضربته بالقلم تحت صدمة ديجا و رؤى البنت اللي كانت مع ادم ادم حط ايده ع خده وعقبال مافاق من صدمته كانت ديجا شدت دارين بسرعة واختفت من قدامه ادم اقسم انه مش هيسيبها وهيوريها وهيدفعها تمن القلم ده غالي اوي ..
دارين رجعت البيت هي وديجا ولميس اول مادخلت لقت باباها قاعد واول ماشافها نادى عليها راحتله .
سامر : دارين ايه الانتي عملتيه ده مع ادم دارين بصتله ومعرفتش تتكلم
سامر : دارين بكلمك يعني تردي عليا ازاي تعملي كدة مع ادم وتحرجيه وسط الناس وصاحبته. دارين افتكرت منظره مع البنت اتعصبت .
دارين بقوة : يابابي انت مشوفتش هو كان بيعمل ايه كان قاعد والبنت ع حجره وف وضع مش محترم. سامر بصلها ومن جواه حاسس بيها وعارف انها بتحب ادم وانها مقدرتش تشوفه مع واحدة تانية وخاصة بالوضع ده.
اخد نفس واتكلم بلين سامر : بس ياحبيبتي مش من حقك تمدي ايدك عليه هو حر ف حياته وليه اب وام يحاسبوه مش انتي تحاسبيه وبعدين متنسيش انه اكبر منك مينفعش تمدي ايدك عليه مهما كان هزت راسها
دارين : انا اسفة يابابي
سامر : انتي عارفة اسفة دي لازم تقوليها لمين وع العموم انا عزمتهم النهاردة عالعشا عشان تستغلي الوضع وتتاسفيله . بصيتله وهزت راسها وطلعت ع اوضتها جري ديجا ادت لميس لميريام وطلعت وراها دخلت لقت دارين بتعيط خدت نفس وقربت خدتها ف حضنها وفضلوا يعيطوا سوا دارين رفعت عنيها
دارين : طب انا بعيط ع حبيبي اللي بحبه انتي بتعيطي ليه ديجا مسحت دموعها بظهر ايديها زي الاطفال.
ديجا : بعيط عشان شايفاكي بتعيطي دارين غصب عنها ضحكت وحضنت ديجا جامد ديجا حضنتها وف نص الحضن .
ديجا : دودي بقولك هي طنط خلصت الغدا ولا لسه ؟
دارين بعدت وبصتلها وبتلف تدور ع حاجة تضرب ديجا بيها ديجا طلعت تجري وقفت عالسرير .
ديجا : خلاص والنبي خلاص ..
عند ادم بقى ابوه بيزعقله
سليم : ازاي تكون ف وضع زي ده ازاي انا ربيتك ع كدة.
كاميليا ردت : اهدى ياسليم بس الولد غلط بس متزعقلهوش كدة
ادم : يعني انا جاي اقولك عشان تروح تدي للبت الاسمها دارين دي قلمين وتعدلها تبهدلني انا .
سليم بص لكاميليا
سليم : شوفتي اخرت دلعك فيه شوفتي
كاميليا : انا بحب دارين وانت عارف كدة بس مش لدرجة تمد ايدها ع ابني مش معقول كدة ايه هي سايبة.
سليم غمض عيونه بنفاذ صبر وقال بنبرة مخيفة : تحضروا نفسكوا رايحين لسامر نتغدا عنده ومفيش نقاش وسابهم ودخل مكتبه .
ادم نفخ : بعد كل ده بدل مايفض الشراكة رايح يتغدا عنده .
كاميليا قربت حضنت ابنها
كاميليا : معلش ياحبيبي دارين اه غلطت انها تمد ايدها عليك بس ده سامر صاحب ابوك الوحيد واللي ميقدرش يستغنى عنه مستحيل يبعدوا عن بعض متزعلنيش منك متجيبش السيرة دي تاني ماشي ياحبيبي
ادم نفخ : ماااشي وسابها وطلع اوضته وطبعا ع اخره نام عالسرير وطلع سيجار وولعها وبينفث دخانها وهو ع اخره ..
نهاية الفصل الاول.
1

8/9/2020
6:00 AM ❤️