احدهم لم يكن صدفه

البارت الاول+التعريفي

-ابتديتك صدفه، وصارت قصتك قصة ..🖤

الابطال:
بيت البطله :_
البطله نبا عمرها 18 سنه  رابع  اعدادي
الاب/ كاظم  45 سنه
الام/منى 43 سنه
الاخ/مراد 19 طب اسنان مرحله اولى
الاخت/إيلين 29 سنه دكتورة اطفال متزوجه خارج العراق
َصديقة نبأ (شهد) صديقتها المقربه
طالبة هندسة نفط مرحله اولى
* طبعاً نبأ متاخره بالدراسه بسبب الضروف لذالك شهد متقدمه عليها بالدراسه وبعد الها دور كلش جبير بالقصه
............................
عائلة البطل/
البطل :علي 27 سنه دكتور جامعي رياضة بدنية.
الاب :نوري 47سنة
الام:إلهام 43 سنة مدرسة تاريخ لمدرسة اعدادية.
علاء.وعلي:تؤام.. علاء دكتور جامعي اختصاص هندسة نفط.
مهند. فهد. تؤام. 21 سنه مهند يدرس صيدله سنه ثالثه
فهد سنه ثالثه  طب اسنان
ميا اخت الصغيره 19 سنه طب اسنان مرحله اولى
اما صديق البطل نواف /26 ضابط بالاستخبارات كذالك اله دور بالقصه
ملاحظة /هواي شخصيات جديده ما انذكرت راح تطلع بالقصة.. ❤️

"كُل الأماكن التي أُحبها هي وطنٌ لي ،
كُل الأصدقاء الذين يقبعون بمُنتصف
قلبي هم أوطاني".
.............
صباح الخير
طبعاً كعدت الصبح على صوت الوالده حتى اروح للمدرسه اول يوم الي بالرابع اعدادي وكلش خايفه وخاصتا ماعندي هواي صديقات بالمدرسه الجديده كمت غسلت بدلت  راسلت صديقتي واختي شهد كلش احب اصبح عليها راسلتها صارت ب7:48 دقيقه اجه السايق ورحت للمدرسه وشهد طلعت للجامعه هم اول يوم الها بالجامعه.... دخلت للمدرسه شفت جم صديقه من صديقاتي القديمات دلوني على صفي هناك ودك الجرس للملعب اترتبت وكفتنه واجت المديره والمدرسات توزعن علينا المديره رحبت بينه وحجت النا عن نظام المدرسه وعلى الزي والمخالفات وطبعاً جان اكو هواي بنات مخالفات  اجت ام الانكليزي تعرفت علينا بدت تشرح طبعاً انا صارت كعدتي الرحله الثالثه بالوسط وجان اكو يمي بنيه سئلت المدرسه سؤال انا رفعت ايدي علمود اجاوبها  البصفي كالت شنو كتلها S الجمع كالت لا التملك
المدرسه :اي ماما انت
نبأ:S التملك
المدرسه غلطط هاي انت منين يا مدرسه جايه شكد درجتج بالانكليزي
طبعاً انا فد استحيت لان تفشلت كدام الطالبات رجعت للبيت دمعتي بطرف عيني
الام: ها ماما شبيج
نبأ : يمه مااريد هاي المدرسه نقليني مااريدها
الام :يا هاي شجاج اول يوم بيها
نبأ :يمه المدرسه فشلتني والطالبات كلهن يخوفن عبالك كاعده وي مافيا مو بنات
الام: روحي بدلي وصلي وتعاي اكلي
نبأ : اوكي
رحت بدلت راسلت شهوده صديقتي وطبعاً هم حجتلي على يومها بالجامعه وشصار وياها
شهد: طبعاً كلش اول ماا كعدت حاجيتي صديقتي نبأ ونوب رحت للجامعه حياة مختلفه ومجتمعها مختلف تماماً عن المدرسه وكلش خايفه لان ابحدي جاي امشي ومدنكه لان عيون الولد اكلتني اكل ومبين علي التوتر وجان اندعم بشي احس راسي صار وصلتين
شهد:اخخ وثول ماتشوف 🤬
علاء: ما منتبهه والسانج لا اعلكه بركبتج بنات اخر وكت صلفات
شهد: كلش انهضمت من كال هيج وحزت بنفسي دمعتي وصلت طرف عيني خليت ورحت
علاء: شفتها دمعت عساها لسانها شطوله زلمه شطولني كدامها ما تحترم
خلصتها اكثر شي افتر وبالكفتريا كاعده اكل تعرفت على زميلاتي هناك ورحت للقاعه مالتي وطبعا مثل ماتعرفون هندسة النفط شوي صعبه اجه دكتور وعرفنه على نفسه ودكتورات تعرفو علينا واخذوا اسمائنا ووحده من الدكتورات كالت : طبعاً راح اخذكم انا بس هل اسبوع والورا راح يجيكم دكتور علاء ياخذكم بمادتي والماده مالته الي هوه يدرسها يعني راح ياخذكم مادتين لا تاذونه ترى عصبي وتعامله بالدرجات ولازم تتعاونون ما بيناتكم  نوب طلعت رحت انتظر السايق يجيني وكفت ويمي واحد عطره كلش قوي التفتت والا الشاب الي اندعمت بي الصبح بدون وعي كتله هاي انت!
علاء: اخذت محاضرتين بالمرحله الثالثه ومحاضره بالثانيه وكلش تعبان خابرت لاخوي علي هوه هم دكتور بالجامعه بس رياضه جننت واكف انتظره يجيني واكو وحده يمي مااحس الا كالت هاي انت
التفتت والا ام لسان
علاء: شتردين ام السان
شهد: اولا التقي الفاضك وما اسمي ام لسان زين لو لا والي اسم
علاء: وبالله شنو اسمج بلا زحمه
شهد: اسمي شهد يا محترم
علاء: تدرين لو اعرف انت باي قسم الا افصلج
شهد: شنو شنو عيد عيني ما سمعتك وبصفتك شنو وتفصلني والله ياربي تايهتلك
علاء: شوفي كاض روحي عليج من الصبح
شهد : سلامة روحك عيني لا ينطلك عرج.. وصل السايق... وخر وخر صعدت هوه عيونه صارن براسه
علاء: مشت وآلله لو ولد الا اكطعها بالنص
وصلت للبيت حاجيت نبأ ونوب نمت.
،،،،،،،،،،،،،،،،،،،،،،،،
علي : مثل العاده كاعد مزاجي متعكر من النوم ومالي خلك كعدت بدلت ونزلت سلمت على امي وابوي وطلعت للجامعه ومادري شنو منتظرني وصلت للجامعه والا تلفوني يرن صديق عمري والطفوله نواف طبعاً كلية ضباط وتخرج صار بالاستخبارات اتصل علي
نواف: هااا ابوووي شلونك
علي :هلا بالعزير الحمد لله وانت مشتاقلك
نواف: باليل شعندك انا نازل للبصره اريد اشوفك
علي : لك هلاااا راح تنور بصرتنا بيك دتعال تعال حتى لو مشغول اتفرغلك
نواف :هذا هوه صايرين يالله سلام
علي :حبيبي سلام
نزلت ورحت باشرت التمرينات وي الطلاب وجانو كلهم مستمعين ومركزين وياي لبنات والولد وكلش ارتاح وياهم
”..