Skies Of The Idyllic Arrow

22

"Bes!" sigaw ni Kate at agad na naglakad palapit sa akin.

"Ano?" tanong ko naman.

"Nakita mo na story ni Cazzie?" tanong niya sa akin. Kumunot naman ang noo ko, "Tignan mo muna aang ganda, nagvideoke ata sila nung mga friends niyang taga Mar. Engineering kasama si Cash"

Agad ko namang kinuha ang phone ko para tignan ang sinasabi niyang story ni Cazzie. Pagpindot ko ay ang unang lumabas ay picture niya kasama si Cash at ang iba pang mga taga Marine Engineering. Ang sumunod naman ay video.

"Tignan mo," sabi ni Kate. "Ang ganda," sabi niya pa.

Nakita ko doon ay nakatapat kay Cash ang camera habang abala siya sa pagkain.

"Cash, kanta ka na muna!" sigaw nung si Lauren habang inaabot kay Cash 'yung microphone pero nailing lang siya.

"Ayoko, nakain pa ako 'e" sagot naman ni Cash habang patuloy sa pagkain.

"Isa lang!" sigaw nung mga kasama nila doon sa parang videoke party. Naririnig ko pa na nagchi cheer sila para kumanta si Cash pero iling lang siya ng iling.

"Nako! Isalang niyo 'yung mga kanta ni Cash!" sigaw naman ni Cazzie na hawak ang camera. Maya maya pa ay nag end na 'yung video.

"Play mo 'yung next bes" nakangiting sabi ni Kate.

Ang sumunod na video ay nakatapat pa din kay Cash 'yung camera at hawak na niya ngayon 'yung microphone. Nagsisigawan ang mga kasama nila doon sa video.

"And the award for the best liar goes to you~"

Napangiti ako, isa 'yan sa laging kinakanta ni Cash tuwing nagvi videoke kami.

"For making me believe, that you could be faithful to me let's hear your speech ooh"

Nacut na 'yung video pero plinay ko 'yun ulit.

"Kanta niya 'yan for Lynx?" natatawang tanong ni Kate sa akin.

Natawa nalang din ako at tumango, "Oo, halata naman di'ba?"

"Hindi pa siya nakakamove on?" tanong niya.

"Nakamove on na feeling ka, gusto niya lang 'yang kanta. Maganda din naman kasi" pagdadahilan ko.

"Pwede kayong magcover nina Cash ng kanta, ganda nang boses niyo 'e" sabi sa akin ni Kate habang nakangiti. Totoo, maganda boses ni Cash actually lahat kaming magkakaibigan ay marunong kumakanta maliban kay Bree.

Hahawakan niya palang ang microphone ay tutunog na agad ang gong, pang dance lang si Bree. Next naman na story ni Cazzie at si Cash ulit 'yon, mukhang may pinapakanta na naman sa kanya ang mga kaibigan niya.