مساء الخير
شلونكم حبايب
قدري المؤلم
ويـن الگـالك يالمـوصوف
الية ... وأنا الـك موصوف
,,, جانت أمنيتي أبوسن بابهم
أتحدى واحد مثلي هلگد حابهم .
البارت الثامن
عطر الورد
براء،،، هوسه وجهال ماخذيلهم صفحه يلعبون بعد مااجو اخواتي وازوجهن كلنه نجمعنا بل الاستقبال كاعدين وسوالف جر وبعدين نصبو علئ ريام كلمن يشرط برأسها علئ العشه خلوهه يمكن تكرهه حتئ الشركه موبس الراتب الكعده ماتنمل وجهاد كملهه من راح جاب الطاولي وفرشه بلكاع وسوو فرق هو ورياض ورجل مها وعمار وبدأت هوستهم بلعب والبنات كل وحده تشجع زوجهه وأكثر شي اخذو راحتهم بلعب لأن بابا ماموجوده اجاه اتصال وراح وي صديقه بفاتحه والجماعه استغلو الوضع أكثر ملتهين بسوالف والضحك وندكت الباب وجهال هم أول فوج قريب علئ باب الشارع فتحو الباب وألباندا اسمع صوته يصيح اجت مره وياهه بنات طفرت ماما تشوف منو واحنه هم وراها طلعنه شفناهه هاي خالتي سعاد وياها بناتهه فرحنا بجيتهه دخلناها للبيت وبدينا نسئلهه علئ أحوالهم وماما احسهه كلش فرحانا بااختها من مده طويله ماجايتنه التهينه وياهن واللمه هل مره تختلف وكملت وي جيت خالتي اباوع بتها نرجس تجنن صايره هيه ازغر مني بسنه شفتهه مثل المستحيه الابنيه عاد سحبتهه وياي للمطبخ واني احاول اخليها تندمج بسوالف وياي بديت اسائلها علئ المدرسه وشلون مستواها وهيه هم نطلقت بسوالف وياي وراها اشتهيت اسوي كاستر بديت احضر بالمواد واني ونرجس مندمجين بلكاستر هيه واكفه وتخلط بلجدريه واني حضرت المواعين الاخليهن بي وفجأه وجانا صوت جهاد وهو جايب العشه وماخذ راحته عباله محد بلمطبخ دخل شايل العلاليك ويصيح وينكم يلربع من دخل تفاجاه وضل الولد مشكل اعيونه علئ الابنيه عاد اني اجيت ركض أخذت العلاليك من عنده وهو انتبه لنفسه نزل رأسه وطلع واني رحت صفطت العلاليك ورجعت النرجس الصار وجهه طماطه وهيه منزله راسهه وتخلط وضاله مندكه الابنيه كتله يمعوده راسج لايغط بلكاستر ويخرب الأول والتالي ويروح التعب التعبنا رفعت راسهه وضلت تضحك وهيه تكول اي عادي كاستر بطعم العسل يبووو علئ كيفج يمعوده لاتحمين علينه أنجلينيا جولي خفي علينا بعده رحنه صبينه الكاستر وراها دخلن البنات ويانه وبدينه نصب العشه وحضرنه السفره وشوي وسمعنه صوت بابا،،،
ريام،،،،، بعد ما نزلنا العصر اني وبراء وراها بشوي ندكت الباب وصلت اول فرقه هيه مها وجهاله وزوجهه والباندا اول مادخل راح ركض وهو وعلاكته الجايبه ويا مال الحلويات ضحكت علئ سوالفه وراها دخلنه بل الاستقبال كلنا انجمعنه سوالف وجاي وراها وصلت سهئ هيه وزوجهه وجهاد والولد كاعدين يسولفون وبابا وياهم وراه بشوي اتصلو جماعته وطلع وياهم بفاتحه وهنا الولد صارتلهم فرصه راح جهاد جاب الطاولي وبدون يلعبون وعمار وياهم وجهاله يمنه مرته بعدها يم أهلهه بس سهئ تكول مابيه شي وتطلع وي امهه لسوك بس كدام عمار مسويه نفسها جنازه بلنساوه ماما ماتحب تدخل عايفتهم علئ راحتهم وجهال احنه من زمان متعلمين يمنه حتئ بوجود امهم البيت خبصو هل جهال هذول مايكعدون والباندا شعله بحلوياته اليعجبه ينطي والمايعجبه يخلي يكمز وخاص جود مايرهم ويا ابد عرك اربعه وعشرين ساعه ماما كلساع تصيح علئ جهاد وتذكره يروح يجيب العشه نسولف وسمعنه دكت الباب جهال طلعو ورجعو يصحون مره وياها بنات طفرت ماما واحنه وراها طلعنه شفناه خالتي هاي خالتي خطيه بس بالمناسبات نشوفهه مزوجه بكربلاء سيد زوجهه وماتجي بس كل ست أشهر لو سنه فرحنا بجيتها وهيه طلعت جايبه رجلهه عندهم مناسبه عرس ابن آخو زوجهه بس هيه تستحي تبقئ يمهم وطلبت من زوجه يمنه يخليهه وباجر يجي ياخذه وياه للعرس ماما كلش فرحت بيه وبناتها كبرانات ونرجس جنن صايره العيون خضار خفيف والوجه ابيض وصايره بس كلش تستحي وملفلفات بلعبي وكاعدات عاد براء ماقصرت لأن تقريبا قريبه عليها بلعمر أخذت سحل وياه وخلته تنزع العبايه وراحن للمطبخ واحنه التهينه نسولف وبعدها جهاد اجه سلم علئ خالتي وأخذ الفلوس وراح يجيب العشه واني واخواتي هم رحنه للمطبخ نشوف براء شسوت دخلنه لكيناها مسويه الكاستر ومحضره كلشي وجهاد جايب العشه وراها صارت الصلاه ورحنه صلينه وبعده بلشنه فرشنه سفره للولد وبابا هم رجع وبدينه ننقل الاكل بس احس جهاد اعيونه وراه نرجس عاد ماقصرت واني انطي الصينيه وهو أخذه انطيته وياه كرصه وكتله عيب شبيك فضحتنه وهو ولا عبالك مسوي شي ويداهرني ويكول اني شعلي تعالى حاسبي اعيوني الموخوش ادميات شبيهن مشكلات علئ الابنيه ضليت اضحك علي بس هو فعلا نرجوسه وجهه يجيب التايه كملنه اكل الولد وراها بدينه نصب النه بلصاله صبينه الاكل وجهال عرك علئ البيتزا والبنات كلساع وحده منهن دامغه ابنهه ومها كلساع وصكعت الباندا يقاتل علئ كرشه منضرهم يضحك الف سالفه سو علئ سفره بعد معانات خلصنه هوسه العشه والماعين وصبينه الجاي للولد والبنات وخالتي سوالفهه حلوه هيه وماما يذكرن ايام زمان بقينه سهرانين وبعده حتئ اخواتي بقن باتن يمنه براء أخذت نرجس وصعدن تشوف ملابسهه الجايبتهن وياها للعرس وسالفه جر سالفه لحد ماتعبن من الكركره اذكرن النوم وراها ماما راحت لغرفتهم واحنه صعدنه فوك وبراء ونرجس مسويات الغرفه عرض أزياء براء هم مطشره ملابسهه لنرجس ومختارتله فستان كلش حلو ومنسقتلهه حجاب وياه والابنيه مقتنعه بذوق براء لأن خطيه رغم خالتي مامقصره وياهن بس لأن هناك مايطلعن لسوك ابوهن كلش ضاغط عليهن لامن يطلعن ولا من يعرفن يختارن وراها براء لمت الغرفه وفرشنه افراشاتنه وجهال اخيرا نامو وخالتي باجر تروح الصبح لبيت حماها للعرس واني وراي دوام بعده راستن استسلمت للنوم ماصحيت غير علئ صوت سهئ وهيه تكعدني احس راسي شكبره وجسمي مكسر يمكن افلاونزا بس شسوي كمت بيه مابيه غسلت وبدلت وحتئ ماتريكت بس شربت كلاص جاي وراها اجه رياض ورحت وياه وصلت للمكتب وبديت بشغل وعمي ابو كرار اليوم سلمني اربع قوائم يبوو شوكت راح اخلصهن واني احس اعيوني ينطبكن من وحدهن اخذتهن من يمه ورجعت للمكتب بديت بأول قائمه بلشت بتدقيق وراها رجعت نسختهن ورجعت بلشت من جديد علئ ماخلصتهن متت احس نفسي دخت وبدون ريوك الدوام صار عليه انتقام اليوم خلصته شلون ماكان المدير قفل الغرفه وطلع واني هم لميت غراضي وردت اطلع بس كمت دخت لزمت بالكرسي ورجعت كعدت شويه ورجعت كمت شلت جنطتي ورحت الرياض همزين اول ماوصلت لكيته طالع ومكمل كلشي انتبه علئ شكلي اتفاجأه بيه من حجيتله وعرف مريضه ضل يحجي عليه شلون مداومه ماقبل عليه رزلني كال لو كالتلي اني اسده الج بعدها كتله يله خلصت اليوم اشوف نفسي اذا باجر نفس شي مااداوم،،،،
