السلام عليكم
قدري المؤلم
بارت ٢٦
عطر الورد
ريام،،، بعد ما. رحت يم شمس واني دموع بعيوني
لفيت راسي ونمت
ماصحيت إله علئ صوت رفل وهيه تودع بشمس
فتحت اعيوني وسويت نفسي نايمه بس اسمعها تودع بيها
ودور شافتني نايمه سألت شمس عليه وخطيه شمس عرفت شلون تسد السالفه
بقيت جوه الغطه الئ أن رجعت شمس عليه وكومتني من الفراش
شمس،،، لج ريام يله كومي لا اتصيرين كسوله اليوم البيت فرغ
وصار بس اني وياج ولج كومي
ضل البيت لمطيره وطارت بي فرد طيره
ريام،،،، صدك شكد ماضايجه ومخنوكه بس ضحكتني شمس بسوالفها
من ضلت طك اصبع وتهوس
صدك غيرت مزاجي وكمت من افراشي وياها
للمطبخ
هيه خطيه ماخلتني اسوي شي راحت بسرعه خدرت جاي وحضرت الريوك
وكعدنا ناكل اني وياها
وراها رحنه بس عزلنا البيت اليوم بس اني وياها نفتر
الولد بعدهم بشغل
اني صعدت الغرفتي نزلتي شغلات احتاجهن وضميتهن يم شمس
بعد ماترهم أضل يم أمير بنفس الغرفه
لعبت نفسي من سوالفه
رجعنه اني وشمس
كعدنا بغرفتها وهيه خطيه ابد ماتفتح وياي موضوع لو تستفسر بموضوع علاقتي اني وأمير
عايفتني براحتي
ضلت تسولفيلي علئ صديقاتها وليش هيه تاركه وماتقبل الدوام وبدت تحجيلي
شمس،،، باعي ريومه الله شاهد اني من يوم مااجيت وي ماما وشفتج كلبي ارتاحلج
الإنسان الطيب يبين من وجها ووبعد ماعاشرتج اتاكدت من معدنج وطيبت أصلج
فلذالك راح اسولف لج انتي ذاك اليوم استغربتي ليش
اني ماقبل اكمل دراستي وادخل كليه واني بيومه
قنتعتج اني ماأحب اكمل
بس اني جنت كل همي دراستي
واتمنئ شوكت اكمل علمود ادخل كليه
لحد مااني وصلت للخامس وكلي نشاط اكمل دراستي واعبر السادس
بس يوم من الايام وتعرفين الولد وجماعتهم شلون يجون يوميه لو بين فتره وفتره يمنا
يوم من الايام ماما وشهد معزومات عند بيت خالتي
ومرت كرار مسافرين الاربيل
