مساء الخير
قدري المؤلم
البارت ٢٥
عطر الورد
ريام،،،
مثل كل يوم أمير وإخوانه وعمي يطلعون الصبح للشغل
يضل البيت فارغ بس اني وخالتي والبنات
نكعد الصبح أكثر شي شمس لوتصعدلي لو تاخبرني
وتكعدني من النوم
اني وياها تعلمنه نتريك سوه
وماادري ليش ماتقبل تكمل برغم هيه شاطره وعدها شهاده سادس
بس ماتقبل تداوم كليه عكس
شهد هاي الها سنه ثالثه بالكليه
بس شموسه كلبه طيب وهيه المهونه عليه بهذه البيت
خالتي هواي صايره تسمعلي بسامير ومااعرف ليش
هلكد واكفتلي علئ سالفه صغيره تنتبه بشغلي تدور زلات
بس اني اعرف شلون اطلع منها ومامطيتها مجال
لأن إذا سلمتني شغله اخلي روحي بيها واخلصه علئ أتم وجه
عرفت سوالفها
بلمطبخ إذا ردت اسوي غده توكف علئ راسي واضل تنطي معلومات
وامشي علئ أوامره وبل الأخير إذا طلع بل اكل شي ناقص
تذب الوم عليه
عدهم أهم شي الغده والعشاء كلمن يريد وبلي يعجبه يجيبون من بره أكثر
بعد ماكملت الريوك شمس راحت نضفت البيت
وشهد بالدوام
ومرت كرار طلعت نضفت البره
وجهال يلعبون
واني دخلت للمطبخ اسوي غده فتحت الثلاجه
وبديت ابلش بشغل شفت عدنا سلك موجود خطرت علئ بالي اسويلهم دولمه
وهنا بديت اطلع بلغراض واحضر غده مادام خالتي ملتهيه
اليوم تحضر بملابسها تريد تروح العرس بت اخته بديالئ
واني استغليت الوضع لأن مااعرف اشتغل إذا واحد يوكف فوك راسي
علئ كيفي وخلصت غداي ولفيت دولمه وشغلت نار وخليت الجدر
ورجعت لملمت الهوسه الصارت وغسلت المواعين
وخالتي اليوم ابد مادخلت للمطبخ
ضليت كاعده بلمطبخ منتضره الدولمه شوي تنشف علمود اتركها علئ نار ناصيه
واروح اسبح
دخلت رفل
رفل،، هااا ريام اشتم طابخه دولمه الريحه. ترست البيت
