مساء الخير والعافيه
قدري المؤلم
بارت ١٩
عطر الورد
ريام،،،،، من شفت الرساله بعده الموبايل بيدي رجع
دك رقم وعرفته أمير رفعت الخط
اجاني صوته وهو يصيح ويغلط
اريد افهم منه شي صوته عالي ومن العصبيه مااعرف شيخربط بلحجي
وهو يكول اني كو........مال حضرتج لو طرن
خراعه خضره وحضرتج طلعين بكيفج
وماتكلفين نفسج وتاخذين شوري
لو ماعاجبج وماتارس عينج ومستصغرتني
اريد بعد اشوفج تخطين خطوه بره البيت وماتكولين
إله اكسر راسج حيوانه ماتعرفين الأصول
اهلج ماعلموج من تطلعين بعد لازم تبلغين
رجلج لو ماعدكم هاي سالفه انتو
ريام،،، مستمر أمير يحجي هذه الحجي كله وماتعب
آخر شي سد الموبايل بوجهي مانتضر يسمع مني
اني كل هذه الحجي الكاله سكتت عنه بس صدك فور اعصابي من أتجاوز علئ اهلي
باوعت علئ رقمه وحفظته
ورحت شفت منزل واتساب
دخلت للبرنامج وكتبتله رساله
إذا قدرت أخلاقي وتعب اهلي من مجرد موقف مواني السبب بي
روح حاسب نفسك بل الأول ماعرفت تكلف نفسك تخلي رقمي عندك ورقمك عندي
يعني اذا ردت ابلغلك مثل ماتكول المن اخابر واكول اني طالعه
لا تركب الغلط براسي وانت اساس الغلط
ولاتجاوز علئ ناس ماتعرف شنو همه ومنو
وكلي فخر اهلي مربيني علئ احسن تربيه
كتبت هذه الكلام وطلعت من المحادثه مانتضرت الرد
وطفيت الشبكه
بس احس بنفسي نار تفور جوه كلبي من كلامه
هذه بعده ماصايره تحت سلطته وعلئ أقل موقف
استلمني غلط وسحل كرامتي سحل
هاي إذا نزوج شلون راح اتحمل تصرفاته
ضليت افكر بلطريقه كلامه وعصبيته
واني حايره بزماني وبلي اني بي
آخر شي عفت كل الأمور للاايام هيه كفيله
تحسم كلشي
كمت من مكاني متمللمه وجسمي متكسر من تعب
