مساء الخير
قدري المؤلم
عطر الورد
البارت الرابع
ريام،،،، اخواتي اليوم يرجعن لبيوتهن محضرات غراضهن وشغلاتهن الاشترنها وبعد ضلت كل وحده متانيه رجلهه يجي ياخذها سهئ رادت من ماما تسويلها دولمه مشهيته دخلنه للمطبخ وبدينه نلف الدولمه علئ غده ومها وبراء سون حمله علئ البيت نزلن البردات وغيرن الفراش والتهن بلبيت ماخلن شي ماسونه ورجعن صعدن للغرفه جهاد عزلنها ورجعن نزلن جوه وبراء خبصتنه تندب بحظه وتصيح اخ يأبه متت نكسر ضهري اني شمحصله من التنضيف شوكت تبدي المدارس وارجع انطم بدراستي احسن من هاي سالفه الشغل ورجعت تتحلف بجهاد اليوم إله تخسره علئ تعب مال غرفته ضحكت ماما عليه وكلتله ولج ماالوم لارا من تسميج بلاء شبيج اتصركعتي وخبصتينه شمسويه بله وبعدين باجر عكبه تزوجتي هم ضلين تولولين برأس اعيالج وتشكين ولج ماما انتي كبرتي بعد علئ سوالف الدلع وعمر التنضيف مايخسر من ابنادم شي ولا يمرض ولا يموت بالعكس بيوم التشوفين نفسج مسؤله علئ بيت وعائله راح تعرفين معناه كلامي وهسه بدال ماخبصتينه روحي بدربج بعد بس الكراج اغسلي ودخلي بعد شتردين تسوين سوي مانصيحج
براء،،،،، اليوم مها دكت إله تنضف البيت كله ورادتني وياه اول شي ردت أفلت بروحي عرفته مها من تلزم شغله ماتنضفه هيج لا إله تغسل وتغير الفراش والبردات يعني تنضيفه أكثر من الدقيق لهيت نفسي من عدهه ورحت لميت الجهال وبديت العبهم المحيبس كلت بلكي تعوفني وتروح هيه بس بعد وين مها وخلتني برأسه اجت وطشرت الجهال وهيه تكلهم تعالو ماما روحو اكعدو يم بيبي بلمطبخ واني راح اجيبلكم حلويات وممنوع بعد دخلون هنا بلبيت لأن راح نضفه اني وخالتكم اباوع عليهه واني بكلبي اكول لا هايهيه اجاك الموت ياتارك الصلاه قافله عليه اليوم توكعني جفي علئ وجهي وصدك جهال سمعو كلامه وراحو واحنه بدينه اول شي من الاستقبال طلعت افراشه والتخم ورجعت نزلت البردات واني خلتني امسحي شكو تحفيه وسيراميك وجام وهيه غسلته وعلكت بردات ورجعت فرشته ودخلنه تخم ورجعنه للهول وكذالك والغرفه مال ماما ونوب صعدت للفوك غرفه جهاد ورجعت فرشت الأغراض الطلعناهن بلسطح غسلناهن احس ضهري طك وهيه ولا يهمهه وفوك كل هذه نزلت احجي من تعب ورجعت ماما استلمتني ماقابله علئ سوالفي ورجعت طلعتني للكراج غسلته وبعده رحت ركض للحمام سبحت وبدلت ورجعت يمهن منجمعات بلمطبخ يسولفن،،،
رياض،،،، بعد ما نهيت المكالمه من أبو كرار طلعت من مكتبي وتوجهت لمكتبه ديكت الباب ودخلت بعد ماشربنه الكهوه سألني كال انته تكفلت بموضوع البديل البمكان دنيا وبعد لا اجيتني لابلغتني شسويت ماسويت وهسه هل خابرتك اريد اعرف منك منو هاي البديل هنا بعد اني رديت علي وكتله من حقك تعرف واني عفته السالفه كلت لحد ماابو كرار يرتاح من هاي السالفه وهم يصفي حساباته وبعدين لاحك اجيبله الابنيه واليوم انته ذكرتني وهسه راح اكلك منو هي
البديل ياابو كرار هيه بنت عمي وحسب ماردت انته وكلت بعد مااوضف غير الثقه وهاي الابنيه من عائله كلش تعبانين علئ تربيه بناتهم وهم علئ مسؤوليتي هذه الشي الجاي أقدمه الك وبعد ضلت يمكك إذا تريد اجيبها وانته تختبرها وتشوف مستوى عملها وإذا ماتريد وعندك اليسد مكانها ماكو اي أشكال ضليت مستمر بلحجي وي ابو كرار بس هو ماقابل وكال شلون تريدني اشككك بأاختيارك وخاصه بعد ماطلعت الابنيه بنت عمك بالعكس اني الممنون منك وانته اعرف بمصلحت شغلنه وشوف اليعجبك وشوكت ماتحب تجيب الابنيه اني جاهز بس لا تطول بسالفه لأن احنه بحاجتنه الهه
