مساء الخير غوالي
قدري المؤلم
البارت ١٦
عطر الورد
ريام،،، مرت الايام صارت علينا ركض بركض بعد ماابو كرار اجه ثاني يوم وراد ياخذني علمود اختار الذهب بس ماقبلت اروح عفتهم همه يجيبونه علئ ذوقهم وأم كرار ماقبلت احجز عند اي صالون أصرت هيه تاخذني لهذه المركز التعرفه هيه وتروح علي من شفتها هيج سكتت وخليت كل الأمور عليهم بس اني حضرت شكم شغله الديكور مال خطوبه بلبيت سويناه وصينيه اشترتها مها من الفيس وجهاد حضر أمور الكيك والبيبسي وحجزت كيكيه جاهزه ماما ماقبلت بعد نضل لابسين اسود أخذت عمار لسوك وراحت جابتلنه ملابس ألوان وقبل الخطوبه بيوم من اجن اخواتي كلنا ذبينه الأسود ضلت تحجي عليهن ماما واخر شي اقتنعن وذبنه وبيومه اذكرنا بابا يعني رغم وجود ماما واخواني بس تبقئ الابنيه بمثل هيج يوم تحتاج ابوها كون هو الكاعد بديوان وي الناس والابنيه تتفاخربي وبوجوده تبقئ غصه بكلبي فقدانه بس يبقئ هذه أمر الله والاعتراض علئ حكمه وابويه ربي يرحمه برحمته ماقصر بيوم ويانه وهاي قسمتنه من الدنيا ترحمتله بداخلي وكمت توضيت وصليلتله ركعتين قربه لله وهديتهن الوالدي وراها رحت يم لبنات اتلهي وياهن بدال ماضاله متوتره وخايفه
براء،،،، اليوم يمنه خالتي اجتنه من الصبح علمود خطوبه ريام واني كلش فرحت بجيتها وجيت نرجوسه ضليت كاعده يمهن واخر شي سحبت نرجس من اديه وشلت جنطتها الجايبته وياها وصعدنه فوك بغرفتي خليتها تنزع عبايتها وتغير ملابسه ورجعت طلعت نفنوفه التلبسه باجر ضميته إله وكعدنه واخذتنه السوالف لحد ماصاحو علينا نزلنا لكينا ماما وخالتي بلمطبخ وريام مركبات الغده بس ماما صاحتني علمود اطلع اغسل الكراج عفتهم ورحت شغلت الماطور وجريت الصوندا ونرجس هم اجت وياي شايله الماسحه بدينه نغسل ونرجس ملابسها كله تسحل طوال شالت ثوبه عن المي ومندمجين نغسل وشوي ونسحب خيط الباب ودخل علينا جهاد واشوف الابنيه جمدت بمكانه وذبت الماسحه ودخلت تهف بكل سرعتها بساعته صارت أسرع من البيب بيب
جهاد،، لج صخمان براء شكم مره كايلج الكراج بليل اغسلو يعني هسه إذا اسحلج من شعرج وانشف الكراج بيج احد يلومني شكم مره محذركم ماتوصلون وتغسلون الكراج بل نهار ماشوفون داير متداير جوارين واكم شكم مسبرت ناصبيلهم أبراج حمام ويطلون علئ الرايح والجاي يعني ابد ماتصيرلكم جاره شلون بعد بيا لغه احجي وياكم العربي ماتفتهَمون احجي نكليزي كردي بلكي تجيب نتيجه وياكم وهذيج بت خالتج مامصدكه عايشه دور ورافعه الثوب وهسه بلعجل تروحين للبيت وإذا نعادت هاي السالفه مره ثانيه إله اطيح حضج
براء،، يمعود شبيك روح احجي هذه الحجي الماما اني شعليه هيه الخبصتني إله اطلع انظف الكراج واني العليه نفذت وها بعد لو علئ كص ركبتي مااطلع انضف صار حضرت الأخ جهودي شعده غير اوامرك
