مساء الخير والعافيه
قدري المؤلم
بارت ٢٧
عطر الورد
ريام،،، اني وشمس ناسين نفسنا وكاعدين نسولف
وشموسه اليوم زاحت شكو شي بكلبها بخصوص رافد
بعدها تسولف وفجأه دك موبايلها
واني هنا نصدمت من شفت الساعه ب ١٢ ضهر
عزه بعينج شمس شوكت بعد راح نلحك نطبخ الغده
عفتها تحجي وي شهد والأخت شهد كلش معجبه بل الأجواء مال ديالئ
فاتحه كامره وتصور عفتهن مندمجات بسوالف
واني رحت للمطبخ
حايره شسوي ياربي والولد وعمو علئ جيه للبيت
فتحت المجمده بقيت حايره شسوي بعدني افكر بلغده
ودخلت شمس
شمس،،،، ولج ريوم فلتت من شهد صرعت راسي بسوالفها اختي جنها ضرب عندها الحار والبارد
كلش عاجبها الوضع
ريام،،، اكلج شمس هسه عوفينا من شهد تعالي وياي
يمعزايه من وره سوالفج نسينه الغده والولد هسه يجون
شنغديهم
شمس،،، يااا عزه بعين العدوان هاي شنو ساعه بيش
لج والله اليوم احس ركض ركض
ريام،،، اي والله ولا درينا بساعات شلون مرن هسه حبيبتي خلينه نبلش الغده
وانتي ارجعي كملي سوالف رافد باشا
شمس،،،،، يمه متتت رافد باشا دور طلعايله لقب
يله حبيبه من يمج طلعينه الكبه وهمبركر وبورك
وانطيني اياهن اكليهن
وانتي بلشي بلزلاطه
وهيج كدرنا نسوي غده معدل وهم ماياخذ وقت ويانه
ريام،، اي والله صدك كلامج يله هاج اخذي الأغراض وبلشي كليهن
واني راح اسوي زلاطه وفواكه واخلط لبن
عفت شمس تكلي واني رحت للثلاجه طلعت شغلات الزلاطه
طماطه وخيار وفلفل وليمون
وطلعت تخته ورحت غسلتهن
وكعدت اثرم ورجعت سألت شمس علئ رافد
اليوم مااعوفها إله تكت الأول والتالي
اي شموسه كمليلي صار ووياج من دعاء اجت عليج
شمس،،،، بيوم الاجتني دعاء وفتحت وياي الموضوع بصراحه هيه تحجي واني هنا مثل الصاعقه
. وضربتني براسي
