مساء الخير
قدري المؤلم
عطر الورد
البارت السادس
ريام،،،، عفت براء تلغي وحده طلعت من الغرفه ونزلت للمطبخ وكفت وي ماما نحضر الغده علئ مايجي بابا بلشنه بتحضير وماما عزلت حصه البيت اخوي كالت خاف يجي اخوج ومرته مريضه خطيه طلعت حصتهم بجدوره واخذتهن وراحت واني رحت فتحت الثلاجه وطلعت فواكه غسلتهن وخليتهن بماعون رجعت حضرت الماعين النصب بيهن سمعت صوت الهورن عرفت اجه بابا طلعت فتحتلهم الباب ودخلو للبيت صف السياره جهاد بلكراج وبابا نزل سلمت علي ودخلنه اني وياه داخل البيت واسمع جهاد يصيحلي وين فلتي تعالي نزلي المسواك لو ترديني اني هم اجيبه الج للمطبخ اسمع واضحك علئ سوالفه طلعت راسي من باب المطبخ وجاوبته لا جهودي حبيبي كمل جميلك وجيب العلاليك بدربك لأن اني افكر بيك وكلت هسه يجي جوعان هل جاي احضرلك بلغده هو سمع بل الأكل غير الموجه كله وصاح لايابه تدللين إذا بيه غده لا صار موبس علاليك اشيل لا حتئ أعزلهن واغسلهن اجه صدك شايل العلاليك ويهف شمرهن بلمطبخ وكال الج عشره دقايق اروح بس اغسل الكه الغده الخبصتيني بي موجود كدام عيني راح جهاد واني صبيت الغده وصحت علئ براء نجمعنه كلنه بلمطبخ واتغدينه وبراء وجهاد خلصو معارك اليشوفهم اعقولهم مثل جهال،،،
رياض،،،، بعد ماوصلت ريام البيت عمي استاذنت منهم وصعدت سيارتي وتوجهت للبيت واني بالطريق نزلت اشتريت مسواك ودخلت الأسواق علاكه لجهال حلويات أخذت شغلاتي ورجعت ركبت سيارتي وكملت طريقي الئ أن وصلت للبيت مادخلت سيارتي لأن متواعد اني وصديقي مريض وتواعدنه اني أخذه بعد كلت عليمن ادخل السياره هو بس اتغده ورجع اطلع نزلت وقفلت السياره وغراضي بيدي دخلت للبيت واسمع صوت أمي ترزل بسهئ وتحجي وتغلط امشي بس ماطلعت اي صوت ردت اعرف شكو وليش هلغلط وهم اوكف علئ الحقيقيه واشوف من الصح ومنو الغلط وكفت قريب باب المطبخ وضليت اسمع امي نازله دوسه ونص بالغلط الخايسه والجايفه اسنين وماتعلمتي واجبلتج وشغلج تنضيف من فوك الفوك وجهال مامدبينهم والغده ليش لهسه مامركبتيه ضليت اسمع ومامتفاجئ من طبع أمي اعرف بسوالفه هاي بس رغم كلشي اكول تبقئ امي ولو مهما تسوي ماجازي ربع من تعبه والله شاهد رغم طبعه وعصبيته مرتي مايوم شاكيه منه هنه هذن بنات عمي ونعم من تربيتهن يتحملن الحلو والمره وي العيال كملت مشيتي وفتح الباب وهيه مستمره تحجي دخلت وصحت السلام عليكم أمي تفاجئة بدخلتي واني هم ردت اوصلله فكره انو أني سمعت كل كلامه سلمت عليه وكتله خير حجيه أمريني منو المضوجج ومخلي صوتج واصل الراس الشارع خطيه هيه من فشلتهه جاوبتني منهو الوياي اكو غير جهالي الملايجه ضالين يمشون ويزعبلون ويكمزون فوك روسنه اني هم بست راسه وكتله صار هسه انعل جلاب أهلهم جهالي شلون يزعلون ست الحبايب ا صبريلي عليهم رايحلهم عفته علئ كعدته واني رحت الغرفتي لكيت سهئ كاعده وجهال يمهه يلعبون بلملاعيب هيه من شافتني دخلت طفرت سلمت وجهال اجو يركضون شلتهم بوستهم ونزلتهم بلكاع وبعدين كتلهم ولكم صدك الكلام السمعته من بيبي عليكم تكول بس توصخون همه خطيه وجوهم نخطفت ويجابوني لا والله مانسوي وصاخه بس هيه بيبي تحب تصيح علينه
