السلام عليكم
شلونكم حبايب ♥️
قدري المؤلم
البارت العاشر 💔💔💔
ريام،،، روحي مثل جثه مااكدر حتئ اوكف البيت هوسه وناس كلساع علئ شكل وجبات يجون يعزون وحالتنه حاله ابوي موبس كسر ارواحتنا بروحته لا ابوي من بعده صفت حالتنه مثل الرماد امي بصفحه واخواتي واخواني ومانعرف بعد شضامتلته الدنيا مااكدر اوصفلكم حالتنه صعب الابو صدك خيمه عمي ولده ماعافونه سمعت من رياض ابو كرار واكف هو وزياد ماتاركين رياض بلفاتحه لملمن البنات البيت لأن الماليه اجت الي راح تسوي الختمه اليوم الثالث واحنه بعدنه مامصدكين ابوي عافنا وراح ارواحنه خاويه وتعب جاي يبين علينه دخلت سهئ عليه وهيه هم حالتهه كلش تعبانه كعدت بصفي وصوته رايح من العايط والبجي كالت ريام كومي جهاد يكول خل تلبس عبايه وتطلعلي للكراج المدير مالتج يريد يسلم عليج طفرت واحس الدوخه مسيطره علئ كل جسمي دخلت للغرفه جريت عبايه وخليته علئ راسي ورحت اتمشه طلعت من باب الاستقبال للكراج لكيت جهاد واكف منتضرني شال رأسه جرني خلاني جوه اذراعه وتمشينه شوي لكيت ابو كرار ورياض واكفين تقدمنه عليهم بمشيتنه رفعت راسي ابو كرار تقدم علينه وسلم وضل يحجي ويصبر بينه وراها ترخصت منهم ورجعت للستقبال بدت الملأ بلقرايه واحنه تجمعنه داير مدايره وشبعنه لطم وبجي ساعه ونص وختمت القرايه وراها بدينه بصب العشه وطفرنه ساعدنه بناتنه بلثواب لحد ماهلكنه لليل بدت العالم تطش كلمن الاهله بس بقو بيت عمي واخواتي وخالتي ومرت عمار لمت جهالهه وراحت لبيتهه وراها دخل جهاد ورياض وعمار وعمي للستقبال وصاح علينه نحضر لهم عشه رجعنه كمنه حمينالهم اكل وجهزنالهم صينيه وانطيناهه الهم تعشو بيها وخدرنالهم قوري جاي براء ونرجس راحن يفرشن واني بقيت بلمطبخ لميت بقيه الهوسه دخل جهاد شايل الصينيه اخذتهه من عنده اباوع علي سوده عليه هيج المصايب تكبر الواحد هيج تلث تيام كفيله تغير ملامح وجهه وتخلي مكسور ومتعوب ضل واكف يمي منتضر الجاي حضرتله الصينيه وصبيتهه وغسلت مواعينهم علئ سريع لان احس علئ ساعه اتخربط بعد مااكدر جسمي مكسر وروحي مسلوبه منه الحياه كملت المطبخ وطفيت الاضويه ومريت من الحولي وقريب علئ باب الاستقبال نهضمت ونكسرت من سمعت عمي يحجي بسالفة الدين مال بابا،،،
جهاد،،،، الجماعه بدو يحجون بالموضوع وهمه يكولون بعد هاي ذمه واخاف الوالد مامبلغكم بالموضوع ترئ ابو عمار مطلوب وجماعه كلفونه بالموضوع ونبلغكم بي حتئ يكون عدكم علم ومثل ماتعرفون قبل سنه من صار حادث بسوق ومن ضمن المحلات الاضررت هو محل ابو عمار وبوكته جان تارسه بضاعه وبعده رجع ترس المحل بضاعه جديده وتضاعف علي المبلغ ورجال ماجان مقصر مسويه الدفعات اقصادات وهسه مثل ماتعرف بعد الرجال انتقل الئ دار حقه واحنه بدورنه اجينه نبلغكم مستمرين الجماعه يحجون واني احس علئ ياساعه انفجر ابد مووقتهم هذه الحجي قابل طايرين احنه لو مانعرف بل الأصول ردت احجي بس رياض ماقصر،،
