مساء الخير حبايب
- نحن لآ نعتآد هذا الشُعور أبَداً، فيِ كُل مره يؤلم .
قدري المؤلم
البارت ٢٢
عطر الورد
ريام،،،،
دخلت للغرفه تعبانه وراسي يوجعني والبدله موتتني
ردت ابدل ملابسي بعدني اول مادخلت وأريد ابلش بشعر ي افتح التسريحه
دخلت سهئ وفاجأئتني من كالت
سهئ ولج اوكفي يمعزايه وين وجهج تردين تنزعين
ورجلج مخابر الرياض جاي بلطريق
ريام،،، سهئ تحجي واني تعجبت
هذه اكيد موصاحي إذا هو جلست تصوير ماكلف نفسه واجه وصور
هسه المن جاي تالي اليل مذكر
شلت ايدي من شعري ورجعت كعدت علئ جربايه
وسهئ راحت وراه شوي رجعت
جايبه جنطتها واجت يمي عدلت وجهي شوي
والبنات هم اجن دخلن يمنا بلغرفه
ونرجس وبراء مكابلاتني وناصبات عليه
وعايشات دور عبالهن اني وأمير مثل كل اثنين كل واحد يحمل مشاعر حب وموده بينهم
اضحك وي ضحكتهن واجاملهن حتئ لا يبين قهر كلبي
الغرفه صارت عباره عن مجمع نسائي البنات واصواتهن وهوستهن
ومخبوصات منتضرات أهل العريس
ومحاضرات العبابات يلبسنها فوك ملابسهن
شوي وسمعنه صوت هورنات وجهال دخلو يصيحون اجوي
اجوي
البنات تبخرن كل وحده اخدتله صفحه وراحت واني
سهئ طلعتني واخذتني للستقبال
رجعت كعدت وعدلن البنات الطبله وخلن الكيك
وصينيه الحنه
شوي ودخلت أهل كرار
رفعت راسي شفت أمه ووياها نسوان وبنات شابات هواي
ومرت كرار
وبل اخير دخل حضرت الأستاذ
لابس الدشادسه بيجي وخليجيه ولاف غتره لفه حلوه
وساعه ومحدد ومعدل نفسه
ضحكت بداخلي طلع موهين أمير باشا
خوش يمثل ومبين نفسه فرحان وعايش دور العريس
اليشوفه يحسدني علي
وصل يمي كعد وهو يوزع ابتسامات َمندمج وي أهله
الي بدو
