مساء الخير والعافيه
قصه قدري المؤلم
عطر الورد
ريام،،،. وضع أمير كلش يخوف وراه مصيبه
عفته فوك بلغرفه مخبوص
واني نزلت جوه وناس كلها جايه وهوسه الديجي والأغاني وبنات يركصون وجهال
واني اخذتلي زاويه كعدت اباوع علئ أجواء الحفله
هنا شهد طلعت تجنن كلش حلوه
منتضرين أهل العريس يجون من ديالئ
كاعده واجت شموسه هم كعدت يمي طالعه تجنن وناسكه وحليوه
شوي وسمعنا أصوات السيارات وهوسه
أعلنت عن وصول أهل العريس انخبصن البنات نص طلعن يشوفون أهل العريس يباوعن من شباك المطبخ
وهنا
شفت أمير نزل لل الاستقبال وي عمي والولد علمود يتمم موضوع اقراه الفاتحه
دخلو أهل العريس البس فد شي
ناس مبينين مثل نفخ خالتي وأكثر ماادري عبالهم من يدندشون بلذهب
يعني راح تزيد من جماليتهم هواي مبالغات بلبس الذهب
وأول ماطبن ذبن الجبب وطلعن النفانيف الابساتهن حدث ولا حرج
دخلت يركصن وخبصن الجو خبص
وشوي وخالتي وساره احن اخذن شهد علمود يعقدولهم عقد سيد
اتممت المراسيم وعقدو الشهد ورجعهنا لمكانه وشوي ودخل العريس
وهنا مثل كل خطوات المخطوبين
خلصوها لبس ذهب وصور لقطات
واكلو كيك وشربت
واني وشمس ضالين مثل الأطرش بلزفه بس بعيونه نباوع
وراها هم انخبصنه بتوزيع الكيك والعصير
الاهل العريس هلكنا علئ ما خلصت الحفله وراحو
ومابقن بس خوات خالتي القريبات وبناتهم
وساره وأم أكرم هاي المرأه هواي احبها
وجودها نعمه
لملمنا الهوسه الصارت اني وساره وشمس
ومرت كرار ماخذه دور الخطار ابد ماتحركت
وخالتي عينها عليه ياشغله تريدها صاحت
ريام تعالي نضفي هذا المكان
للمغرب كلش تعبت وهلكت عفتهم
وصعدت فوك
دخلت الغرفتي أخذت شي حلو ومرتب
ودخلت للحمام
سبحت وبدلت وطلعت
بين مامشطت وتعطرت صارت الصلاه
فرشت سجادتي وبديت اصلي
