السلام عليكم
قدري المؤلم
عطر الورد
البارت الثالث
ريام،،، بعد ما رياض طلع وره الغده وبيت اخوي هم راحو البيتهم وبابا وماما راحو لغرفتهم متعلمين ينامون ضهريه شوي ضلينه بس اني واخواتي ضلينه نسولف وجهال نامو وبراء ضلت تلح إله تسوي كيكه للعصر عاد استسلمت للأمر وهم اخلص من ملحتهه كتله روحي حضري المواد واني اجي وراج نخلطه وهيه ماصدكت راحت بعد بيه كيكه براء كل النشاط ايصير عدهه من تسمع حلويات عاد عفت اخواتي يسولفن ويتفقن يردن يروحن لسوك دخلت لمطبخ ولكيت براء محضره كل مواد بدينه اثنينه نشتغل بيها خلطناها وهيه سوت صوص مال كاكو وحضرته بثلاجه واني خلصت الكيكه ودخلتهه للفرن ورجعت غسلت الماعين الصارت وكعدت بلمطبخ وبيدي موبايلي اتفرج علئ يوتيوب مرات أضل اتابع خلطات لعنايه البشره ومرات احب اتابع شغلات الطبخ ضليت اتفرج علئ ماتستوي الكيكه ندمجت بليوتيوب وماحسيت بلوكت طفرت اتأكد منه لكيته مستويه رجعت فتحته علئ جهته الفوك حتئ تكمل فد مره ضليت مستمره اتابعه لحد مااخذ لونه الذهبي طفيت الفرن وعفته تبرد للعصر ورجعت صعدت فوك لكيت اخواتي خطيه نايمات اني هم جبت مخدتي ونمطلت وبعد غفيت ماحسيت إله من ابن اختي البانداه كعد من النوم وشتغلت هوسته كعد وكعدنه وياه وبراء اول وحدة طفرت ونزلت جوه عرفتها راحت هيه التحضر الكيك نزلن مها وسهئ وجهالهن وياهن واني لميت الغرفه ونزلت وراهن لكيت ماما وبابا هم كاعدين بلمطبخ وبراء محضره الكيك ودازه علئ عصير وياه كعدنه كلنه الجوء مومال عصريه لأن شتاء بساع ايصير مغرب علئ ماكملنه اكل ورجعو جهال علكوه لعب ماخليناهم بره يطلعون وجود ولارا كملو المجموعه ساعه لعب وساعه ايصير المكافش من الروس بعد مااهتمينه للعشه لأن اكلنه العصر ضلينه كاعدين وسهئ رادت من ماما تأخذه لسوك باجر ومها مارادت تروح كلتلهن اكتبلكم الحاجات الاريدهن وانتن جيبلي بس سهئ دارت وجهه عليه وكالت ريام امشي ويانه باجر ماتشترين شي يجوز بعد شكم يوم وايصير تعينج وفعلا ذكرتني سهئ ناسيه اني هاي الفقره وماما هم كالتلي اي امشي ويانه وشتريلج شي حلو ومرتب واتفقنه باجر الصبح نروح لسوك صار المغرب وكلمن راحت اصلي وبابا وأخوي رجعو للبيت بليل عشانه صار شي خفيف علئ جوء الصوبه وخبز مكسب واجبان مارادو شي ثكيل خلصنه عشانه ولملمنه الهوسه وضلينه كاعدين كلنه منجمعين سويه وجهاد دخل جماعته للستقبال دائمن يجون يمه لو هو اليروحلهم قدمنالهم كيك وعصير وضلو لليل هو أصواتهم وهمه يلعبون طاولي شوي وبعد ماما وبابا تعبو راحو لغرفتهم واخواتي صعدن فوك ينومن جهالهن واني دخلت للمطبخ غسلت الماعين مال كيك ولملمت البيت ودكيت الباب علئ جهاد شفته بعد هم يحتاج بعد كال روحي مااحتاج شي همه شويه وراح كلمن يروح البيته عفته دخل لجماعته واني صعدت للغرفه لكيتهن بعدهن مخبوصات بجهالهن يردنهم ينامون وهمه معاندين بعدهم يردون يلعبون والباندا رئيس المجموعه يريد لعب وأكل بعد مادوخونه براء حنت عليهم وطلعتلهم حلويات وسكتتهم وشرطت عليهم بعد الأكل كلمن يغسل ويركض لفراشه ينام حتئ الصبح تلعبهم وهمه كيفو علئ هاي الفكره وقتنعو بيه واخيرا خلصنه منهم وعم الهدوء وستلمنه للنوم
سهئ،،،،، من اجيت الاهلي وجابني رياض وهناك فتح موضوع مال تعين الأختي ريام صدك شكد فرحت من حجه وي أهلي وعرف هو شلون يقنعهم بطريقته واعرفه ماتحصل هيج مكان وضيفه أفضل مكان إله هيه شركتهم وهم تحت عين زوجي وابن عمه موغريب عليهه وهو تكفل بيه فرحت هواي واني اشوف الفرحه بعيون اختي وهيه شلون نرسمت الابتسامه علئ وجهه طول مارياض يسولف احسه هيه جانت تحلم تتعين وهيه من نوع تحب تعتمد علئ نفسه بعد مااتفق وياهم رياض وعدهم يومين تلاثه ويجي يأخذه وياه ويقدم ملفه للمدير خلصنه غدانه وصبيتلهم جاي وضل شوي يمهم وترخص منهم ورجع للبيت واني ضليت هناك اجازتي وهم اريد اروح لسوك اجيب شغلات محتاجتهن اتفقت وي ماما وريام هم ناخذه ويانه تشتري شي مرتب بقينه ملتهين وي هوسه جهال وعركهم سطرونه لحد ماتعبو واخر شي ختموهه بااكلت الحلويات التبرعت بيهن براء في سبيل تخلص من دوختهم آخر شي استسلمو للنوم واحنه هم علئ واهس الهدوء غطينه بنوم ماحسيت غير علئ صوت المنبه مال موبايل طفرت من النوم وقفلت التنبيه ورحت كعدت ريام ونزلنه دخلنه للمطبخ لكينه ماما كاعده وكلشي محضره ومريكه بابا واحنه هم كعدنه تريكنه وخلصنه وصعدنه بدلنه وكعدنه البنات مهئ وبراء ورحنه لسوك وهناك ضلينه نفتر كلساع طالعتنه شغله خلصت مسواكي وحاجات مهئ هم كتبتلي قائمه واخر شي ضلينه نفتر علئ نفنوف لحد مالكينه واحد مرتب عجب ريام واختارته ورهمت وياه الحجاب وجنطه وهيه هم جابت البراء اتراكسود لأن شيخلصنه من السانه إذا ماذكرناه بشي السوك دوخه واحنه وهوستنه وغراضنه وماما حايره اتجيب العاب وحلويات للجهال ماتفكر تجيبله شي خلصنه مسواكنه وأجرنه تكسي ورجعنه للبيت فره السوك تعب وهنا الجهال تلكونه وماما بسطت بلمطبخ وبدت توزع للجهال الملاعيب ورجعت وزعتلهم الحلويات وهمه مكيفين واحنه عزلنه حاجاتنه ومهئ وبراء نعجبو بفستان ريام لأن مابي شغلات شي حلو ومرتب
رياض،،،،، داومت ثاني يوم المشكله الصارت وي الابنيه دنيا ومكانه فارغ اليوم واني بعد وعدت ابو كرار بل البديل البمكانه بس منتضر يرتب هاي اليومين بعض الغلاط المسويتهن دنيا دخلت المكتبي وباشرت بعملي وضليت مستمر برسم خريطه العماره المصممين نسويه علئ قطعه الأرض الاشتريناه بعدني اشتغل وندك الباب صحت فوت دخل عليه أمير بعد السلام وشربنه كهوه سوه كال ابو حمودي انته عاجبك تصرف ابوي السواه بل الابنيه وحرمه من وضيفته وهيه جانت معيشه أهله يعني ليش هيج يسوي بدون مايتأكد يطرده رياض ضليت صافن عليه وجاوبته أمير شبيك معقوله تستهين بقرارات ابو كرار معرف انسان صاحب الكلب الطيب بس يبقئ صارم ومايسامح اليغلط واني متأكد من يمه مايخطي خطوه أو يصدر قرار إذ ا مو متأكد من يمه وترئ دنيا صح مبينه أبنيه فقيره بس مومعناته معصومه وماتغلط وهيه احتمال انجبرت بسب حالته الماديه لعبت هاي ألعبه حتئ تحصلله شكم فلس اهنأ اني من حجيت هيج أمير انتفظ وضل يبرر وماعجبه الكلام عافني وطلع بقيت بحيره هذه شبي الولد هو أبد مؤمن نوع يدور بنات أكثر شي يهتم بشعله بس أحسه هسه متغير لا يدافع ويبرر الدنيا وكنمئ مقتنع انو هيه المضلومه وأبوه هو الضلمه بقراره بعد ماطلع أمير رجعت كملت شغلي وشوي ودك موبايلي والمتصل طلع ابو كرار جاوبت علئ المكالمه وطلب مني اروحله للمكتب حتئ يفهم مني منو هاي البديل الراح تأخذ مكان دنيا
يتب
البارت بدون مراجعه
حبايب ممكن تصوتون ودوسون ⭐
دمتم برعايه الباري
عطر الورد 🌹ام حكومي
