مساء الخير
شلونكم حبايب
قدري المؤلم
البارت ٢٩
عطر الورد
ريام،،،، سالفه شهد وخطبتها صارت سريعه
رغم عمي اول مره عارض لأن يعرف شهد مدللينها
خاف ماتتحمل العيشه يمهم بس خالتي عرفت شلون تطبخ سالفه وترهمها وتخلي يوافق
وخاص بعد ماشاف شهد انطت موافقتها ومقتنعه بيهم
الولد هم ماعارضو
وره ثلاثه ايام خالتي خابرت اختها وردتلها خبر موافقين
وهمه هم بلغونه بيوم جمعه راح يسون قراء فاتحه وعقد سيد
هنا بيت كرار هم رجعو من تركيا
وكرار راجع وبراسه فكره وموضوع جديد
يريد يستقر بتركيا ويفتح مشروع هو صديقه هناك
فاتحه إخوانه واعمي وهنا كلهم عرضوله لأن يعرفون كرار
مومال الالتزام هو هنا بلعراق ومخلصها سفرات
بس هو ماقبل لهم ومصر علئ سالفه السفر
بس سكت هل الايام لأن شافاهم يحضرون الموضوع
خطوبه شهد
هنا اني مومثل ناس ولا مثل باقي المتزوجات
أمير شغلته تحير طباته وطلعاته كثرانات ومرتين يطلعله سالفه ابات بره البيت وبحجه لو زياره لو عند صديقي
وعمي عايفه ومايحاجي مااعرف شنو نهايه هذه السكوت
بس اني مبتعده من يمه كل البعد ورغم من هذه يبقئ
بيوم الموجود بلبيت كلساع مطلعلي شغله
لو من ننجمع بلغرفه احسه مرات يريد يسولف بس يتراجع ويضل مراقبني بنضراته
وسالفه الجربايه مايقبل إله مايخليني انام يمه
تصرفاته كلها متخربطه ومخربطه عقلي مرات احسه يملك مشاعر بتجاهي وكلبي يخليني اتعلق بي بس من اتذكر سوالفه ويايه ولعبته العبها ضدي علمود محبوبه كلبه
ودنيا وعوده الها ومخابراته ورسائله اكرها ومااسمح الكلبي مكان إله
مرات من اكعد واصفن اكول اني ليش باقيه لحد الان يمه
وليش مرات اتغاضه تصرفاته بس ارجع واكول لا اهلي هنا همه الكاسرين
ضهري ماما صحتها علئ كدها
واني اجي ازودها عليها وارجع واطلك واني ماصارلي هواي من اتزوجت
حايره دوم بزماني وايامي مابيهن تغير غير مرات تصرفات أمير المخربطه التعم علئ عقلي وكلبي
