السلام عليكم
قدري المؤلم
عطر الورد
ام حكومي
البارت الثاني
ريام،،،، ثاني كعدنه ومثل كل يوم نضفنه البيت وملتهين نحضر للغده لأن اخواتي اليوم يجون وره ماخلصنه البيت اني وبراء وماما بلشت تسوي غده اندكت الباب راحت براء للباب وشوي ودخلت علينه مها وجهالهه وعنده ابنه اني اسمي الباندا مدبدب وكح وهو قتحم البيت ويتكلب ضحكت علئ شكله مبين الأخ متحضر لأن متعلم هو وجهال سهئ وجهال عمار يسون مجاميع والهوسه تكب والعرك بيناتهم كلساع صايره من الروس وهاي اول وجبه وصلت وهيه مها التهينه وياها وهيه دوم تشكي من حمودي الباندا مايكعد يحب يعارك ومتعبها هواي ضلينه منتضرين سهئ وشوكت تجي وتكمل لمتنه وره شوي خابرتنه سهئ وبلغتنه تجي علئ الغده رجلها هو يجيبهه من يرجع من الدوام نهت المكالمه ماما ورجعت خابرت علئ بابا تأكد علي ماينسه السمج المسكوف الوصت عليه بلسوك وصته علئ لبن وشغلات ناقصاتهه وبعده ختمت المكالمه وي بابا ورجعت وصتني اشوفله التمن الركبته واثرم زلاطه واحضر الفواكه واتاكد بعد خو ماناقصنه شي لان كالت اكيد ابن عمج يتغده هنا من يجيب اختج مر الوكت وي تحضيراتنا وسوالفنه وصارت الصلاه وبعده ماما دزت جهال اخوي كلتلهم روحو صيحو ابوكم وامكم تعالو تغدو ويانه وهمه ماصدكو راحو طياره يصيحون أهلهم واجه بابا وأخوي بين ماغسل وكعد شوي وشوي وندكت الجرس طلع جهاد للباب وطلعت سهئ ورجله وجهاله واخيرا وصلت استقبلناهم وصارتنه هوسه وصوت ضحكاتنه علئ عرايك جهال وجهاد وهو يكلهم اتغدو حتئ وراها اشوف منو بيكم البطل الي محد يكدر يكتله ويجمعهم ويخليهم ناس تاكل ناس وبعدين بل اخير يواعدهم اليفوز أخذه بسياره للااسواق وهم يبذلون كل جهدهم في سبيل يفوزون ويحصلون فره بسياره وهاي كل مره هو هيج يسوي وياهم بابا ماراد نتغده بلمطبخ كال افرشولنه سفره بل الصاله وخلي كلنه نكعد سوه وسوينه مثل ماكال فرشنه الصاله وبدينه نصب الاكل وننقل بي َ صوت ضحكات الجهال وبابا ورياض وهمه يناقشون باامور السوك شي حلو شكد مابسيطه الكعده بس احسه شي مميز تغدينه وكملنه ونقسمنه كل وحده ستلمتله شغله سهئ راحت تحضر الجاي واني ومها علئ الماعين وبراء لملمت البيت وبخرته ومرت اخوي لمت جهال غسلتلهم وبدلتلهم وخلتهم يمه كاعدين بل الصاله واستلمهم جهاد بسوالفه سواهم فريق ولعبهم محيبس،،
رياض،،،،،، بدوام وهستوني جاي من المشروع الرحتله اني وزياد علمود بناء عماره شفنه المنطقه وشنو الخريطه الراح تشتغله عليهه وعجبنه موقعه تجاري وموجهه واقتنعنه نوقع العقد وي صاحبه الأرض بعد ماخلصنه الإجرائات ورجعنه توجهنه للشركه اول ماطبينه اني توجهت لمكتبي وزياد اخذ الأوراق وراح يفهم الحجي ابو كرار كعدت علئ مكتبي وبديت هم عندي شغل ملفات خلصتنه رن موبايلي وطلعت سهئ زوجتي بعد ماجاوبتي هله بت العم وأم بيتي شنو شتاقيتيلي هلكد ماتصبرين علئ فراكي وهيه مستمره تضحك وتجاوبني اي شتاقيتلك وهم جاي اذكرك اليوم وعدتني انته التوديني البيت اهلي
رياض،، افأ واني اكول المراه اليوم ذاكرتني طلعت سالفه بيها طلعه لا ومواي اطلعه السالفه بيها بيت عمي لا بويه ابد انسئ كلشي وماانسه هل روحه بس انتي العليج اتسوينه تحضرين نفسج انتي وجهال مو اجي والكاكم بعدكم تجرون طول وعرض بسوالفكم بس ماالكاكم متحضرين اعتبرو الروحه تفلشت احجي وي سهئ وسمعت صوت الحجي عالي لأن مكتبي قريب علئ مكتبه نهيت المكالمه وي سهئ طلعت من مكتبي ورحت لمكتب ابو كرار دكيت الباب ودخلت لكيته يرزل ب السكرتير دنيا هاي الابنيه قبل ست أشهر تعينت وعلساس هيه يتيمئ وهم الحجي عينهه كال تعين أهله بس الحجي مؤمن نوع يصيح ويتعصب بس هو من نوع صارم بلشغل مايرحم الي يغلط أو لايعرفه يغشه بعد مادخلت واني اهدي الوضع ولكيت زياد وأمير موجودين وهمه هم يحاجون ابوهم لاكن عمي ابد ماسمع من عدنه الحجي ونفذ بيه الفصل وطلعت هيه تبجي بس ألعجبني أمير ضل يجادل وي ابوه علئ دنيا ويحجي وأبد مامقتنع بكلام الحجي بعد ماالحجي حجه وكال اني مراقبهه من يوم دخلت للشركه وكسرت خاطري بيوم الكالت اني يتيمه وماعندي معيل الاهلي وابوي وامي مرضه فقررت اعينهه واكسب هم بيه أجر بس لاحضت من اول اسبوعين بتعينه واحنه شركتنه مستحيل جانت تخسر المناقصات لو العقود وي غير شركه بس بعد مده اكتشفت الأخت هيه الي تكشف خطه المناقصات والعروض النعرضه وي غير شركات وتفلش الأمور وبعد ماخليت عليه مراقبات وصلني ملفهه وطلعت حتئ مو يتيمه ابوه موجود وأمه مطلقه وأخوه واحد مستهتر ضليت صافن علئ كلام ابو كرار وهيه أبد ماتبين علئ نفسه جنه تستخطيه ونساعد هواي بس أمير كذب كل الكلام وضل يجادل ويكول كل هذه ماكو هيج دنيا ابنيه مؤدبه وماتطلع منها هاي سوالف عاد عمي عاط علي كاله أمير لا تخبلني هاي عود اني المعتمد عليك واكول ماتفوته فايته أمير لأن دوم حريص بشغل ويدقق ماتوقعت تدافع عليهه شعندك أمير ترئ هاي سوالفك ماتخش العقل عاد هنا ارتبك أمير وعاف المكتب وطلع منزعج وضلينه بس اني وزياد هدئنه عمي وكناله محلوله والحمد لله من اكتشفناهه من وكت بس عمي كال بعد مستحيل أعين واجيب وحده موثقه بس اني خلال مايحجي كتله حجي ولا يهمك خليه عليه واني اجيبلك الثقه واخليك تشكرني عليه بس انطيني مجال يومين تلاثه ترخصت منهم وطلعت من شركه ركبت سيارتي وتوجهت البيتي أخذ عائلتي وأروح البيت أجدادهم طريق ازدحامات والشارع مايخلئ من هذه الشي مسافه الطريق وصلت البيت بس دكيتلهم هورن شوي وطلعو سامعين الكلمه ومحضرين نفسهم صعدو جهال يتعاركون ياهو اول يصعد عطت بيهم ولكم بابا عيب اصعدو بهدوء احنا بل الشارع موبلبيت عاد همه نخلسو وسهئ تضحك عليهم تكلهم بس هو صكاركم،،
ريام،،،، خلصنه الماعين وسهئ حضرت الكلاصات والقوري وراحت للصاله كعدت بسطت هيه وغراضها وبدت تصب ورجعنه نجمعنه كلنا الكعده ابد ماتنمل داير مداير احبابنه وأهلنا نشرب الجاي واكلمن يسولف علئ صفحه هنا رياض كالي أخيتي ريوم عندي ألج خبر بس الله يعلم بلفرحه الراح تفرحينها من اخبرج بي وهاي هم مادام اخوانج كاعدين وعمي موجود راح افوت وياهم بالموضوع واخصملج اياه السالفه وبدء رياض يسولف علئ الموظفه المتعينه عدهم متنحل صفه يتيمه وحالتهه تعبانه ورغم هيه مكمله بس سادس بس ابو الشركه مقهور عليه وموظفه بس من بعد مده اكتشفوها لاعبه وياهم لعبه ومخسرتهم بلشغل ونكشفت لايتيمه ولاشي والحجي ابو العمل طارده وحالف بعد مايجيب ويوظف غير وحده ثقه وهنا رياض متكفله بل الأمر ومفكر بيه بسالفه تعين ضل يسولفلهم رياض اول شي شوي والدي عارض وكال خاف تتعب وتواجهه مشاكل وكون العمل مختلف بس رياض عرف يقنعه وكاله هيه باامانتي وكبال عيني واني أخذه وياي وارجع بأايدي وهنا بعد مامقتنع بابا شي بداخلي نولدت فرحه ولهفه بداخلي لأن اني احب اعتمد علئ نفسي واخواتي شفت بعيونهم الفرحه وماما هم ماعارضت بالعكس علقت علئ كلام بابا وماقبلت كالتله مامتوقعته منك ابو عمار تخاف علئ بناتك ليش انته ماتعرفهن هنه شنو وبعدين احنه منطينهن كل ثقه وهنه الحمد لله مايوم خانن هاي الثقه ولا يوم كسرنه اوجوهنه بسالفه بالعكس الناس كلهم شهود علئ اخلاقهن قطع كلام ماما وبابا رياض وهو يكولي جهزي نفسج خلال يومين او تلاثه اجي اخذج وان شاء الله خير
يتبع
عطر الورد
دمتم بخير 🌺🌺
