مساء الخير 🌹🌹
قدري المؤلم
البارت ٢١
عطر الورد
ريام،،،. وبيوم بليل خابرنه ابو كرار وبعد ماحجه وياه
جهاد عرفت همه بعد كلشي خلصو واتفقو علئ موعد العرس
بعد اسبوعين
ومبلغ جهاد همه اليوم بليل يجون ويحددون كلشي
من ملابس وصالون
وكل الشغلات النحتاجهن
..
قفل الخط جهاد
ونقللنه كل كلام ابو كرار انو همه مخلصين كل شغلات هم
والاسبوعين خلوهن بس علمود
اني اجهز نفسي بيهن
همه يحجون واني دخلت بدوامه
ياربي الشغله صارت صدك
وأول وتالي اني راح اروح هناك يم أمير
اصير تحت سيطرته والله العالم شراح
يسوي وشلون راح يعاملني
ماما هم ضلت حايره لأن هيه مومثل قبل تطلع تكدر وتفتر سوك.
عاد كلتلها عوفيها الشغله علئ سهئ هيه ماتقصر
ورياض زين يخليها تلتهي وياي
عاد ماما هم ماقصرت
أخذت موبايله وخابرت سهئ
واتفقت وياها تجي علينا حتئ هم الحجي ايصير كدامها
وتعرف بعد شلون تتصرف وتعرف شغلها
آجتي سهئ وبليل بيت ابو كرار اجونه
واكيد ام كرار وياهم وكعدت هيه التحجي
وتخطط ومانطتنه مجال نشارك
رادت الصالون والبدلات من نفس الصالون التعرفه واخذتني
بي للخطبه
اليكعد يمها تدوخه وتطلع هيه ام الذوق والاتكيت
ماتحب واحد يشاركه الحديث ليكول بس هيه وبس
ماناقشناها بالموضوع لأن مبينه قافله علئ الصالون
والبنات التعرفهن
اني وسهئ بس وحده تباوع بوجه الثانيه
لحد ماضلو يمنه تقريبا ساعتين
وترخصو وراحو
واني بعدها بيومين بلشت يوميه اروح اني وماما لسوك
اشتري الشغلات الاحتاجهن
نطلع من الصبح مانرجع إله لضهر امي موحمل تعب وفره
عاد عفتها ماكمت أخذها
خابرت سهئ وكامت يوميه تجينه تذب جهال بيت اهلي
