مساء الخير
شلونكم حبايب
قدري المؤلم
البارت التاسع،💔💔
ريام،،، مسافه طريق وزدحام واني كلما الدوخه زيد عندي واحس جسمي مكسر تكسر صار عليه الطريق شطوله احس اليوم كلش تعبانه كل فكري اريد بس اوصل للبيت اذب نفسي بالفراش وانام علئ صفتني فززني صوت السياره من وكفت كبال بيتنه شلت جنطتي ونزلت ورياض كال سلميلي علئ عمتي وراح واني فتحت الباب ودخلت للبيت ماكو هوسه اليوم البيت هدوء دخلت من المطبخ للصاله هم ماكو احد ذبيت غراضي وتوجهت الغرفه ماما لكيته تقراء قرآن اطمئنيت موجودين بلبيت عبالي طالعين رجعت نمطلت علئ الكرويته الي بلصاله حتئ مااكدر اصعد الغرفتي احس صخونه دكت اعضامي شوي وطلعت من ماما من غرفته انصدمت بيه واجتي بتجاهي وهيه ملامح القلق والخوف بين علئ وجها من وصلت يمي اني بين الواعيه وبين الغافيه بس احس اديها نحطت علئ كصتي واسمعه تحجي وياي بس مااكدر حتئ اجاوبهه ضليت نايمه احس ببروده تنحط علئ وجهي وايدي هاي يمكن ماما تسويلي كمادات وراها كومتني خطيه وجبرتني اغير ملابسي وادخل جسمي جوه المي حتئ تفك من عندي الصخونه وفعلا بس سبحت احس شوي صحصحت وهيه خطيه ركضت جابتلي سوب مسويه مال دجاج هم غصبتني اشربه واكل شي قليل وراها انطتني علاج وراها اذكرت يبووو اكول احوالي ليش نكلبت اثاري موعد الشهريه هاي كل مره قبل الشهريه بيوم يومين هيج تتخربط اموري وراها من تجي هم تخربطني كلش ماما من شافتني هيج ماخلتني اصعد الغرفتي فوك دخلتني لغرفتهم وغطتني وطفت الاضويه وطلعت واني بعدها ماحسيت بشي وماوعيت الئ علئ صوت هوسه بعياط مااعرف بين الحلم لو حقيقيه اسمع صوات بس مااكدر اكوم ضاله افك بعيوني وارجع اغمض بعده احس باب الغرفه نفتح واشوف جهاد ركض علئ كنتور طلع غراض مااعرف شنو وأصوات بلبيت واسمع هاي صوت سهئ وماما بعدين استوعبت هاي حقيقيه ياربي موحلم طفرت مخروعه روكضت ورا جهاد الي حتئ ماشافني طلعت ركض واشوف امي ملخه روحها ويمها سهئ هم دك وتلطم تقربت من يمهن واني ارجف واحس علئ ساعه انشل اعضامي يبسن وماادري ليش يلطمن وعلئ منو وصلت يمهن واني اهز بسهئ ولج سهئ احجي ليش تبجن وماما شبيه وين تريد تروح ومايخلونه شكو ولج كولي سهئ تبجي وتلطم وجوابها جان الي صدمه احس الكلام الكالته مثل السجين ونبت بنص كلبي احس المكان الواكفه اضلم بعيوني وهيه تكول ولج ريام بابا بةراح بابا مات هاي الكلمه كفيله خلتني انزل للكاع واني ادك علئ راسي ومامصدكه بوكته فقدت واني حالي صار من حال ماما واختي بس نلطم وراها احس البيت نكلب بل الناس مااعرف بذيج اللحضه شلون اوصفكلم حالي مامصدكه ياربي أبويه الصبح تريك ويانه ومابي شي مثل المصدومه وأريد ارضئ بالواقع اصيح وابجي ماما شكد حاولت تروح وياهم المستشفئ محد قبل ياخذها وراها اجت مها وهيه رجت البيت بصوت اعياطه طلعن نركض كلنا بلطرمه وتكابلنه كلنه مكسورات مهضومات بهذه المصيبه الي كسرتنه شمعت بيتنه ابوي اي ابوي خيمتنه وياابوكلب الحنين الأمنه بنفس لمتنه ولطمنه دخلت علينا
