مساء الخير 🌹🌹🌹
قدري المؤلم
حتى المراية غفت من تعب وجهك
شمالك ادور شبيه وانت
بس كلبك يشبهك
البارت السابع
عطر الورد 🌹
ريام،،،،، استمرت الايام واني من الشغل للبيت ماكو شي وحياتنه حلوه الحمد لله كاعده علئ مكتبي ماعندي شغل هواي بس ملفات دققتهن ورجعت نسختهن وكملت ضميتهن بالدولاب ورجعت اباوع علئ حاسبتي خاف بعد اكو ملف ناقص ماحافضته اباوع دخل رجال وسطاني سألني علئ المدير وافتهمت من يمه عنده موعد وي ابو كرار اتصلت علئ الأستاذ وأمرني ادخل الرجال بلغته المدير بنتضاره توجه الرجال للمكتب واني رجعت بعد ماعندي وضوجه طلعت موبايلي ضليت اكلب بلموبايل مابي شي رحت العبتي المفضله مال فواكه اجر الخط للشكال المتشابهه وافجرهن ويرجع يطلعلي غير شكل الئ أن افوز مرحله جديده ماحسيت إله ضل مال واحد فوك راسي رفعت راسي واشوف أمير وجها مايبشر بلخير يباوع ورافع تك حاجبه اني هم سويت نفسي ماخاييفه ذبيت الموبايل وعدلت كعدتي بعد ماناطقه اريد أكله تأمر بشي محتاج شي عافني وتوجه للمكتب بعد صحت عليه استاذ وين رايح بس هيه نطقته الحجايه واحس وجهه نطعن ازرك من الغضب رجع عليه واستلمني دك رزايل وأول قنبله فجرهه بوجهي وهو يكول وانتي منو وشيخصج وين رايح أو وين جاي لا تلعبين دور الموضفه الملتزمه انصحج ابتعدي من هيج دور وخليج بل الألعاب احسن مستمر يرزل ويحجي واني اكول بكلبي بقت بس ماكلتلي بطلي الواكه حسره بداخل كلبي وألم مااعرف اوجهه هيج مواقف أضل بس اباوع بعيوني وهو ولا جنهه كمل كلامه ودار وجهه وراح بتجاه المكتب دك الباب ودخل واني ضليت صافنه يارب طلع يمكن ابوه الطالب منه يجيهم واني عود مصدكه نفسي موضفه واجيت طبقت التوجيهات برأس هذه المتعجرف ابو خشم يبووو علئ حضي بعد شيخلصني من يمه ضليت إلهي بنفسي بس ردت الوقت يخلص ودوام ينتهي حتئ اطلع كلش اختنكت بعد مرور ساعه او اكثر طلع ابو خشم وياه الرجال وهمه يمشون سمعتهم يتفقون علئ يوم يرحون بي يشوف المشروع مااعرف بعد بتعدو عني واني رجعت فتحت الحاسبه وكررت المراجعه مال الشغل من جديد وراه بعد مده انتهئ الدوام المدير طلع من مكتبه واني وراه لملمت غراضي وشلت جنطتي وتوجهت لمكتب رياض وصلت دكيت الباب،،،،
رياض،،، اليوم شغل كلش متعب خلص الدوام واني بعد عندي شغل مامخلصه جاي ألم بل الملفات الكملتهن وعزلت البعد بيهن شغل ملتهي الملم المكتب ندكت الباب عرفته هاي ريام لأن انتهئ الدوام صحت تفضل نفتح الباب دخلت شافتني كلشي مكمل بس جريت السويج وطلعنه نتمشه بعده مشيت بتجاه غرفه الصرف مال حساب هيه تمشي وياي ومطفيه بعدين كالت يا رياض وين جايبنه شعدنه يم غرفه صرف جاوبته اريد اخذ منه بركه ضحكت وصلنه للغرفه طلعت هويتي ورجعت كلتله هويتج يأبه اليوم راح اطكين عيني منو بكدج بعد هيه فهمت السالفه اليوم راتبها ضحكت ورجعت فتحت الجنطه طلعت هويتهه سلمتهه للولد وصرف الحساب اني أخذت راتبي وهيه هم انطيته راتبه بعده طلعنه من الشركه صعدت السياره اباوع ريام وجهه موطبيعي البوز مادته متر بس ماحبيت اضغط عليهه عاد نصبت عليه وحجيت وياهه يأبه شبيج كله راتب مدري شكم فلس نفختي ريشاتج علينه والبوز مادته متر ليكدام باعي اكلج من هسه هاي سوالف ماتعبر عليه تردين تغلسين وتلفلفين الراتب اليوم ماكو احسبي احسابج جايبلج مريتي وجهالي علئ العشه اريد اظوك طعم الاكل بركة فلوسج وها علئ شرط اني احب الكباب واختج تحب الكص وجهالي يحبون البيتزا ونريد فد مشكل مال حلو وره العشه نحلي بي وإذا أطر الأمر وسهرتي يمكم حضري هم فد مشكل مال كرزات،،
