السلام عليكم
شلونكم شخباركم
قدري المؤلم
البارت ١٣
عطر الورد 🌸🌸🌸
ريام،،،، بعد مارجعت للدوام وستمريت بالعمل ايامي مثل ماهي مابيها على شي جديد غير يخلص يومي بين الدوام والبيت مرت اربع أشهر علئ وفاه بابا بهاي الفتره جهاد التزم بسلفه هو وعمار وقبضوه ونطو ربع من المبلغ الابو كرار والرجال ماقبل ياخذهن بس من شاف إصرار آخوتي اتقبل المبلغ وماما بهاي الفتره شكل عنده سكر وكلش هم خايفين عليها لايصيربيه شي دوم اني واخواتي نضل نحجي عليها لان ماتقبل تروح تجيك نفسه عند الدكتور الئ أن يوم من الايام كاعدين سويه العصر وهيه من بدايه الصبح تشكي من رأسه ونحول قوي بجسمه كاعدين عصريه وهيه رادت تروح تغسل فجأه بس وكفت صفر وجهه وكعت مثل الخركه بس شفنا منضره طفرنا عليها مخروعين جهاد كال حضروها بين مااجيب تكسي للباب واني رحت ركض الغرفته حضرتله عبايتها وجواريبها ورجعت شمرتهن علئ براء اتلبسها لبين ماصعدت لغرفتنا لبست جبتي فوك ملابس البيت وسحبت جنطتي ونزلت لكيت جهاد شايل ماما ومتوجه للسياره بلباب طلعت امشي وراه وصلنه خليناه ليوره واني صعدت خليت رأسها بحضني وجهاد صعد ونطلقنه بيه للمستشفى مسافه بين ازدحامات الشارع وعبالك الطريق صار شبعده علئ ماوصلنه احس كلبي يريد يوكف لأن اباوع علئ وجه ماما اصفر وشفه بيضه ونبظها احسه بطي وصلنه لمستشفى رجع جهاد شالها وطب يركض بيه قريب علئ باب الدخول خليناه بسديه وحولونه علئ طوارئ استلموها الدكاتره لبلقسم ودخلوه للغرفه واحنه ضلينه ننتضر بره شوي وعمار اجه هم خطيه الخوف مبين علئ وجهه وراه دخلو رياض وسهئ اول ماوصلت ضلت دموعهه تصب واكفين كلنه والقلق والخوف محاوطنه مانعرف شو محد يطمنه بشي ربع ساعه وطلع الدكتور من الغرفه تقدم رياض والولد يمه وضلو يحجون شوي عافهم وراح واني وسهئ ركضنه عليهم سألناهم العرفناه ماما انضربت جلطه خفيفه وعدت والضغط مامستقر بعده والسكر مرتفع هذه الخبر جان بالنسبه النه صدمه كلش خايفين علئ ماما خاف هم نخسرها خاص بهذه وضعه مايطمن ماسمحوله بالخروج خلوها تحت المراقبه لأن سكر ولظغط اثنينهن مرتفعات وماقبلو نضل يمهه جهاد خل عمار يرجع للبيت يم براء ورياض اخذ سهئ لأن ماتكدر تضل جهالهه ازغار بقيت بس اني وجهاد المرافقين يمهه لليل شوي بدت أوضاعه تستقر بعد ماضربوه أبر ومغذيات نزلوله الضغط والسكر سمحولنه ندخل يمها جان وجهه كلش تعبان ضل جهاد يبوس بيديه ورأسه واني هم مامصدكين عدت مرحله الخطر واستقرت حالتهه ضلينه شوي كاعدين وبعدها راح جهاد جاب عشه المستشفئ من يدخلله الواحد شكد ماهو صاحي أجواء تمرضه ابد مالنه نفس لا بل اكل ولا بأي شي غير بس كون نخلص ونطلع من جوء المستشفئ والحمد لله للصبح بعد مارجعو جيكو ماما من جديد سمحولنه نطلعهه راستن لملمت الهوسه بالغرفه ولبستهه عبايتهه وخليت ايدي بيده وطلعنه نتمشه بلممرات وجهاد راح يجيب العلاج من الصيدليه بعدنه نتمشه ودخل رياض تحمد الماما بالسلامه واخذنه وطلع ورجع خابر علئ جهاد وخلاه يطلع يمنه صعدنه بسياره ورجعنه للبيت اول ماوصلنه لكيت اخواتي جايات وعمي ومرته دخلنه ماما بغرفته علمود ترتاح واني صعدت لغرفتي سبحت وبدلت ونزلت جوه بديت اساعد البنات بلمطبخ علئ غده بلشنه بتحضير غدانه للظهر بدينه نصب بل الاكل وهوست المواعين وجاي وناس السمع من جوراين بدو يجون يتحدون الماما والأقارب ماخلصت هوستنه لليل احس رجلي خدرن من الوكفه وتعب ومنا مانايمه البارحه ماتحملت رحت بالغرفه مال ماما وتمددت جريت موبايلي ونبهته للدوام ولفيت راسي ونمت للصبح ماحسيت غير علئ صوت المنبه مابدي اكوم من الفراش بس شسوي مابيدي اغيب عيب وهم اخواتي موجودات بلبيت طفرت صعدت فوك بدلت وسهئ خابرت علئ رجلهه مر علينه بقيت اوصي بلبنات علئ موعد العلاج مال ماما وبعدها عفتهن ورحت للدوام اول ماوصلت باشرت بشغلي عند يمعاملات ماكاملات وسجلات ادققهن ساعه تقريبا واستغربت اليوم ابو كرار مابين للمكتب عبالي طالع بشغله ربع ساعه ودخل أمير وراه يمشي زياد دخلو للمكتب بس اسمع أصواتهم عاليه ضلو يجادلون ماخليت بالي وياهم بس اسمع زياد نزل بلحجي واسمع طاري حجيهم اسم ابنيه مافهمت شي ضليت ملتهيه بلشغل وراها طلع زياد عصبي كلش ركع باب المكتب وطلع وأمير ضل بالمكتب الئ أن انتهئ الدوام لميت غراضي وشوي أمير طلع من المكتب واني هم طلعت لكيت رياض هم منتضرني رجعت للبيت ومشت حياتنه هيج ومانعرف شنو المضوم النه بحياتنه الجايه،،،.
