اعلان
قدري المؤلم
قصه عراقيه واقعيه تتحدث حول نصيب القدر تحول حياه فتاه هادئه الئ وجع وألم وعذاب راح نروح اني وياكم ونعرف شنو حياه هاي الفتاة وشنو الراح تعاني وهل للقدر رائي آخر
حبايب قلبي متابعه ممتعه
مشهد،،،،،
ريام،،،، كعدت الصبح عندي نشاط اليوم وفرحه بداخلي تختلف لأن واخيرا تحقق حلمي وتوضفت وراح اغير من روتين حياتي ومن حقي اشوف تعب السنين الخلصتهن بدراسه غايتي هيه أن اشوف تعبي وابني مستقبلي ومااعتمد علئ احد غير نفسي للملمت غرفتي ونزلت صبحت علئ أمي ولكيته مخدره جاي ومشيه بابا للشغل خطيه ماما هيه مثال الأم الحنونه والضحت بنفسه في سبيل تكبرنه وهيه دائمن التشجعنه علئ الدراسه وتكول شهادتكم هيه اسلاحكم بالدنيا بوسته وهيه خطيه هم فرحانه بيه وضلت توصي وتعلم وتقويني وتزيح عني التوتر المبين علئ وجهي تحجي وياي واني استمعله واحفظ كل حرف جاي تكوله إلي توجهت لثلاجه وطلعتلي قطعه جبن وهيه صبتلي جاي تريكت وخلصت وتوجهت لغرفتي حتئ ابدل ومنتضره زوج اختي رياض يمر عليه حتئ ياخذني وياه للشركه الي يشتغل بيه هو من خلال معرفته عيني دخلت للغرفه فتحت كنتوري ورهمت فستان لون زيتوني وشال بيجي وحذاء وجنطه ورتبت نفسي وتعطرت وبعدني جاي اتفحص بوجهي واشوف نفسي بلمرايه وسمعت صوت الهورن عرفت هذه رياض وصل بعدني مانازله وسمعت صوت ماما وهيه تصيحلي ريااام يوم انزلي هذه رياض يكول يله تأخرنه نزلت ركض ودعت ماما وطلعت للكراج فتحت الباب وشفت رياض كاعد بسيارته وصلت فتحت باب السياره وسلمت علي وهو هم ضل يحجي وياي ويعلمني علئ طبيعه الشغل الي راح اباشر بي بشركتهم
طبعا لتوضيع
رياض هو مهندس معماري والشركه اليشتغل بيه هيه شركه أعمال هندسيه ومقالات شركه جبيره وعملاقه وآله اسمه بغداد مسافه الطريق وهو يحجي واني استمعله من خلال الحجي مالته عرفت انو راح ألزم مكتب تنسيق المعاملات وحسابات وهو تحت اختصاص شهادتي لأن اني مخلصه قسم أداره واقتصاد هذه اختصاص شهادتي بين ازدحامات الشوارع وهوسه الهورنات وبعد مسافه وصلنه للشركه ماشاء الله بنايه مبينه من واجهته كبيره وبمقدمته حرس لتفتيش ونضام مبين عليه طبك رياض سيارته بلكراج الخاص البصف الشركه ونزلنه بس من وصلت للحقيقيه بدت تبين علامات الارتباك وبين الخوف لأن اني بطبعي مو اجتماعيه من جنت بل الكليه حدي بس الدراسه وارجع وعندي بس اثنين بنات صارن صديقاتي ابد ماأحب اختلط وي الكروبات ولا وي مجاميع البنات والولد اروح بلخط وارجع للبيت مكتفيه وعندي هدفي الوحيد شهادتي ودراستي بعد ماوصلنه لشركه ودخلنه اني ورياض احس نفسي دخلت بحاله توتر علئ خجل لأن الشركه مختلطه بنات ولد ضلينه نمشي بس اني مدنكه مارفعت راسي واسمع رياض بدء يسلم علئ الشباب واكو بنات سمعت ولد صاح علي لك رياض وينك يمعود مو أمير شيب راسي علئ الاجتماع وين صرت اليوم ليش تأخرت الولد بدء صوته يصير قريب من يمنه رياض جاوبه كله شبيك زياد خرعتني يمعود عندي ضيفه اليوم وياي جايبه للوالد ابو كرار أخيتي ريااام رفعت راسي واشوف الولد خطيه سلم عليه كال اهلا وسهلا كل الهلا اختي نورتينه بلكوه رديت السلام عاد رياض نقذني من كله من رخصتك ابو الشباب بس اوصل الأمانه واطمئن عليه وارجعلك انته وأمير باشا بس كله علئ كيفه لايخبصنه باأجتماعه موكله بل الخبصه جاوبه الولد كله يمعود ماتعرف بسوالف أمير من يقفل علئ سالفه توجهنه اني ورياض للغرفه المدير ودك الباب وسلم علي وكاله ابو كرار هاي أخيتي رياام الحجيتلك عليه سبحان الله المدير جان مبين من وجه انسان صاحب أخلاق ومن خلال طريقه كلامه وهو يحجي يااهلا وسهلا بنيتي تفضلي تعالي كعدي خلي افهمج علئ طبيعه عملج وانته نادر روح توكل لشغلك الابنيه بأامانتي بعد صارت
يتبع
حبايب يهمني رائيكم بلقصه
مع تحياتي عطر الورد
ام حكوم 🌺😊 انطوني رايكم اكمل لو أدير وجهي وارجع اكعد واسكت لو اكمل
بدربكم ادعموني بلايك وتعليق ❤️❤️
دمتم برعايه الباري
