بقى غير كيشوف فيها ... ملامح وجها باين عليهم أنها عنات كل كلمة قالت ... رغم أن الكلمات خرجو من بين شفايفها متلعثمين ... كلمة الفراق خلات ذاتو تبرد ... عمرو تمنى ينهي حياة شي شخص قدما بغى موت سلطان ...
الي ترأس اللوحة السوداء الي شطب عليها زمان هذا ... باغي ينهيه بطريقة أو اخرى ... و حينت عارف صعوبة يقضي عليه بطريقة قانونية ... مكانش مستبعد الحل الآخر ... و هو يقتلو و يمحيه من الوجود لأنه تجرأ و لمسها ...
و هاهي دابة كتخيرو بين علاقتهم و موت سلطان ... الي بالتأكيد مغاديش يخليهم فحالهم حتى ينتاقم بطريقتو الموسخة ...
جولان : عفااك خلينا بعاد على هادشي ديال القتل و الإنتقام ... بغيت نعيشو حياة طبيعية بحال الناس ... و نبعدو
رئبال : منين باغة حياة طبيعية مكانش عليك توافقي تزوجي بيا
جولان : " كتحرك راسها بلا " أنا ماقصدتش هادشي ... أنا خايفة عليك ... مابغيتش توقع ليك شي حاجة ... منقدرش نتحمل
رئبال : ماعندك علاش تخافي ... أنا مغادي يوقع ليا والو ... " شدها من دراعها بجوج " جولان نبغيك ديري حاجة وحدة
جولان : " بخوف " ش شنو هي ؟؟
رئبال : سمعي كلامي ... لا قلت ليك الحاجة نفذيها ... و كنواعدك داك السكون و الحياة الطبيعية الي بغيتي غنوفرهم ليك ... نتي فقط سمعي لكلامي
جولان : و واخة ... و واعدني متعرضش حياتك للخطر
رئبال : " الصمت "
جولان : " بإصرار " واعدني
رئبال : كنواعدك
تخشات فيه جولان معنقاه ... ضور دراعو مزير عليها ... قبل راسها و همس عند وذنها ...
رئبال : سمحلياا
تمسع الدقان فالباب ... بغات تبعد جولان و هو يمنعها رئبال ... عطى الإذن و هو يتحل لباب ... دخل بهاء حدو شاف فيهم فالأول و حدر راسو ...
بهاء : الظابط يامن بغى يشوفك ... قال بلي كتسناه
رئبال : خليه يدخل
بهاء : واخة موسيو
خرج بهاء و هي تهز جولان راسها شافت فرئبال ...
جولان : علاش جا عندك يامن ؟
رئبال : متشغليش راسك ... غترجعي دابة للدار ... بهاء غادي يوصلك ... متبقاي تخرجي لحتى بلاصة بلا خباري
جولان : " حركات راسها بآه "
تمات جولان خارجة و هي تصادف بيامن عند لباب ...
يامن : " بإبتسامة " جولان لباس ؟
جولان : الحمد لله ... نتا لباس عليك
يامن : هاحنا ... " شاف فخدها الي حمر و تعقدو حجبانو " متأكدة بلي صاڤا ؟
جولان : " بابتسامة خافتة " وي ... بلما نشدك ... سلم معاك على خالتي فوزية
تمشات لجهة المصعد ... بقى يامن متبعها بعنيه حتى دخلات ... تم داخل لمكتب رئبال عاقد حجبانو ...
يامن : مالها فوجها ؟
رئبال : هاديك الي كتهضر عليها مراتي ... رد لبال لهضرتك ... بغيتي نهضرو علاش جاي چلس ... غتدخل فشي حاجة بعيدة عليك سير الله يعاون مامساليش
يامن : " جلس " كون عند كلمتك و حافظ عليها ... باركة المعاناة الي عاشتها هاد السنوات
رئبال : " شاف فيه بحدة "
يامن : ماعلينا ... داكشي الي قلتي لبارح فالمركز ... مستاعد ديرو ؟
رئبال : و لاش مشيت لعندك الى مكنتش مستاعد ... نتا الي واش باغي طيح الحوت لكبير بدل تبقى تابع الأطراف
يامن : سلطان من نهار دخل للمغرب وصلات خبارو للكل ... العنين عليه لكن حتى واحد مقادر يدير شي حاجة ... حتى فرقة مكافحة المخدرات مقدروش يوصلو ليه ... واخة عارفين مجاش حبا فالبلاد
رئبال : تجارة المخدرات غير الواجهة و وسيلة للتمويل ... هو مورط فحوايج أخرى اكبر
يامن : بحالاش ؟
رئبال : " تكا على ظهر الكرسي " الإرهاب ... !
أنت تقرأ
🔥 لماذا أنا 🔥
Детектив / Триллерرباب: بنت متواضعة بنت مختلفة على كل البنات اللي فالسن ديالها مرتبطة مع جابر: شخص من طبقة راقية لكن المادة احيانا ماشي هي كلشي الاهم الرجولة رئبال: الضحية طفل عاش طفول بعيد كل البعد عن أقرانه "سنمار الياس " اصدقاء الميتم "سمية و زينب" صديقات عبارا...
