ولدتني مجرمة

السادسه

#ولدتني_مجرمة
الحلقه :السادسه
بقلم :فاطمه سالم الورفلي
......................................
.......
-توا ح ناخدو طلة على كل بطل في روايتنا باش نزيدو نتعمقو🍃
......
عندي اني:
و طلعنا من العياده.. نتبع في بسمه وخلاص.. لعند وصلنا لي سياره.. ركبت بسمه ..وركبت اني ولقيت عطاالله.. طول هو شبحلي في المرايا

عطاالله :عندك تليفون

اني قلبت عيوني ومابيتش نرد عليه.. قعدت نشبح للروشن..

عطاالله بعصبيه :نكلم فيك عندك تليفون ولالا

بسمه خافت .. شبحتلي ونخصتني .. وقالت بهمس ورجفه:بشررى!

اني شبحتله لقيتها خايفه ومتكمشه في بعضها.. تنهدت وقلت :خيرك شن تبي انت؟

عطاالله ضاغط على الستيرسو..ويتكلم وشاد سنونه على بعض:عندك تليفون ولالا؟

اني زفرت:وكان عندي شن دخلك؟

عطاالله التفتلي:تي جاوبيني.. عندك ولالا؟

اني :لا ارتحت هكي؟

عطاالله قعد ينتور.. ويسوق.. وقعدنا ساكتين طول الوقت..

.................
....
عند عطاالله :
حصلة وحصلت فيها بالرسمي  .. نقوللها عندك تليفون.. وهي تتمقعر.. ما تحسابش هدا لمصلحتها وامها اكيد ح تتواصل معاها بعدين.. الباين امها وحده مش ساهله مستحيل ننسى شكل بوي وامي لما جاهم الاتصال...

-فلاش باك ⚡⬅

-قاعدين نفطرو في امان الله ونهدرزو..

امي :حس تليفونك يا حاج ولا ؟

بوي يشرب في الشاهي عقد حواجبه:همم؟

امي:قتلك يا حاج حس تليفونك يشرين

بوي:بالله؟ .. ترا نقص صوت تلفزيون يا عطايالله

اني خديت الريموت ونقصت الصوت :اي صح يا بوي تليفونك يشرين

بوي :ايياه مالا نوض جيبه ما عنديش جهد ياوليدي

اني :حاضر هي "ونضت مشيت لي القجر.. خديت منه تليفون بوي.. ومشيتله مديتهله "

بوي :منوو؟

اني :مش عارف بقولي رقم غريب

بوي شبح الشاشه :يستر الله "وفتح الخط والمايك ".. ها الوو

هيام :اهلين يا بن يزيد زبطتني؟

بوي وجهه تغير ونصدم:هاا؟ .. شن شن شنو تبي انتي.. شن لي تبيه بعد السنين هدي كلها؟

امي رعشت: منو يا حاج خيرك؟ .. من هذي!

هيام :لي نبيه قصر عمرك يا حاج بن يزيد.. بناتي تلقاهن في بحر ال&&®®.. ولو سمعت بوفاة بناتي ح نتهمك انت.. ونخبر على ان صاحبك وانت خطفتو اختيي فدوى.. ولا نسيت يا حاج بن يزيد!؟ "وصكرت الخط "