ولدتني مجرمة

الثامنه

#ولدتني_مجرمة
الحلقه :الثامنة
بقلم :فاطمه سالم الورفلي
.....................................
....
عند عطاالله :
. ومش حاسه بروحي حتى.. قعدت نجري وبين عيوني منظر عبد الباري.. وزنين العيطه في ودني.. لييين قعدت نتخايل في الحوش.. قعدت نمرد مرد.. معاش عندي جهد نوقف.. قعد نمرد ونتلفت وراي.. نمرد ونتلفت وراي خايف يلحقوني.. لين وصلت باب الحوش.. قعدت نطقطق وداهش.. تقول هدا وين ردتلي الروح.. وكل مانغمض عيوني يجي بين عيوني موقف عبد الباري لما هو كله دم.. ويزيد صوت العياط في وداني لتواجد يوج في وداني.. نفتح عيوني مخلوع ما نلقاش شي بحداي.. نسمي بسم الله.. ونذكر في الأذكار وحاس بيديا يرعشو يادوب نرفع ايدي ونطقطق على طول ايدي.. وشوي ونفتح الباب
..

............
...
عندي اني:
اني استغربت :شن هي الصوفية؟

عمتي ميار:قصه طويله يابنتي.. تو نحكيهلك

اني:معليشي يا عمتي.. المهم توا ترعشيش روحك ادعيله بس ربي يسلمه

عمتي ميار :يابنيتتتي هدا وليدي نشوفله وناغي للقمر.. وحيدي ما نقدر نعيش خاطيه.. واشبح توا اهو بوه طلع في جرته اشبح شن صار فيهم لابدة يتخالطو في بعضهم قدام الناس

اني :لالا ترعشيش روحك مافيش شي مافيش شي كان كل خير.. "شبحت لي بسمه وفنصت فيها ".. بسممه نوضي جيبي مايه لي عمتي ميار فيسع

-ناضت تجري بسمه خايفه 😂.. سخفتني وهي اول ما فنصت فيها تخولطت ضحكتني 😂❤.. وما هي الا لحظات وجايبه معاها مالقي مايه

عمتي ميار:صحيتي بنيتي " وخدت مالقي تشرب فيه ".. وشوي وبدا الباب يطق

اني :حي الباب زعما منو؟

عمتي ميار حطت المالقي على الطاوله وناضت :زعما عطيوه؟.. لابدة عطيوه ان شاء الله خير ..

-ومشت تجري واني في جرتها.. وهي اول ما فتحت الباب.. وكهبت هكي شافت عطيوه..

عمتي ميار شهقت:عطيوووه وليدي خيرك شن في

عطاالله شيرلها بيده:اميي اميي تعااالي تعااليلي اقري عليا امييي

عمتي ميار طبست وحطت ايده على راسه تفقد فيه :خيرك العفو خيرك.. خيره وجهك هكي .. " وشبحتلي.. ".. بشرى بري فيسع جيبي مالقي فيسع

-مشيت اني لطاولة خديت المالقي.. ومشيت عطيتهلها..

عمتي ميار خداته :صحيتي " وحطت فيه صبعها.. وبدت تقرا في الرقيه.. لين كملت وبزعت على عطيوه "

عطاالله انتفض مع بعضه  .. واضبط امه :يما يما حصلتها رعشه

عمتي ميار:غر خيرك يا ولدي شن صارلك اللطف!؟

عطاالله يحضن في امه ويديه يرعشو :م.. ش... مشيت اني وصاحبي ع.. عب.. عبد ا.. ال.. الباريي لي الاشهب   .. مشينا وعرفته سحار طلب منا اسم الام وحتى حتى لما اا لما قري على عبد الباري قعد يقرا في القران مكسر... و بعدين قعد يقول في كلام مش مفهوم.. وبعدين جاب واحد جن واضح عليه.. ل.. لانه لما قريت اية الكرسي اختفى