من الحلقه هدي بتبدا التصفيييه❤🍃
#ولدتني_مجرمة
الحلقه :احدى عشر
بقلم :فاطمه سالم الورفلي
.......................................
....
عندي اني :
.. رفعت راسي.. واول ما رفعت راسي.. شفت شخص مستحيل نتوقع نشوفه ولي لقيتها.. هي خالتي فدوى.. اي اي فدوى.. قعدت نتشائم لما نشوفها.. زمان لما شفتها خسرت امي.. وتوا من بنخسر!؟.. عمي بن يزيد!؟.. زعما!.. زعما يتخلى عني معقوله!.. هو وعمتي ميار وعطيوه معقوله!.. لالا مستحيل.. مستحيل حتى ولو.. اني مش ح نخلي الشي هدا يصير.. ح نتكلم مش زي مره الاولى.. وحال الخاطر يقول "يا خايبه حتى لي والداتك فاتاتك يبال هما!؟.. ".. بلعت ريقي وخاطري ضاق.. خنقتني العبرة يا مشناها حتى بالكلام تكسر الخاطر.. فما بالك لما صار الشي هدا .. اني مش عارفه كيف هنت عليها غاليتي.. اميمتي. غمضت عيوني والتفتت لي عمي بن يزيد شفتله.. شبحلي..
عمي بن يزيد تنهد:خيرك بنتي!.. انزلي وقت على امتحانك!
اني خديت نفس بقوه وقلت :ما نقدرش ياعمي ما نقدرش " و شبحت فوق رفعت راسي فوق.. نبيش دمعتي تنزل "
عمي بن يزيد:ما تخافيش ياعمي.. ح تنجحي
-اني نزلو دموعي معاش قدرت.. رفعت ايدي ومسحتهم بسرعه.. وقعدت ساكته شوي .. ومطبسه راسي
عمي بن يزيد حط ايده على كتفي :بنتي شوفيلي.. كلميني!.. قوليلي خيرك يا بنتي.. مريضه في حاجه!؟
اني نهرت معاش قدرت نكتم .. قعدت نبكي :ياريتني مريضه يااريت.. ياريتني متت ولا شفت القهرة بعيوني ياعمي.. امي خلتني.. امي سيبتني ياعمي شن مزال بعد هكي قول لي!؟.. قول لي ترا شن مزاال؟
عمي بن يزيد طبطب عليا بيده وتتنهد :اخخ يابنتي نصيبك تكون امك هيام وبوك مهيب.. مش مقدرين نعمه الصغار
اني نمسح في دمعه وتنزل بدالها عشرة:باهي اني شن ذنبي!؟.... شن ذنبي يا عمي بس شنوو!
عمي بن يزيد:الله غاالب اخخ .. الله غالب يابنتي .. انزلي ديري امتحانك وقت عليك
اني :عمي مش ح ننزل مش ح ننزل
عمي بن يزيد استغرب :ليش خيرك بشرى بنتي!
اني نأشر بيدي عليها :شوف شوف وجه الشؤم بحدا مدرستي .. مش ح نقدر لا مش ح نقدر
عمي بن يزيد:اهدي اهدي امتحان هدا لازم اديريه باش يكملوا اجراءات الصحيفه
اني نهز في راسي يمين ويسار :عمي لا مش ح نقدر.. مشش ح نقدر لا لا لا
عمي بن يزيد:اهدي بس اهدي.. خلي نمشو من باب الوراني تمام!.. وننزل معاك نراجيك في الاداره لين تكملي وعد
-اني شبحتله بترجي ونمسح في دموعي بيدي ..
عمي بن يزيد مد ايده:وعد بنتي وراس ولدي عطاالله وربي العباد الا زي ما نحكيلك
أنت تقرأ
ولدتني مجرمة
Actionجزء الثاني لروايه طفلة بأتزان العاقلين.. ح تكون روايه حاسمه وقويه هلبا 🍃❤
