ولدتني مجرمة

العشرون

#ولدتني_مجرمة
الحلقه :العشرون
بقلم :فاطمه سالم الورفلي
.....................................
....
عند ميار وبن يزيد :
الاشهب :تبو او لا!؟

بن يزيد سكت..

الاشهب :ماتبوش!

ميار :نبو

الاشهب :يبقى اسمعو راهو لازم تقتلو شخص او شخصين

ميار شهقت :شنوو شن تقول انت؟.. واعي لكلامك

بن يزيد فنص فيها :اي اي موافقين خلاص

الاشهب:متأكدين

بن يزيد:اي متأكدين

الاشهب فك حبل بن يزيد:هيا مالا نوض 

-ناض بن يزيد يمسد في ايديه.. ويتكسل.. اما ميار مستغربه من لي قاعد يصير

بن يزيد:اخخ تؤتؤ افف ايديا مدقدقات

الاشهب يفك في ميار :هيا هيا نوضي

ميار تحرك في يديها :افف ايديا خلااص يوجعو بكل

الاشهب :هياا.. الجثه تحطوها في السياره

بن يزيد:تمام

الاشهب طلع.. ومعاهم ميار وبن يزيد..

هيام مقعمزه على الكرسي رفعت راسها شافتهم نصدمت:شن شن؟ شن هدا!.. شن في!؟

الاشهب :ح يقتلو شخص.. والجثه تنحط في السياره
.. و وقتها يقدرو يطلعو من هنا

ميار :لاا

بن يزيد نخصها وفنص فيها.. وقطعها قال :لاتخافوش.. ح نديرو كل شي زي ما تبو

الاشهب رفع حواجبه متفاجئ :اييي تو نشوفو اي

هيام :خلاص مالا انطلقوا هي

بن يزيد:به منو الشخص؟

الاشهب :مهيب.. مهيب راجل هيام تلقوه في مطعم هيفين

ميار :كيييف شنوو!

بن يزيد:بس ليش مهيب!

الاشهب :مانبيش ولا سؤال.. تبو تطلعو من هنا.. ديرو لي نبيه غيرها لا

بن يزيد :اوك تمام

-مشي بن يزيد خطوه.. ومعاه ميار.. وكل خطوه.. تملاها استغراب.. تفكير.. حيرة.. خوف.. توتر.. تشتت.. مشاعر مختلطه بين الرعب والانشغال.. ومن بين كل الخطوات هادي.. وكومه المشاعر والتفكير هادي.. يقطعه صوت الاشهب..

الاشهب :وين ماشي راجي بنمشي معاك

بن يزيد خاف :ويين

الاشهب ضحك :شنو وين؟.. بنمشي معاك ايه مالا كيف بنتأكد انكم قتلتو؟

بن يزيد بلع ريقه وقال :ايي من حقك.. تعال وتأكد بعيونك

هيام :نمشي اني؟