ولدتني مجرمة

التاسعه عشر

#ولدتني_مجرمة
الحلقه :التاسعه عشر
بقلم :فاطمه سالم الورفلي
.........................................
....
عندي اني :
عطاالله :هلي بيقتلهم بيقتللهمم سامعه ولا

اني :مش ح يقتلهم صدقني.. ما غر يخوف فيك

عطاالله يبكي : كله من امك كله.. اممك لازم تنقتل لازم

اني نصدمت فيه :صدمتني فيك يا عطالله!.. ره حتى هي امي.. ره العروق لي في داخلي يحسو.. ما عمره الدم قعد مايه.. راني نحس ره احترم مشاعري اعذرهم

عطاالله :مش تبي امك؟

اني :عطاالله انت عارف كل شي!

عطاالله حط ايديه على راسه وقعد يلف ويعيط:تعبت اني تعبت ياااناااس تعببت

-جي يجري الشيخ عبد السلام..

اني فرحت :يا شيخ بالله عليك زودله

شيخ عبد السلام:خيرك يا ولدي؟.. شن في!؟

عطاالله مد له التليفون :شوف شن بعتلي الاشهب

شيخ عبد السلام تنهد :اسمعني يا ولدي.. وهدي اعصابك.. واستغفر ربك و وكل ربك.. وتحسب.. موضوع بسيط راهو غر يبي عزم وقوه ايمان..

عطاالله غمض عيونه وخدي نفس عمييق.. سكت شوي.. وقال :عارف.. عاارف لكن يا شيخ تعبت اني.. حيلي نهد

اني :مش اكتر مني.. مش اكتر مني.. امي لوحتني وطلعت سحاره.. وقاعده تحارب ومش شاريه راحتي.. ولا مدورتني

شيخ عبد السلام:يا حول الله.. بنتي امك لازم تشرب مايه رقيه.. اعذريها عقلها مش معاها..

اني :لي داراته ياشيخ ما يغتفرش..

الشيخ عبد السلام :جنب امك كل شي يغتفر .. توا انتم الاثنين صلاتكم واصلوها بلا انقطاع واشربو المايه الرقيه.. وما تسمعوش تهديداتهم.. ولا نقوللكم.. هاتو التليفون هاتو

عطاالله مدهله :تفضل

الشيخ عبد السلام قفل التليفون :هدا انسوه.. لين علاجكم يكمل

.....................................................................
....
عند بن يزيد وميار :
-مكتف ايديه بن يزيد.. اما ميار مربوطه على الكرسي بس
.......

بن يزيد :الحبل مش مربوط كويس.. حركي ايديك تو يرتخى فيسع

ميار تحرك في يديها :اووف شن هدا..

بن يزيد:بسرعه ميار قبل ما يجو

ميار :قصدك بتهرب؟

بن يزيد:لالا غر هيا بس

ميار قعد تحرك وتحرك لين ارتخى:اووف حمدالله.. تعرف لين ايديا وجعوني..

بن يزيد:بسرعه ميار بسرعه.. خودي تليفونك ديري تسجيل.. قبل مايجو هيا.. واربطي روحك