ولدتني مجرمة

الرابعه والعشرون

#ولدتني_مجرمة
الحلقه :الرابعه والعشرون "مقابل الاخيرة "
بقلم :فاطمه سالم الورفلي
..................................................................
....
عند مهيب :
لقد قربتو للنهايه.. ومعرفه الحقيقه.. احسنتم.. ولكن لن ولم اسكت.. سوف انتقم.. لكل من كان السبب في شعوري بالوحدة والحزن.. والتوتر والقلق.. والهـروب.... تنهدت.. وطفيت دخاني في الهبايه.. وفتحت لاب توب.. شفت فيديوات "ذكرياتي مع فدوى ".. اي فدوى زي ما قريتو " فــدوى "

-فلاش باك
"كان عندي يومها تحقيق في مركز الشرطه.. واني ماشي بالسياره.. خطمت على مدرسه فدوى.. وقفت السياره نشوفها تواسي في وشاحها.. والشمس عاكسه عليها وبذات على عيونها.. كل رمشه فيها كيف السيف على  قلبي.. اما عيونها حكايه.. حكايه من بير حبي ليها.. وهدا كان الفيديو الاول لي كان محتواه عبيط للغير.. اما ليا مهم ولي اهم شخص ليا.. وكل فيديو كان لي رمشه عيونها.. لي مشيتها.. لي ضحكتها.. لي كلامها.. لي ايي شي.. وابسط شي ليها.. ولكن.. لي صار!.. قلب الدنيا من قعرها لأصـلها. وقلبت كل المـوازين.. نعترف نعترف.. ان اسقاطاتي ومخلفاتي السيئه اثرت وبقوه على صغاري.. ومش بس هك.. مش بس على صغاري.. حتى على مرتي لي هي اخت لي مفروض تكون "مرتي"..اخت فدوى لي هي " هيام".. وقلبت كل القصه.. وحياتي .. بس مشاعري قاعدات زي ما هم.. ما تغير فيهن شي.. على المللي تمامـا.. صكرت لاب توب.. وخديت قلم وبديت نكتب.. اجمل كلمات نحبها..

كنت فاكر
اني قادر ابني حب وابني بيت
وانسي انك خدت مني
قلبي لما ف يوم مشيت

رغم اني عشت بعدك
واللي بعدك كان كتير
رغم اني قلت بعدك
كان نصيب مضمونه خير

سيبه منك للنهرده
لمحه عايشه في كل حاجتي
سايبه حضنك بين ضلوعي
سايبه ريحتك بين جواكتي
سايبه صورة في يوم ميلادك
كنتي حلوه فيها جدا

بس فعلا
رغم حزنك رغم تعب
 رغم وجعك جوه قلبك
لسه حلوه زي مانتي

فاكره كلامنا يوماتي
فاكره سهرنا والتمني
انهرده عرفت اني غصب عني
ليكي فيا حجات كتير

وان كانت غلطه مني
لما قلت ان بعدك ده
نصيب مضمونه خير
#رافت–جمال
...................................
-اما اليوم بتاريخ 9/8/2014..
بتاريخ هدا.. يا بنكون قاتل او مقتول.. بيني وبين "بن يزيد ".. لي كان سبب عبئ حياتي.. وبؤسها..
اليوم ح يجيبه الاشهب..
-بن يزيد كان بمثابه صاحبي واعز.. لكن لي صار ماليشي ايي انذار او تفكير.. كان على بالي ان هكي هو ياخد هيام واني ناخد فدوى.. ولكن.. وشاء القدر تزوجت اني هيام بتهديد منها.. وهو رفض الرفض التام ان يتزوج هيام.. حتى لو كانت زوجة الثانيه رفض..رفض قاطع . . اما هيام وما ادراك من هيام بعد عرفت سبب موت امي هي.. تزوجت عليها في تركيا لما سافرت.. وناوي نطلقها سوى هك او هك .. اما فدوى هي وحياة وعمتي زمزم و ورده سفرتهم لتركيا.. لان ناوي هيام يكون قتلها على ايدي.. او نخبر فيها الشرطه .. وبالفعل بلغت الشرطه وعطيتهم ادلة على السحر.. وبين عيوني شخص لي خبرني و ورالي فيديو تحكي فيه هيام كيف تقتل في امي.. شخص لي حكالي هو الاشهب اي زي ما قريتو " الاشـهـب ".....

-فلاش بـاك

-كنت اني وهيام وبسمه.. نتناقشو على بن يزيد وميار..

هيام :وهدا كله لي درناه شويه فيهم

مهيب :امم غليلي مش ح يطفى لين نلقى قاتل امي يا هيام.. لين ونقتللة

-هيام نخطف لون وجهها وسكتت.. وبلعت ريقها.. شوي ورن تليفوني..

هيام ترعش.. وقالت بتأتأة :اا م  من..منوو

-خديت تليفوني من جيبي.. شفت الشاشه لقيت الاشهب يتصل    .. فتحت الخط بدون ما نرد على هيام..

مهيب :ها كيف حال يا الاشهب

الاشهب :كلمتين ورد غطاهن..تبي تعرف قاتل امك او لا

مهيب :اي اكيد.. منوو الشخص هدا ؟

الاشهب :بدون كثرة كلام.. تبي تعرف اقتل بن يزيد.. بس قبل كل شي حط هيام في حوش بن يزيد.. وامشي لي مطعم هيفين تو نلحقك وبكون ما تقول لي حد" وصكر الخط "

هيام بخوف :خيره الاشهب

-حطيت تليفوني في الفودرا.. وسكتت..

هيام :نكلم فيك 

-شبحتلها وتنهدت

هيام توترت وطربقت صوابعها :كلمني خيرك؟

ما رديتش عليها وقعدت نسوق.. لين وصلت للحوش.. وقلت

مهيب :انزلي هيا

-هيام قعدت تشوفلي شوي.. و ايديها ترعش.. زفرت.. وفتحت باب السياره.. وخدت شنطتها ونزلت... اما اني النار والعه فيا . . ونبي نعرف من قتل امي  .. ما كنتش عارف ان هي لي قتلت   .. ام صغاري لي قتلت.. مرتي لي قتلت امي.. حتى ولو كنت ما نحبهاش.. بس في بينا عشرة وصغار   .. اخخ يارب وخلاص.. خلي نكمل.. مشيت لي مطعم هيفين.. ونزلت من السياره وصكرتها.. ومشيت للمطعم.. وكل خطوه نخطيها.. نشك في حد كل من مر عليا .. وما شكيتش ولا واحد في المئة.. ان ام صغاري لي هي "هيام.. هي لي قتلت امي.. خديت تليفوني.. وفتحته.. وخشيت المسجل وفتحت التسجيل . . وخشيت للمطعم.. ولقيت الاشهب في طاوله.. مشيت قعمزت بحداه على الكرسي....

الاشهب :مستعد تعرف وتسمع بودنك الحقيقه؟

مهيب حطيت ايدي على لحيتي :قول لي عندك!

الاشهب ضحك :لا اني مش ح نقول شي.. انت ح تسمع

-وفتح الفيديو.. وكان الفيديو صورته مدغدشه.. وصوت هيام واضح.. وتحكي كيف قتلت امي بتفصيل التام.. ونار غليلي تزيد وتزيد.. وهي كيف تحكي بتفصيل .. وهي كل ما تحكي تزيد اصراري على  قتلها اكتر واكتر لين كمل.. وطبعا بدا الرهن..

الاشهب شبح من المرش وقال :توا بدت مهمتك.. واللي هي قتل بن يزيد..

-مهيب .. طبست راسي.. و خديت ولاعتي وطرف دخان  .... و ولعته و.... يتبع
#اقوال_الاشهب
........................................................................
بارتين بطريقه مختلفه على ذوقي❤.. اما توا جاهزين للحلقه الاخيرة لي ح تكون حاسمه تماما!؟🍃
#فاطمه_سالم_الورفلي