ولدتني مجرمة

الثامنه عشر

#ولدتني_مجرمة
الحلقه :الثامنة عشر
بقلم :فاطمه سالم الورفلي
......................................
......
عندي اني :
اني :اسمع به عمي بن يزيد وعمتي ميار؟

عطالله :اي فكرتيني والله خلي نتصل بيهم

-رن مره واثنين.. شوي فتح الخط.. وسمعنا صوت..صوت الاشهب.. اي اي الاشهب زي ما قريتو "الاشـهـب🍃"..

الاشهب :جهاز التسجيل وين درته.. ليش طفيته يا عطا؟

-عطاالله بلع ريقه وتوتر.. ومن الصدمه صكر الخط..

اني نصدمت:يا غبي اتصل بيه

عطاالله يرعش :تي شن نتصل بيه تعبت اني تعببت

اني :عطا اهدا اهداا.. اتصل بيه قول له خارب.. خير ما يدير شي لي عمي بن يزيد وعمتي ميار وبسمه

عطاالله :اني تعبت بشرى.. بشري تعببت.. خلاص

اني :اشش اهدا بس.. " شفت لشاشه التليفون لقيته يتصل ".. اهو يتصل رد عليا

عطاالله :مش قادر لا.. لا ردي انتي

-اني تنهدت وفتحت الخط والمايك

الاشهب:ردد وين الجهاز وييين!

+عطاالله شبحلي خايف.. اني هزيت راسي وحطيت ايدي على  كتفه

عطاالله :خرب خخرب

الاشهب:كيف خرب كييف تي كان تطلع تكدب يا حي عليك مني مصيرك اسوود

عطاالله :خرب طحت على الوطا تكسر

الاشهب :هممم اهلك معاي في حالة انت ما رجعتش يبقى اهلك قول عليهم السلام

-وصكر الخط.. و عطاالله خنقاته العبرة.. حاط ايديه على راسه ويرعش..

عطاالله :كله مني كله

التاكسي شافلنا من المرايا :انت شن قصتك ياولد.. مرات نساعدك

عطاالله انتفض رفع راسه وشبحله:اقرا اية الكرسي كامله!

التاكسي استغرب :ليش ياخوي؟

عطاالله:اقراا

التاكسي هو راسه بأستغراب وبدا يقرا :بسم الله الرحمان الرحيم اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ

عطاالله تنهد وقال :تعرف شيخ؟

التاكسي :اي نعرف!

عطاالله :الشيخ شيخ يكون شيخ معروف