ولدتني مجرمة

التاسعه

#ولدتني_مجرمة
الحلقه :التاسعه
بقلم :فاطمه سالم الورفلي
......................................
......
عند عطاالله :
وهو قعد يتلوى ويتلوى.. لين قعد اكوام اكوام.. وهووب ما نلقى كان راس صل قدام وجهي..جمدت في مكاني.. معاش قدرت نتحرك.. حاس روحي يبست.. قعدت نشبحله ويشبحلي.. نشبحله ويشبحلي.. وهو يطلع في لسانه.. وبدا صوت العياط.. نفس الصوت لي سمعته واقوى حتى.. قعدت نحط في ايديا على وداني ومع هدا الصوت كل ماله يقوى ويقوى .. والصل يقرب مني غمضت عيوني .. والصوت قعد مش بس مجرد صوت.. فتحت عيوني.. وبمجرد ما فتحتهن.. لقيت عبد الباري كله دم والمازك شادله سراق ويقطع فيه.. والدم يضخ ضخ.. وعبد الباري يشوفلي ويقول لي تعال.. شوي حسيت بي شي ينضغط عليا.. شفت لي بطني ونلقى الصل يزيد يلتف ويلتف ويلتف.. وفي شي يقول لي "عطاالله اقرا اية الكرسي.. اية الكرسي عطاالله اقراها.. اقراها اية الكرسي عطاالله.. ".. غمضت عيوني.. وسميت بسم الله.. وبديت نقرا بالصوت عالي.. والنفس يادوب نتنفس.. والصل يلتف عليا.. ولما وصلت في النص معاش قدرت.. قعدت نقرا في سري   .. والصل يلتف عليا ويلتف لييين عيوني نفتحن على وسعهن مش قادر نتحرك بكل.. وبمجرد ما كملتها.. اختفى الصوت .. فتحت عيوني مالقيتش ولا حاجه.. وشوي.. نسمع في صوت امي جايه

امي :عطيوه " و شبحت يمين يسار ".. اللطف وين بوك؟

عطاالله بتلعثم :اا مش بوي هو طلع هدا اا هداكا المازك

امي استغربت :عطيوه خيرك بسم الله؟

عطاالله نرعش لدرجه صوتي يادوب طالع :هو هو ماهو هو جي جي هدا المازك هداكا.. المازك هداكا.. هدا لي لي مشيتلهم.. و الاشهب جي زي الصل.. اي الصل الصل " قعدت نشبح يمين يسار ندور فيه مالقيتاش".. مشي الصل مشي الاشهب مشي مشي

امي خافت  :بسم الله الرحمان الرحيم.. عطايالله؟.. بسم الله خيرك.. "والتفتت جيهة الباب وتشبحلي".. بشرى يا بشرى انتي يابنت " والتفتت لي جهة الباب وخشت "

-وبمجرد ما خشت والتفتت جيهة الدروج طلع الصل.. اول ما شبحته.. وخرت على وراي .. وبدا الصل يضحك وصوت ضحكاته تعلى وتعلى.. وقوس راسه وقعد يشبحلي.. وفي رمشه عين.. بمجرد رمشت عيني وفتحتها لقيت الاشهب في مكان الصل.. وعيونه نفس عيون الصل صفر.. بلعت ريقي.. ونبي نهرب حاسه برجليا نملن.. مش قادر نتكلم ولا حتى نتحرك من هول الموقف.. و الاشهب قعد يقرب مني ويقرب ويقرب..

الاشهب :فمك تصكره.. والا تنفعص رقبتك.. فاهم ولا!؟.. "فنص عيونه ولسانه لسان صل.. وقال وهو شاد على سنونه وفاتح فمه ".. فممممكك تصصصكرره ساامع ولا!.. ساااامع

-عطاالله قعدت نشبحله.. ونفكر في بوي وين مشي..

الاشهب قعد وجهه اسود :نكللمم فييك ساامع ولاا

عطاالله نتفضت من مكاني وقعدت نهز في راسي.. ونشوفله وجهه خطوط خطوط بين الاسود والدم.. وفاجئه بمجرد ما رمشت عيني سمعت صوت بوي