ولدتني مجرمة

الرابع عشر

-تم تصفيه 347 تواا ومزااال ح نصفي 🍃
#ولدتني_مجرمة
الحلقه :الرابع عشر
بقلم :فاطمه سالم الورفلي
..............................................................
....
-دموعي شلال.. قلبي والعه فيه نار حاسه.. حسيت بنخصه لين النفس يادوب نلقط فيه.. وجي الفيديو التاني..

عطاالله :عبد الباري فهمني انت ليش درت هكي!

عبد الباري :مش مني وربي ما مني.. الاشهب ناداني وطلب مني هكي قال لو ما درتش هكي ح يقتل هلي

..........
-الفيديو الاول كوم ان عطيوه يبكي وخانقاته العبره.. وان الفيديو تاني كل لي صار من تحت تهديد.. يعني ولد هدا لا يبيني لا سو.. لازم نرفض.. بس شن ح نقووللهم؟.. لا لازم يعرفو فيديوات اي اي لازم....

"شوي وطقطق الباب رفعت راسي شفت عمتي ميار "

عمتي ميار:عجبك التليفون بنتي!

-اني مسحت دموعي وسكتت

عمتي ميار استغربت :بشرى؟.. بشرى خيرك

بسمه :في فيديو في تليفون فيه عطيوه

عمتي ميار نصدمت: عطيووه؟.. ترا ترا وريلي

-اني كمشت رجليا.. وغطيت وجهي بيديا وقعدت نبكي.. وبسمه خدت التليفون توري لي عمتي ميار..

عمتي ميار :ما تبكيش بنتي.. ترا افتحي بسمه الفيديو

-وانفتح الفيديو الاول

عمتي ميار شهقت:نهاااري.. وليدي ياروحي  .. بشرى ليش ما حكيتيلي يابنتي

بسمه :شوفي فيديو تاني عمتي شووفييه

-وانفتح الفيديو الثاني

عمتي ميار بكت :ياحليلي ياحليلي وليدي ياروحي.. نوضي بسمه نوضي وري فيديوات لي عمك بن يزيد تلقيه في الصالة

بسمه :حاضر

-مشت تجري بسمه.. وقربت مني عمتي ميار..

عمتي ميار:بنتي كلميني ارفعي راسك وشوفيلي

اني حولت ايديا ورفعت راسي شفتلها:تعبت يا عمتي تعببت

عمتي ميار مدت ايدها مسحت دموعي:اششش اني نبي نحكيلك القصه كلها باش تفهمي يابنتي

اني استغربت :قصه شنو عمتي؟

عمتي ميار:غر اسمعيني بس..

اني :ان شاء الله خير

عمتي ميار تنهدت: ياحنه هدا اني.. كانت امي الله يرحمها تسحر.. من لما بوي توفى الله يرحمه .. واني لما عرفت الشي هدا تأزمت حالتي.. المهم هدا كووم.. ولما خشيت الثانويه كوم تاني

اني نصدمت :كملي!

عمتي ميار:خلاص في الثانويه تعرفت على امك وخالاتك.. طبعا امك وخالاتك يعتبرو بنات خالة وعم بن يزيد.. يعني امه اخت جداك.. وحتى بوه خو جدك الله يرحمهم