ولدتني مجرمة

السابعه عشر

#ولدتني_مجرمة
الحلقه :السابعه عشر
بقلم :فاطمه سالم الورفلي
.....................................
....
السلام عليكم
-مش ح نطول عليكم شويه كلام.. ويحلا الكلام الا القليل واصله السلام❤.. طبعاا الشابتر لي فات من كثر ما تفاصيله سريعه حسيتو ان الحلقه قصيره وهدا الشي لي حبيت نوصله هو شعور الابطال.. الشابتر لي فات كان 1000كلمه ومعاها.. فرحتوني بأن بألف كلمه قدرت نوصل الاحساس لي حسوه الابطال   .. اما توا فا نقدر نقول ح نبدو نحلو الاقفال وتحلى الروايه وبقوه 🍃.... ويلاا نبلش.. 🌸🍃
......................................................................
عند عطاالله :
كل نظره نشوفها لي بشرى.. نغمض عيوني بقوه.. ونحاول جاهد نستوعب.. الظروف وسرعه القرار لي اتخذته.. تحت ظروف صعبه عويصه وكااسحه تهد الحيل.. و بسرعه حاده واكتر كساحه.. فا هل تكون بشرى قد مسؤوليه القرار .. وثقه الاختيار.. لي هو اختياري!؟.. اختياري لي خديته على نحو العاطفه وبدون ايي تفكير ولا حتى ادناه ولا حتى 1ذ℅..هدا متخوف منه جدا .. متخوف جدا جدا.. بصمت على ورقه عقد الزواج و وقعت.. وخايف.. خايف.. خاايف من المستقبل.. وكل لمحه معاها الف دقه.. الف ذرة خوف.. والـف احساس.. والـف نفس ينتهي بتنهيده.. والف افكارر تاخدني وتجيبني... وكل خطوه تصاحبها الف سؤال.. وبحر من الحيرة غارق فيه.. غارق.. غارق في الهم والغم.. لين راسي صدع.. والحيل نهد.. عاجز على الوصف.. على الكلام.. لا هنا اساسا مات الكلام مع الامل.. مع الاطمئنان.. لان بذكر الله تطمئن القلوب.. بس اني ملوث.. مقيد.. لازم ندير حل.. للمهزلة هدي.. غمضت عيوني بقوه.. وفتحتهن.. فطنت ان اني في السياره.. و بشرى وامي يشوفنلي.. عقدت حواجبي بأستغراب.. والف علامه استفهام فوق راسي!!؟؟

اني:عطيوه!؟.. عمتي تكلم فيك!!

عطاالله بلعت ريقي سكت شوي وحاير كيف نسأل.. تنهدت وقلت :نعم!

امي تأففت:قتلك ناقصين حوايج شي؟ "وتفحصتني بعيونها من فوق للوطا "

عطاالله ابتسمت بحسرة وشفت لحوايجي ريحتهن تقرف.. تقرف بي كل ما الكلمه تعني.. اصلا مش عارف كيف متحملين الريحه؟.. او بلأصح كيف متحمل روحي اصلا!؟ . . واكتفيت بكلمتين واللي هم :لالا مانبيش

امي :به مالا هي انزلو
............................................................................
عندي اني :
خديت حوايج من حوش عمي بن يزيد..ومشينا وخشينا للحوش التاني ولقيت شخص مستحيل نتوقع نلقاه في حياتي ما عمري توقعت نلقاه.. امي اي اي زي ما قريتو "امــــــي".. امي لي خلتنى.. اي امي امي اي لي لوحتني.. شبحت لي عطاالله بأستغراب.. لقيته حتى هو.. على وجهه علامات الصدمه..

اني :عطاالله اني معاش نقدر نقعد هنا

الاشهب:مافيش طلوع.. المااازك صكر الباب

-اني التفتت لقيت واحد وراي مصكر الباب الباين هدا لي اسمه المازك.. خفت من شكله يخوف بكل..

الاشهب :عطا دير لي قتلك عليه

عطاالله هز راسه :حاضر

-اني شفتله مصدومه فيه :عطاالله!.. شن لي قاعد يصير