ولدتني مجرمة

العاشره

#ولدتني_مجرمة
الحلقه :العاشرة
بقلم :فاطمه سالم الورفلي
.....................................
....
عندي اني :
-بسمه شدت في ايدي .. وطلعنا من الدار.. وبمجرد ما طلعنا من الدار.. سمعنا صوت عياط وجري..

بسمه خافت:في غووله مانيش ماشيه في غوله

-وزاد تعلى صوت العياط وحاجه تكسرت ومعاش قدرت.. مشيت نجري.. وبسمه تعيط وتبكي..

بسمه تبكي :تعااالي بشرى تعاالي في غوله تعاالي

-من الخوف والرعاش ماقدرتش لا نفكر ولا نرجع.. ولا حتى نرد عليها.. ما نندريش على روحي بكل.. الا واني قدام عمتي ميار.. تخض مع بعضها في الكوجينه.. بحدا الغاز في التركينه.. واصوات العياط حوالينا.. وعمتي ميار تخض مع بعضها وتخض وتخض.. وترجع.. وشكشوكه بيضه تطلع من فمها  .. معاش قدرت نستوعب لي صاير.. حطيت ايديا على راسي.. وضغطت عليه.. على امل يكون حلم ونوض منه.. على امل معاش نسمع الصوت.. على امل يختفى كل شي.. على امل يصلح شي واحد بس .. و الاصوات تتعلى وتتعلى..

الاشهب :فمكم تصكروه.. لي سمعتوه تنسووه تنسووه

-كلامه قعد يزن في ودني.. وشوي شوي بدا يخف   .. ويخف ويخف.. لعند اختفى.. اول ما اختفى.. ناضت عمتي ميار تعيط وتجري.. وتمشي مع الحيط ترعش..

عمتي ميار:زودولي زودلي يا عطاياالله زووودليي

-جو يجرو عمي بن يزيد و عطاالله..

عطاالله :خيرك يما شن في!؟

عمي بن يزيد:شن في يا مراه خيرك!؟

عمتي ميار:الاشهب الاشهب جاني وهددني.. هددني ما نحكي شي..

عمي بن يزيد:غر اهدي .. عدي يا بشرى جيبي مايه فيسع

عمتي ميار شبحت لي عطاالله:كله من ولدك .. كله كنا مرتاحين.. مرتاحين من الهم والمشاكل  .. صكر راسه ومشاله.. كله من ولدك كللة

عمي بن يزيد:غر بري يا بنتي جيبي مايه.. استغفرالله اهدي يا مراه خلاص

اني ايديا يرعشو ويادوب نتكلم :مش قادره عمي.. يابسمه بسمه تعاللي ياابسسسمه تعالي

بسمه جت تجري وخايفه :شششنو ها نعم!

اني داهشه:بري امشي جيبي مايه

-بسمه تاكل في ظوافرها.. وتشبح يمين ويسار وخايفه.. تلتفت تشوفلنا وتمشي بشوي.. لين خشت جابت مايه وجت تجري خايفه..

اني خديت منها المالقي وشربت وشفتلها:خيرك بسمه؟

بسمه قربت مني :خاايفه

اني حضنتها.. ومديت المالقي بيدي التانيه لي عمتي ميار :تفضلي عمتي

عمتي ميار خداته مني :جيب شيخ يا بن يزيد جيبه  .. الحوش معاش ينقعد فيه