ولدتني مجرمة

الثانيه عشر

#ولدتني_مجرمة
الحلقه :الثانيه عشر
بقلم :فاطمه سالم الورفلي
......................................
....
عندي اني :
رفعت راسي وياريتني ما رفعت راسي.. شفت شي صدمنيي.. شفت واحد وراء عطايالله.. وجهه يخووف.... مش قادره نركز فيه من كثر ما شكله يخوف.. طبست راسي طول  .. وقعدت نسمي بسم الله.. ونقرا في اية الكرسي.. نبي نهرب بس مش قادره نتحرك خايفه نشوفه..

عمتي ميار :بشرى؟  .... كولي خيرك؟

اني مطبسه راسي :اي اي تو ناكل.. تو ناكل

بسمه تأن بخوف :عموو.. عمي بن يزيد

عمي بن يزيد شافلها:خيرك بنتي؟

-بسمه أشرت وراء عطايالله وغمضت عيونها..

عمي بن يزيد شاف وين ما اشرت :مافيش شي بنتي خيرك؟

عمتي ميار مستغربه :بالك متحشمه من عطيوه؟ ..

عمي بن يزيد ضحك :هدا وخيك سومه.. مش ديما يعطيك في شكلاطه؟

بسمه تبكي :مش عطيوه هدا.. وراء عطيوه وراه

-عمي بن يزيد فهمها وبلع ريقه.. وقعد يقرا في اية الكرسي..

عطاالله ايديه يرعشو ويخض مع بعضه:بب.. ب.. بوو.. بويي.. بببو.. بوي بويييي اسكت اسككت.. اشش اسسسس اس

عمي بن يزيد شافه.. وطبس راسه.. حط ايده على عيونه وتنهد.. وقعد يقرا :بسم الله لا يضر مع اسمه شي في الارض ولا في السماء

عمتي ميار:بسم الله.. بسم الله الرحمان الرحيم..

-عطايالله قعد يرعش.. وفجأة وقف رعاش.. وبسمه سكتت.. غمض عيونه عطايالله.. وارتخى

عمتي ميار خافت مدت ايدها تهز فيه :عطيوه؟.. عطيوه ولدي عطا!.. حي علياا.... عطيوووه نكلم فيك اني

عمي بن يزيد:جيبي مايه الرقيه مبكري جبتها.. شكله ما دارش لي قال عليه الشيخ

عمتي ميار:نرفعوه لشيخ؟

عمي بن يزيد:الشيخ يوصي فيه عيي وهو يوصي.. شن بيديرله الشيخ.. لازم الرقيه يشربها.. غر بري جيبيها بس

-ناضت عمتي ميار.. مشت وجت.. جابتها.. خداها عمي بن يزيد.. وقعد يبخ على عطايالله مره.. اثنين تلاته..ناض

عطاالله حاط ايده على راسه ويشوف يمين يسار :رااسيي اخخخخ راااسي... احييه راسي بينفجر.. بوي اني تعبت تعبت يابوي.. "وقعد يبكي ".. بوي تعبت تعبت نبي نرتاح.. نبي نرتاااح..

عمتي ميار حضناته :خلاص خلاص اسكت .. ان شاء الله ح نديرو حل ان شاء الله.. نوض معاي

-ناضو عمتي ميار و عطاالله... مشوا لدار عطاالله.. وبدون سابق انذار.. بمجرد ما خشوا لدار.. سمعنا صياح عمتي ميار.. تعيط.. اني وبسمه قعدنا نشبحو لبعضنا وخايفين.. اما عمي بن يزيد مشي يجري.. للدار.. واحني مش فاهمين شي.. بلعت ريقي.. ونضت مشيت اول خطوتين..