ولدتني مجرمة

الثالته

#ولدتني_مجرمة
الحلقه :الثالتة
بقلم :فاطمه سالم الورفلي
......................................
.........
ابلة :مالا اني!.. نوضي هيا قولي شن كنت نقول!

-اني توترت وارتبكت وانحرجت.. تخلطت عليا.. قعدت نطربق في صوابعي..

ابلة :هياا قولي

-اني اول ما جيت بنتكلم :اا ماهوو.. "وهووب قطع عليا تطقطيق الباب.. الابلة تعفلقت شبحتلي وزفرت.. مشت للباب.. وفتحاته.. ولقيت واحد خش.. جهامته كبيره يعني ضخم.... وملامحه حلوه وغريبه.... لونه بشرته قمحاويه.. لحيته كثيفه.. شعره طويل شوي مش هلبا.. حاجه بسيطه.. عيونه وكأن مكحلات  .. وخشمـه زي السيف.. يعني بصريح العباره "جمال عربي اصـيـل مـتأصـل".. والابلة بحداه فلّوس😂🐤.. كتكوت يعني زبطتو المعنى!.. المهم..خـلي نكمل..

الابلة :تفضل يا استاد؟

الممرض يلبس في قلافز ويتكلم بطريقه سريعه..ومطبس راسه: السلام عليكم اني ممرض.. لي معاوده السنه وتعتبر عمرها 17 .. يطلع برا.. عندها جرعه تطعيم..

-اني بلعت ريقي.. وقعدت نشوف للبنات لي تطلع تطلع  .. ولي تواسي في روحها .. ولي تبخ في صنة😂.. لين شوي نخصتني بسمه..

بسمه :بشرى معاوده السنه! .. اطلعي

اني فنصت فيها :اسكتيي فضحتي بيا..

الابله :هيا معاش فيه حد؟

-قعدت مرتبكه ومطبسه راسي..ومن حيث لا ادري سمعت صوت بسمه تقول..

بسمه :اهيا يا ابلة معاوده السنه

اني شبحتلها مصدومه فيها.. و لقيتها مأشره عليا.. توترت وحطيت ايدي على فمي مصدومه.. والتفتت جيهة الفصل لقيت الدنيا كلها تشووفلي.. موقف لا يحسسد علييه..

الابلة بتهكم :هيا يا للا ولا مطولة حكايتك!

الممرض يلطف في الجو :معلش معلش اكيد خايفه.. تعالي اختي تخافيش.. بسيطه بدون ما تحسي

-اني من طريقه اسلوبه المريحه لدرجه خلاني نرتاح..احيانا الشخص محتاج لاسـلوب المسايسه.. و اساسا اسلوب اللطيف الكل يحبه منو ما يحباش؟.. بس يختلف لما يكون نابع بصدق.. ولما يكون مزيف.. بس لي حسيته بصدق..يعني لطف صادق ❤🍃.. لا اراديـا ابتسمت.. ومشيتله.. وطول الوقت عيني عليه كيف يتعامل  معانا وطريقه معاملته.. محترم ولطيف..

الممرض شحط الاستيك على الايد:هي ما تخافيش.. اليوم جاوبتي في الامتحان .. عندكم امتحان شهري ولا

الطالبه:اي

الممرض دخلها اليبرا وطلعها:كويس كويس بتوفيق.. شدو الهمة .. هي خلاص طهورا ان شاء الله

....
-وقعدت نشوف فيه لين وصل فيا..

الممرض مبتسم :اهدي اهدي خيرك متوتره؟.. ما تخافيش.. هي اعطيني ايدك