ولدتني مجرمة

الرابعه

قبل كل شي لازم التفاعل يكون فوق ال400 لان ح يكون في تصفيييه💅🙄
#ولدتني_مجرمة
الحلقه:الرابعه
بقلم :فاطمه سالم الورفلي
................................................
.........
بسمه :يا ناري يا ناري عندها امتحانات

اني ضحكت :بطلي سومه.. " واني قلت هك.. و التفتت يميني شفت امي وشخص لا على خاطر ولا على البال كنت متوقعه نشوفه نهااائي.. وكان الشخص هدا خالتي فدوى.. اي اي فدوووى.... تقريبا معاش شفتها الا لما اني عمري 7..واني توا 17..يعني عشره سنين ليا عليها..شفت لي بسمه.. لقيتها تاكل في الشكلاطه.. وتشبح لوطا.. استغليت الموقف.. وسرعت مشيتي.. لين تبعدنا عنهم.. لان لو بسمه شافتهم ح تمشيلهم.. واني نبيهميش يعرفو ان اني شفتهم اصلا.. قعدت نمشي وحاسه في شي بيصير.. وحايره زعما هدا شك ولا احساس! . . زعما هدا شك عشان نسمع في كلام بابا.. وعشان اخر كلام سمعته منه!.. ولا احساس   .. تنهدت.. راسي قريب ينفجر.. ولي قاعد يصير مش قد عمري ولا الحمل نقدر نتحمله..

بسمه :معاش نقدر تعبت بشرى من المشي

اني :تحملي شوي خلاص اهو قريب نوصلو.. صقع عليك تو تمرضي.. تقعمزيش لوطا

بسمه :طبيني به 👐 "ورفعت ايديها "

-اني مديت ايديا.. ونهضتها.. رزينه هلبا.. خديت نفس.. وثقلت مشيتي.. وقعدت نمشي ونوقف نرتاح شوي ونكمل.. لين وصلت للشقه.. نزلتها.. وقدمت خطوتين.. وطقطقت.. مره اثنين تلاته.. مافيش رد.. الباين قاعده ما روحتش امي   .. طبست.. وقعمزت على المرشبيدي..

بسمه :خيرك قعمزتي..

اني :شكلها ماما طلعت بتجيب حاجات مش قالتلنا امس!

-بسمه تأففت.. وجت قعمزت في كثري.. وننفخو في ايدينا وصقعانين وجواعه.. لين شوي سمعنا صوت ماما تقول..

امي :خلاص مزال خمسه ايام

فدوى :هي خلاص مالا اني بنمشي.. وزي ما قتلك ره مهيب محذرك.. و تليفونك افتحيه بعد خمسه ايام بعد الاتفاق..

امي :به خلاص بسلامه

......
............
-وسمعت صوت خطوات خالتي فدوى تتبعد.. و بسمه ناعسها النوم في حجري.. لين شوي جت ماما

ماما :حيي عليا.. من امتى انتم هنا؟

اني رشفت خشمي وقلت ببرود :من مبكري كح كح احمم.. اخخ رقبتي توجع فيا شكلي بنمرض

ماما طلع المفتاح من شنطتها :حولي فيسع انتي واختك.. حولي نفتح الباب

-اني نهضت بسمه.. وماما فتحت الباب.. ودخلت الشكاير.. واني خشيت  .. حطيت بسمه في داري وغطيتها.. وخشيت الحمام حشاكم.. وراسي مصدع.. وطلعت من الحمام حشاكم.. رقدت طول.. وفاتو الايام بدون ايي احداث.. ايام عاديه جدا.. وكل يوم في الصبح ماما مهناش.. وترجع على الظهر.. واني نقرا.. طول اليوم.. ونمشي للمدرسه نمتحن ونرجع.. وكل يوم نستنى في يوم الموعود..لعند يوم المشؤوم.. نضت الصبح . . مزكومه.. وجوي ملخبط.. حاسه في شي بيصير.. نضت من مكاني وقفت.. خشيت الحمام حشاكم.. توضيت وطلعت صليت.. خديت شنطتي.. طلعت منها الزي.. والوشاح.. و خديت كراستي.. قعدت نراجع ونمشي.. لين طلعت لقيت ماما.. متوتره