🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_ 36🍒
ممنوع النقل بدون اذن 🚫❌
سيرين بعد ماراحت هي و اوار لقدام البحر قعدو و بدا بحكيلها ..
اوار : كلشي بدا اليوم لي عيطلي فيه محمود و قالي انو لازم .... و بدا يحكيلها من البداية ..يوم لي قبل المهمة و راح لدارها و كلشي صار بعدها ... و يوم راح للكلينيك و شافها لاول مرة و حكالها عالمرات لي بعدها لكل و انو بدا يحس بحوايج جيهتها ..و يوم لي ادرك انو يحبها ... انو يعشقها و هذاك ليوم لي وعد نفسو انو راح تكون ليه يصير واش يصير روبين متاعو ... و اخيرا حكالها على العرس لي كان راح يكون اجمل يوم اما فلحظة تحول لكارثة و رجع اسوء يوم فحياتهم و دقيقة لي صارحاتو بالحقيقة لي عرفتها و اللحظة لي دمراتو كي خرجت من الباب بعد ماقالت الكلمات لي حسهم كي السهم فجسمو ... الحظة لي رجعت حياتو لكل ظلمة ..لحظة خروجها من هذاك الباب و كان اخر مرة يشوفها فيه .. و توا بعد عام كلو لي ذاق فيه اصعب انواع الاشتياق و التأنيب بالضمير و الحزن و الالم ... الالم لي جامي حسو الا كي راحت مرتو و حبيبتو ... رغم لي قلب الدنيا عليها حوس فكل بلاصة اما كانو الارض انشقت و بلعتها .. و توا اخيرا لقاها اخيرا ..
سيرين طول الوقت فمها مفتوح و كي وصل حكالها على العرس حطت يدها على فمها مشوكية ..كل هذا صار فالطفلة مسكينة فعام عانات اكثر من اي شخص .. خسرت اعز شخصين عليها و بعدها وقعت فالحب لي خفف عليها المها شوية اما فالاخير زاد عليها برشا كي خسراتو بابشع الطرق .. هو لي خسرها .. شافت فولدها بشوفة خلاتو يهبط راسو
اوار : امي ... قول حاجة ..
سيرين : شتحبني نقولك اه نهنيك ولا نصفقلك علي عملتو فالمسكينة
اوار مسح على وجهو : يعيشك امي متزيدنيش لي فيا يكفيني
سيرين : كيفاه عطاك قلبك و عملتها اه كيفااااه مغاضتكش و لو لدقيقة ولا حتى حبك كان كذب
اوار عينيه ظلامو و كبس على يدو فبوكس خلاو ممفاصلو يبياضو ... يقبل الشك فأي شي اما حبو لروبين لا ..حبو لمرتو الشي الوحيد لي مستحيل يقبل الشك فيه ..مستحيييل
اوار : انا نعشقها تعرف شمعاناها نعشقها كون توا تجي و تقولي موت نموت فخاطرها فهمت مرتي و حياتي راهي مرة اخرى اوزن كلامك
سيرين بلعت ريقها عرفت انو غلطت كي هدرت معاه زي هك و شككت فحبو لمرتو ..
سيرين : قلي مالا علاه عملتها ؟ ماك تحبها علاه عملتها علاه ؟
التساؤلات ملاو عقلها اما لي قالو بعد هذا السؤال خلاو التساؤلات لكل يختفيو و يحل مكانهم الدهشة ....
أنت تقرأ
وجر الحب الجزء 2🍒
Romanceحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
