🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_88_والاخيرة 🍒
ممنوع النقل بدون اذن 🚫❌
بعد مرور عام ...
فالكوزينة بعد ماعدلت روحها و لبست روب تهبل بيضة بالاصفر و شعرها طلعاتو كوتشوفال قاعدة ترتب فالكوكيز فالصحن و تتبسم ... توا ليها عام من يوم مافاق اوار ... من هذاك اليوم رجعو لوجر حبهم هوني و استقرو هوني فروما خاطر روبين حبتها برشا و اوار زادة و خدمتو كبرت برشا هوني ، جابت بنوتة صغيرة سماوها روجين نادية الباشق ... روجين لي يعني شمس الحياة ... خاطر بالحق هي شمسهم لي زادت ضوات حياتهم كثر و كثر و زادت قوات حب روبين و اوار اكثر و اكثر و توا مع ثمرة حبهم هما اسعد الناس ... قص عليها تفكيرها اليدين لي حاوطو خصرها و اوار لي باس رقبتها خلاها ترعش
اوار: ممممم ريحتك بنينة برشا
روبين : تي نفسها ريحتي من قبل
اوار: نعرف يا روحي اما كل يوم تحلى برشا
روبين تبسمت و دارت عندو و باست خدو
اوار تبسم بخبث : شقتلك على البوسات هاذو هممم كي تبدا وحدة كملها ... وقبل ماتجاوب طاح عليها و لاحم شفايفهم فبوسة كلها حب و عنف ماجبد عليها كان خلاها تنهج
اوار حط جبينو على جبينها : توحشت المكرزين متاعي و كرزتي
روبين حشمت و حمارت قريت تترشق : تي احشم توا يجيو ناس
اوار: اما حط فبالك ليلة بش ماترقدش
روبين عينيها تحلو على وسعهم جات تنطق اما قطعت عليها بنتها كي بدات تبكي : بش نش..وف روجين ... و هربت منو خلاتو يضحك مشا لقاها هازتها فيدها التبسيمة ترسمت على وجهو ... روجين كي جات عرفها بش تكون نسخة على امها و هذا لي كان يحلم بيه نسخة مصغرة من صغرونتو .. شعر احمر و زين امها اما الشي الوحيد لي خذاتو منو هو عينيه الرمادي اكهو ... شافاتو و عملت قريماكس متاع البكا و هزت يديها كانها تعيطلو بش يهزها ... تبسم و مشا هزها
اوار: شبيها صغرونتي اه
روبين بوزت شفافها : حتى شي
اوار ضحك لي خلى روجين تضحك زادة : تي نحكي مع جوجو صغرونتي مش انت
روبين حمارت و العصب ركبها دارت بش تمشي اما هو حط روجين و جبدها عندو و لاحم شفافيفهم ماطلقها حتى تقطع عليها النفس
اوار: غرت يا روحي
روبين : شنييية !! ل ..لا مغ...رتش
اوار ضحك و باس عينيها
روبين : افففف اواار مكياجي
اوار قرب لوذنها : اصلا بش يفسد الكل ليلة
روبين حمارت و هوني تفتح الباب و وصلو سيرين و زينب و ايهم و خنساء و عديل و ايهاب و جارتهم زينة زادة بعد ماسلمو على بعض
روبين : ايجو للجاردان
اوار : استنى يا روحي فما شخص جاي
روبين شافت فيه : شكوون
و هوني زاد تفتح الباب و جا ... حميد 😂
روبين و هديل : حمييييييييد
حميد : امييييراااااتي
جراو ليه و عنقوه و هو زادة عنقهم اما اوار و ايهاب جبدوهم
اوار قحرلو خلاه يخاف
حميد : يخي شعملت تشوف فيا هك ... و دار شاف روجين راحلها و هزها دورها خلاها تضحك و دار تكبس كي شاف زينة ... تلاقاو العينين فبعض و هوني تولد حب جديد لقاها نفس المواصفات لي يحبهم سمينة كيفو و شعرها اصفر زادة
اوار جبد روبين عندو : فما عرس قريب ... و تبسم و روبين و هديل ضحكو ....
بعد ماتغداو خرجو و قعدو فالجاردان و عملو بلاصة لروجين و غيث .... غيث ولد هديل و ايهاب لي كثر من روجين بالشهور ... حاوطوهم بالمخادة و الالعاب و هما قعدو يحكيو و يقصرو ...
اوار بقى يشوف فغيث كيفاه يمس فخد روجين و يعطيها فالالعاب ناض و راح عندو هزو و شاف فيه
اوار : اسمع ماتمسش بتتي ولا نقتلك فهمت
غيث عمل قريماكس و بدا يبكي و هوني جا ايهاب هز ولدو و حطو حذا روجين سكت و بدا يضحك
ايهاب : شتعمل هبلت تبكيلي فولدي
اوار: احكم فيه شوف كيفاه يقرب لبنتي
ايهاب تبسم و حط يدو على كتافو : ولدي الفحل بدا يفري فامورو من توا يا نسيبي
اوار قحرلو و دار راح لمرتو قعدها فحجرو و قعدو الكل ...
هديل : عندي خبر ليكم
االكل شافو فيها
هديل : انا حبلة
كامل ناضو و باركولها
سيرين : و انتي روبين مزال
قبل ماتنطق روبين نطق اوار
اوار: ليلة ... و تبسم بخبث و الكل ضحكو و روبين حمارت برشا و ضرباتو على يدو
ايهم : حتى خنساء حبلة ... و تبسم و باس جبينها .... ايهم و خنساء لي تزوجو ليهم شهرين توا بعد حب كبير و اهيرا جمعهم الحلال ...
و كملو تقصيرتهم و اوار شاف فروبين لي دارت عندو
اوار : نعشقك صغرونتي
روبين تبسمت : وانا زادة نعشقك حبيبي ...
روبين بقات تشوف فعايلتها توا كيفاه يضحكو و يحكيو و ياكلو ... فرحة كبيرة دخلت قلبها ... هي عانات برشا فالدنيا هذي فقدت عايلتها فلحظة اما بعدها وقعت فالحب فمرحلة كان الحب بالنسبة ليها مستحيل ... و هذا معنى الحب انك توقع فيه فصدفة خاطرك ماتفورصيش روحك بش تحب .. قلبك هو لي يحب تلقائيا ...
كل انسان فالدنيا هذي حكاية .. و الحياة مهما وجعاتك و حطماتك بش يجي وقت و تفرحك دايما ... بعد كل عاصفة بش تسطع الشمس و مش كل عاصفة تخرب الحياة ... فما عواصف يجيو بش يوضحولك طريقك ... و فالاخير احنا الكل بش نرجعو حكايات ....
#ايوتة 💔
أنت تقرأ
وجر الحب الجزء 2🍒
Romansaحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
