🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_5 🍒
ممنوع النقل بدون اذن 🚫❌
#فلاش_باك
روببن : معجبنيش
اوار 😒
روبين : شنوة ماو قلت رايي
اوار: اما قلت انو عجبك فالاول
روبين : بدلت رايي
اوار: توا بدلت ولا لا معندي منعملك
روبين : اما ... قص عليها
اوار: لا اما لا حتى شي يا روحي قلت ابيض و في خاطرك جبتو ابيض
روبين : معجبنيش جملة شوف ..
اوار: ميهمش توا يا روحي ايجا ندخلو جعت و حاب ناكل .. حاوط كتافها بيديه اما هي نحاتلو يديه
روبين : استنى هوني ... و راحت تجري للدار نفخ و قعد ستناها حتى شافها جاية حل عينيه على وسعهم
اوار: روبين شتعمل
روبين : قتلك معجبنيش و بش نبدلو لونو .. حطت لي فيدها و حلت العلبة متاع سبيغة لي جابتها حمرا
اوار: روبين خلي عليك بش نقول لحد يبدلو
روبين : ماهأ بش نعملو انا ... و بدات تسبغ فالباب احمر
اوار مسح على وجهو و تبسم جاب حتى هو فرشاة و بدا يسبغ معاها ...
روبين : بش يطلع يفتق .. و شافت فالباب عينيها قلوب
اوار: كيفك يا روحي .. و حطلها شوي على خشمها
روبين : اييي اوار ... و حطتلو فشعرو
اوار: ايجا هونو توا نوريلك .. و بقاو يطرشو فبعض حتى رجعو كلهم حمر ..عنقها و باس جبينها
روبين : شفت توا طلع يهبل
اوار: انتي لي تهبلي يا روحي ...
#فلاش_باك_اند
مس الباب الاحمر ..كلشي فدارو يفكرو بيها .. رغم لي فات عام اما ماغير حتى شي .. كلشي خلاه زي مخلاتو هي .. دخل لقى الخدامة هازة الورد لي جابتهولو فعيد ميلادو (تذكرتوه لي ففازة متاع جمجمة )
اوار: شتعملي
الخدامة : شي ...بش نرميه
اوار عينيه ظلامو : رجعو لبلاصتو
الخدامة : اما ذبل و ما... قص عليها
اوار : حط ### فبلاصتو مش قتلك تنظف اكهو ماتمس شي
الخدامة : سامحنى مسيو ..
اوار: توا اخرج
ردت الورد الذابل فبلاصتو و هزت ساكها و خرجت ..
اوار مشا عدلو و تبسم .. هو وعد نفسو انو ماراح يغير حتى شي حتى ترجع هي و تغير لي تحبو .. مشا لشمبرتو لي مفروض تكون شومبرتهم دخل خذا دوش و خرج لبس كوستيم كلو اسود فاسود .. بعد ما مضى ليل الكل فوجر حبهم يتذكر فذكرياتهم توا جا لبس بش يروح لعرس صاحبو ...
تمنى انو كانت هوني معاه و يحضرو لعرس صحابهم مع بعض ... اما توا مهما تمنى مش راح ينفعوه الاماني .. هز تيليفونو و سلاحو لي توا ميفارقوش و هبط ركب كرهبتو ديريكسيوس للصال متاع العرس ...
من جهة اخرى ...
قاعدة فوق سريرها لابسة روب بلونش لي بعثتهالها صحبتها ...اختها لي تمنت انو تكون هوني اما متقدرش و هي فاهمتها و عذرتها زادة .. شافت فالورقة لي فيدها ..
* هديل اختي .. نعرف لي انتي متغششة مني برشا انا زادة متغششة من نفسي خاطرني مقدرتش نجي و نكون حذاك فيوم فرحتك .. كنت حابة نجي برشا اما ... مقدرتش . سامحيني .. تعرفي لي انتي زي اختي و اكثر اما مهما حاولت مقدرتش نجي .. كنت حابة نكون معاك و نشوفك لابسة الابيض ... هاذ الروب لما شفتها تخيلتك لابستيها نتمنى انك تلبسيها و متنسايش تفرحي خاطرو يومك و يوم فرحة عمرك ... نحبك يا اختي و نتمنالك السعادة مع ايهاب .. نعرف انو يحبك برشا و بش يسعدك وانتي زادة اسعديه .. مبروك *
هي كملت قرات و يدخل عليها ايهاب ..
ايهاب : حبيبي
هزت راسها و الدموع فعيتيها
ايهاب تفجع كي شاف دموعها : هديل شبيك ... قرب عندها و حكم خدودها
هديل : مش جاية ...اختي مش جاية
ايهاب غاضاتو برشا جبدها ليه و عنقها : نعرف يا روحي لازم نعذروها
هديل جبدت عليه لي خلاه يشوف لاروب
ايهاب : هذي مش لي خيرتيها يا روحي
هديل تبسمت : ايه مش هي ..هذي بعثتها روبين وصلت صباح ..
ايهاب تبسم و باس جبينها : تهبل يا روحي و انتي زدت فيها النص
تبسمتلو و هبطت راسها حشمانة
ايهاب: مبقاش برشا و نشوف صح الحشمة متاعك كيفاه دايرة
هديل حلت عينيها على وسعهم و ضرباتو على يدو
ضحك و حكم يدها فيدو و نزلو ...
خطوة بخطوة حتى وصلو للطابلة لي فيها الشهود و الامام ولي يعقدلهم ...
توا بش تتحقق امنيتهم ..هديل و ايهاب بش يدخلو القفص الذهبي ليلة ..
برشا معاريض حولهم يستنو فيهم و فاللحظة لي ليهم برشا و هما يستناو فيها .. مفيدة دموعها نزلو كي تذكرت بنت اختها و يوم فرحتها لي فاتت كالنحس عليهم .. لزها فهد عندو ..
أنت تقرأ
وجر الحب الجزء 2🍒
Romanceحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
