🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_3🍒
ممنوع النقل بدون اذن 🚫❌
اميرة : اما مسيو نسبة الربح رتافعت الشهر هذا
اوار بكل برودة: بالطبيعة ماو انا لي عملت كلشي نسيتي انو حتى خدمتك انا لي كملتها
امييرة هبطت راسها
اوار شاف فالملف لقى برشا حوايج ناقصين : توا جبتولي هذا الملف ناقص بش نكملو ولا شنية
برهان : لا احنا قصدنا ... اما قص عليه
اوار: شقصدكم اه ..انكم ماتعرفو تعملو شي نص الخدمة نعملها انا
اميرة و برهان هبطو ريسانهم من الحشمة ..
اوار مسح على وجهو
اوار: نحب الخدمة كاملة غدوة اذا مكملتوهاش منحبش نزيد نشوف وجوهكم و توا تفضلو ...
خرجو اميرة و برهان ..
اميرة : بالحق صعيب
برهان : يقولو انو من لعام لي فات تبدل برشا و رجع بلا رحمة
اميرة : شتقصد
برهان : يقولو انو هربت لي تزوجها
اميرة : شنية !! علاه هربت
واقف من وراهم يسمع فلي يقولوه
ابهاب : حاجة متخصكمش و توا شوفو شغلكم
دارو عندو في زوج عينيهم وساعو حركو راسهم بايه و راحو
ايهاب دار و دخل لمكتب صاحبو
ايهاب: اوار
اوار هز راسو : شتعمل هوني
ايهاب : جيت لصاحبي عيب
اوار : شمجيبك يا #### عريس راك نورمالمون اك تحضر للتحضيرلت الاخيرة
ايهاب: كلشي واجد
اوار: شتعمل عروستك
ايهاب: متوترة و ...
اوار: شبيها
ايهاب جا يقولها اما سكت : حتى شي
اوار: قول شبيها
ايهاب: متوترة اكهو و من الفرحة زاد توترها
اوار زير على يدو و شاف فيه : حكات معاها ؟
ايهاب شاف فصاحبو غاضو برشا : لا من اخر مرة معيطتش ...
اوار هبط عينيه و كمل خدمتو فالبيسي
ايهاب: مش بش تجي معايا توا ...
اوار: مش جاي
ايهاب: اوار عرسي راهو كيفاه مش جاي
اوار: ممكن اذا مجيتش بش تجي هي
ايهاب: مش بش تجي
اوار: اذا قلتولها مش جاي ممكن تجي
ايهاب: مش جاية و اصلا منقدروش نقولولها ماو كل مرة تعيط برقم و حد مايعرف رقمها
اوار كل مرة يقولو هاذ لكلام قلبو يتكسر اكثر و اكثر ...
ايهاب: انتا شعملت
اوار: قلبت الدنيا عليها كيف كل مرة اما ..
ايهاب سكت مالقى مايقولو ... حتى شي مش بش يصبرو الا كي يشوفها ..ناض حط يدو على كتافو
ايهاب: بش تلقاها اما كل شي فوقتو ...
اوار حرك راسو بلا ...
ايهاب: نستناك باهي ميجيش نعرس بلا صاحبي
اوار: بش نجي ..
خرج و خلاه فالمكتب وحدو ... البيرو لي رجع بالنسبة ليه مهرب من الواقع لي عايشو ... الواقع المر لي بسبتو حبيبتو ضاعت منو ..
توا مر عام ... عام ملي شافها اخر مرة .
توا مر عام ...عام كلو من اخر مرة شاف عينيها ..شعرها .. و وجها واقفة لابسة روب عرسهم لي كانت فيه احلى عروسة
توا مر عام ... عام ملي شافت فيه بنظرة كره و قالت الكلمة لي خلاتو يكره روحو ... الكلمة لي حطماتو و كسرتلو قلبو ..
توا مر عام ... عام لكل و هو يشوفها في منامو .. كل مايحط راسو عالمخدة تجي صورتها لي تخليه يحب يقتل روحو .. نظرة الكره منها حطماتو ..
توا مر عام ...عام ملي هربت منو فاكا الليلة السوداء النحس .. عام كلو و هي مفقودة
توا مر عام ... عام كلو و هو يحوس عليها ...قلب تونس عليها و دزاير اما حتى شي ... الارض نشقت و بلعتها
توا مر عام ... عام و هو كي الضايع يحوس على طريقو .. كي المتشرد لي يحوس على دارو .. كي لي غرق فالبحر و يحوس يوصل لفوق الماء .. كي المخنوق لي يحوس على النفس ...
توا مر عام ...عام عمل فيه المستحيل بش يلقاها حوس فالمطارات و المحطات اما شي .. اسمها مش موجود فاي بلاصة .. عرف انها بدلت اسمها راح يجن عام كلو ...عام كلو بلا حتى خبر عليها وصلت بيه وين بكى .. ايه اوار الثعلب بكى خاطر الانسانة لي حبها و زادة في يوم عرسهم ضاعت منو ...
هز تيليفونو و بكل وهرة خرج من بيروه رايح للبلاصة لي خلق فيها حبهم ..
أنت تقرأ
وجر الحب الجزء 2🍒
Roman d'amourحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
